Dwagi Yai Gesi Po Jongo Asęani 6:9 - Godigo dwagi yai po buku

⁹ “Ogwa me deli ede bidibao, te ogwa agai a naga bret dali sųgų si dali munalubo. Te bret te bali plauago nigai. Tiali digi, te naigo e genuai we bidi hani usu egobeo,” Andrugo te po wai.

Dwagi Yai Gesi Po Jongo Asęani 6:9 Referans Kwoze

Dwagi Yai Gesi Po Lukgo Asęani 9:13

Tiali goli, Jisasgo augwalibolo te po wali, “Tuabo nai duga digi mao.” Augwaligo wei ponoyu, te po wali, “Dago bret a naga badi, sųgų si badi elama naga, munalubao. Moni we bidi dabego tuabo nai dabe dago abelegi pomainu obawe?” (Tama tede bidibo bidi dabe namba nedebo te umabo mu, te 5,000 dao.)

Dwagi Yai Gesi Po Makgo Asęani 6:38

Tama agai augwalibolo te po wali, “Dagego nisu naga bret munalubowe? Dage pelama sugi piąo.” Augwaligo sula selama, tama augwaligo te po wai, “Dago te bret a naga, me te sųgų si te tama elalubao.”

Matyu 14:17

Tama augwaligo agabolo te po wai, “Dago nai hauwa ede munalubeo. Te a naga bret badi, te sųgų si naga munalubao,” te po wali.

Godigo Nogi Ugwaba Sabo Tęąbi Po Wabo Buku Dabe 78:19

Augwaligo te tiwai posobo po Godiba wali, “Godigo dabolo te tǫ wa pai bulude te nai hauwa mabo usu yaiba, agawe?

Matyu 16:9

Ma, dagego me konebo meniwe? Te bidi sese hauwa 5,000 bidigo te a naga bret sela tuali te augwali tabibaso, tama te bonou wa basket nisu naga pągąwai dawe? Te tiali sę dagego konesiąma gegeda pai dawe?

Dwagi Yai Gesi Po Makgo Asęani 8:19

Eno te a naga bret te bidi sese hauwa umabo 5,000 bidi te nai pebedama mani sogo, dagego te nisu naga bonou wa basket te me badu munaluali bretgo pągąwai dawe?” Tama augwaligo te po wai, “Te nogo si olama sągągo si da,” wali.

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

Godigo Nogi Ugwaba Sabo Tęąbi Po Wabo Buku Dabe 147:14

Te boi bidi dabe asidali weyu, agai te dagego tǫ me tonaluyu, tama te gide wiegi yai wit mu holomainu elama, tama dagego tulama, tama pągąna pabo dao.

Godigo Nogi Ugwaba Sabo Tęąbi Po Wabo Buku Dabe 81:16

Tiali goli, eno wiegi yai nai mu dageba maiyabo homu eyu, tama dage te buside elalubo tubo nai te hani menama, tama dagego haliga te pągąna peyu igi da,” wali.

Bomai Po 8:8

Te bulude te nai wit elaluyu, me bali, me wain ni du, me ni fik du, me pomigranet ni du, me ni oliv du, me pusai bunu ge te hani elaluyu ebo bulu dao.

Kraisgo Geme Dualali Sę Pedelabo Po Jonbolo Ola Mani 6:6

Tama eno odali, te bidibo ula elalubo hasa me si me si tomode me deligo pedauwalide wabo po, tama te pedauwalidu te we bidigo tubo nai mude te po wali, “Nago te tubo nai wit ge, te gego dwasianu sini pągąnama tama te naigo sęgę skel ela suao. Tama te nai abelabo masigi hasegelao, te genuai muao, te masigi sabo sę ebo bidigo deli sogo sabo masigi tiwai si ilao. Tama nago te masigi hauwa meni yai bagego tubo nai nogi bali, tede me tama tiao, te bali gego dwasianu sini me si me deli pągąnama, tama te naigo sęgę skel ela suao. Tama te nai bali sela abelabo masigi nogi genuai naga nogi yao, te sę ebo bidigo deli sogo sabo masigi tiwai si dao. Tiali goli, nago te tubo wel dali te tubo ąį wain si dolamuo,” te po wali.

Dwagi Yai Gesi Po Jongo Asęani 11:32

Te Maria Jisas bidibo digi sabolai. Agai Jisas suyu, polo tama Maria aga tigi tǫba pigilubo tiwai yai, Jisasgo sągą pagede. “Genuai Bidi, nage ede bidigi sogo da, eno abe isigi menio,” Mariago te po Jisas dali wai.

Dwagi Yai Gesi Po Jongo Asęani 11:21

Martago Jisasbolo te po wai, “Genuai Bidi, nage ede bidigi sogo da, eno abe isigi menio,” Martago te po Jisasbolo wai.

Dwagi Yai Gesi Po Jongo Asęani 6:7

Filipgo Jisasbolo po wei ponoyu, te po wai, “Tibaso da, dago bret te masigi umabogo abelama, te we bidi mabo da, te augwali usu egobeo. Te augwali deli deligo te nai dwasianu naga siyu da, te me usu egobeo,” Filipgo Jisas dali te po wai.

Esekiel 27:17

“Tama Tair. te Juda me Israel dabego nageba te wit hauwa mayu, te pusu nai hani, me te ni oliv wel, me te tobage gasagi yai marasin, me gasa nai dabe mobadi yali, te augwaligo nagede sabo nai dobu si abeleyu, tama tiai dao.

Godigo Nogi Ugwaba Sabo Tęąbi Po Wabo Buku Dabe 78:41

Te Israel dabego God te tedali gasa wiegi yai mu dao. Tiali goli, hauwa sogo augwaligo aga usu sabo sę eyu, tama agai wado yabo sę ilali.

Te Israel me Juda Hani Sigo Tuni Bidigo Po Elalubo Buku Si 7:1

Tama te moni nasi ebo sogode Elisago te po wei ponoyu, e tama wali, “Mu tama dao, odao. Genuai Bidigo te po wai, ‘Do tama tibo sogo bodolude, te we bidi dabe augwali te taun sunumi pąde elalubo maket teba peyu, tama augwaligo te 3 kilogram te witgo nigai dwagi yai plaua abeligi paibao, me te 6 kilogram rais bali, te podolai monego abeligi paibao’ tama wali.” Elisago te po wali.

Te Israel me Juda Hani Sigo Tuni Bidigo Po Elalubo Buku Deli 4:28

Tama te kingo dąį ilali poluade, augwa te rais bali me, tama te karis dabe kegebo hos dabego nosa dabe me, te gasa polo pabo hos dabego tuabo nosa dabe seseyu yali. Augwa te nai dabede te hos dabe bidalubo deli deli hanuba selasa peyu yai dao.

Bomai Po 32:14

Augwaligo kau kibu dabe, me meme kibu dabego ame pę hauwa augwaligo sali. Tama augwaligo kau kibu, me sipsip kibu, me meme kibu dabe moni bage mu nisali. Tama augwaligo wit me wain dabe wiegi yai mu holali.”

Dwagi Yai Gesi Po Jongo Asęani 6:11

Augwali duada pao olama, augwali dualaluai, tama Jisasgo te ogwago bret selama, tama Jisasgo Godibolo nage usu dao wai. Tilama, te we bidi augwalibolo te nai dobaba pai. Te sųgų si me agai tama naga tiwai agai augwalibolo mawai, augwa homugo usu yabo te tiwai naga.

Dwagi Yai Gesi Po Jongo Asęani 21:9

Tama augwali te gebadu aselama, te ąį sani badu sabolama, tama augwaligo suali, sia tede dabo suai, tama te siade sųgų ulalubo suai, tama te tubo nai bret me tede munalubo augwaligo suai.

Dwagi Yai Gesi Po Jongo Asęani 21:10

Jisasgo augwalibolo te po wai, “Megi dagego te sali sųgų, te dagego meba eba sesao,” te po wai.

Dwagi Yai Gesi Po Jongo Asęani 21:13

Tama Jisas aselama, te bret selama, augwalibolo mawai. Tama te siade ulai sųgų me tama naga tiwai.