Dwagi Yai Gesi Po Jongo Asęani 6:48 - Godigo dwagi yai po buku

⁴⁸ Ena digi ena te mu bidabo bomo elalubo tubo diluai nai bret dao.

Dwagi Yai Gesi Po Jongo Asęani 6:48 Referans Kwoze

Dwagi Yai Gesi Po Jongo Asęani 6:51

Ena digi ena da, te bidabo bomo elalubo bret da, te ena dagalu tagalama, e tǫba dulai dao. E bret bidigo tuyu da, te bidi aga bidada paibao, mu gamonaibao. Tama eno te bret agabolo mawaibao, te eno tigi dao. E tǫde bidibo we bidi augwali mu bidimainogo, eno ena tigi mawaibao,” Jisasgo te po wai.

Dwagi Yai Gesi Po Jongo Asęani 6:41

Te Jisasgo te po tamadi wai dao, “Ena digi ena te tubo diluai nai bret dagalu tagalama, eba dulai.” Jisas agai te po obaso, Juda bage augwa hasi hagelabo po miani.

Matyu 5:6

Tama te doloba pai kolesaga sainogo bomo eyu godolo ebo we bidi dabe augwali wiegi yai homu pemene emainao. Te homu tiwai ebo we bidi dabe augwaligo homu kolesaga te Godigo augwali mu usu nama te tiwai pedelaibao.