Dwagi Yai Gesi Po Jongo Asęani 6:66 - Godigo dwagi yai po buku

⁶⁶ Te po silama, tama Jisas aga wali pabo we bidi hauwa augwaligo te po odama, Jisas tagalama, augwa ma geasa pai, tama augwali Jisas dali me bidibeo.

Dwagi Yai Gesi Po Jongo Asęani 6:66 Referans Kwoze

Dwagi Yai Gesi Po Lukgo Asęani 9:62

Jisasgo agabolo te po wali, “Bidigo eno sę gagalama, te sę ebadi tagalo baso da, te Godigo we bidi tonalubo pesagede te bidigo sę ebo usu egobeo,” wali.

1 Jon 2:19

Te bidi dabe augwali polobadu te da bidi hani deli bideiba homu meni baso, tama augwaligo da tagalai dao. Augwali dago hani tigi sogo da, te da dali me bidigi dao. Augwaligo da taga pobaso, dago hania koneani, te bidi dabe tigidali augwali da deli hani bidi mu meni.

Hibru 10:38

Tiali goli eno doloba pai we bidi augwaligo enade konealubo po wali pobaso, tama augwali bidada paibao. Tialima augwali tomode te bidi me deligo ena tagaliyu tama ibaba kila sobaso da, teda eno homu aga dali wiegi yai me egobeo,” te po wai.

Dwagi Yai Gesi Po Jongo Asęani 6:60

Te bidi Jisas agai te bret dagaludu dulali po olama, tama aga wali pabo we bidi hauwa augwaligo te po odolama, augwa hasi tomode te po wai, “Te pogo dabolo sęgę mabo, dago te po magi elama, wali pogowe? Mena bidigo te po odolama, wali pabo usu egowe?” augwaligo te po wali.

Polgo Si Wali Pas Timotiba Asęani - 2TI 4:10

Te bidi Demas agai ena taga palio. Agai te megi tǫde elalubo kolesaga godolo mu elama, tama agai ena tagalama te Tesalonaika hanuba pai. Te Kresens aga te Galesia tǫba pobadi yali, tama te bidi Taitus me te Dalmesia tǫba pai dao.

Dwagi Yai Gesi Po Jongo Asęani 8:31

Tama tibaso, Jisas agai te agabolo homu tamadi muai we bidi tebolo te po wai, “Dagego eno ola mabo po wali peyu da, teda dage ena wali pabo we bidi mu dao.

Polgo Si Wali Pas Timotiba Asęani - 2TI 1:15

Timoti, nago koneani, te Esia genuai tǫde bidibo Godigo po odobo bidi augwali tigidaligo ena tagalai dao. Te augwali tomode te bidi si Figelus me Hermogenes si dali, te augwaligo me ena tagalai dao.

Matyu 19:22

Te gesi bidigo te po wali odolama, tama aga homu sęgę mu yali, tama aga beba ma pai. Magi basowe, te agai doado bage hauwa mu elaluai.

Dwagi Yai Gesi Po Jongo Asęani 6:64

Tiali digi, me badu bidi dage tomode augwaligo enade bomo yai homu dąų olama, mube,” Jisasgo te po wai. Polobadu digi, aga sę ebo gagalali sogode, Jisas aga koneai agade bomo yai homu dąų olama, musiąbo bage. Tama aga koneai me, te aga te boi bidigo nogoba sela maiabo bidi, te me agai polobadu koneai.

Sefanaia 1:6

Te we bidi augwaligo ena tudi ola menama, tama ena wali me asisąma iyu, tama enabolo augwali dodolomainu hanalubo menio. Te eno te we bidi augwali me dolaibao,” Genuai Bidigo te po wai.

Dwagi Yai Gesi Po Jongo Asęani 2:2

Augwaligo Jisas aga bidi dabe dali augwali i wai, Jisas aga bidi dali augwali aselama, te we sabo suagasomainogo, augwaligo te po wai.

Dwagi Yai Gesi Po Jongo Asęani 7:3

Tama tibaso aga ama dabe augwaligo Jisas agabolo te po wai, “Nage e bulu tagalama, tama nage Judia moni tǫba pao, te nago ebo sę te naga wali pabo we bidi augwaligo te sę sumainogo yao.