Dwagi Yai Gesi Po Jongo Asęani 7:22 - Godigo dwagi yai po buku

²² Moses agai dagebolo te bomo yai po polobadu mawai dao, ogwa ame nenama, a naga bidama me badu nogo sela wabo side, aga tigiwali togwa, dąį ilao wali. Duga wąį mu te po me wai dao, tama nosali Moses me agai te bomo yai po asęani. Tama te bomo yai po bolidali weyu, me sogo Sabat sogode dagego ogwa tigiwali togobo sę ebo dao.

Dwagi Yai Gesi Po Jongo Asęani 7:22 Referans Kwoze

Pris Sę Ebo Bomai Po 12:3

Tama te 8 wabo side, augwaligo te waigo gasa tigi wali togwao.

Galesia 3:17

Tama eno megi dagebolo wabo po page e dao, te Abraham dali nosali yabo dwagi yai sę po weyu, tama te po Godigo polobadu mu dąų wali. Tama tialigo da, te nosali asali bomo yai po tego te polobadu dąų wali po togogobeo. Te kibu be 430 silama, tama Godigo te bomo yai po mawai. Tama tibaso, te nosali asali bomo yai pogo te hasia wali dąų wali po aiyaba elaluama, tama te po hasegelama, te olo po tiwai pedalogobeo.

Tigidali Nai Gagalama Nigali Side 21:4

Nosali te a naga olama, me badu sela sogo wali bidama siligi pabode, tama Abrahamgo Godigo po wali peyu, tama te ogwa Aisakgo gasa tigiwali bo togwalio.

Godigo Sęba Tagala Palai Bidigo Po 7:8

“Tama te po olama, Godigo Abrahambolo po me ola mayu, te po wai, ‘Te nage dali nago hani dali, dagego ogwa dabe ame nabo si, te Sarere deli bidama, te augwaligo tigide dagego dąį ilibo sę eyu, te tigi wali togwao. Tama te dąį togobo te Godigo mani bodolu po koneaibao,’ wali. Tiliama, nosali Abrahamgo wego wai ame nani. Te wai nogi Aisak. Sarere deli bidama, te wai aga ayago te waigo tigiwali togwalio. Tiliama, nosali mu Aisakgo we sali. Agai aga ogwa Jekop agai te yali sę tiwai yalio. Tama Jekop me aga genuai elama, agai te yali sę tiwai yali. Agai ogwa nogo si olama, sągą badu si wagi soali bage ame nenama, agai augwali tigidalibolo te yali sę tiwai yali. Te bidi dabe da Israel bidigo wąį dabe dao,” Stivengo te po wai.