Dwagi Yai Gesi Po Jongo Asęani 6:44 - Godigo dwagi yai po buku

⁴⁴ Bidi me deli ena pageba olo me asogobeo. Menio. Ayago ena tagala palobaso, ena asai dao. Tibaso, agai bidi me deli kegali da, tiali da, te bidi ena pageba asagameo. Tama te bidi eno aga nosali tǫ dali dagalu dali silibo side ma hodolaibao, aga ma bidimainogo tama yaibao.

Dwagi Yai Gesi Po Jongo Asęani 6:44 Referans Kwoze

Dwagi Yai Gesi Po Jongo Asęani 6:65

Tama Jisasgo po me wadoloyu, te po wai, “Te pagede eno dagebolo te po wai dao, Ayago bidi mebolo usu dao wasiąyu da, teda te bidi ena pageba asobo usu egobeo,” Jisasgo te po wai.

Dwagi Yai Gesi Po Jongo Asęani 12:32

Nosali augwaligo ena ni pedaide ugwaba selama, elaibao. Tama te sę ebo sogo eno tigidali tǫde we bidi ena pageba gegasa asaibao,” Jisasgo te po wai.

Matyu 16:17

Jisasgo po wei ponoyu, agabolo te po wai, “Saimon, Jongo ogwa, God agai nage dali wiegi yai sę mu yai dao, tama nage wiegi yai homu pemene yao. E tǫde bidi me deligo te po nagebolo me ola mabeo. Menio. Eno Aya dagalude bidibo bidi agai te po nagebolo ola mani dao.

Dwagi Yai Gesi Po Jongo Asęani 6:45

Te Godigo nosali yabo sę po pusa mani profet bidi dabe augwaligo te po asęani, ‘Godigo tigidali we bidi ola mawaibao.’ Mena bidi me Ayago po odolama, tama koneama, te bidi ena pageba asobo dao.

Jeremaia 31:3

Genuai Bidi te digibulu buludu aselama, te ena, Jeremaiaba pedelama, te tama po wali, “Dage Israel, eno dage sesemane sogo godolo elama, te eno wiegi yai kolesaga dageba ebao, te dage ena pageba asomainogo tebo dao.

Dwagi Yai Gesi Po Jongo Asęani 5:44

Dagego genuai nogi duga haside sabo dao. Tiali digi, dagego Godigo dagebolo genuai nogi maiabo sę te bomo elama, ebo menio. Tama tibaso, dagego eno wabo po mena tama duga homuba mugowe?

Hosea 11:4

“Eno augwali homu dene elama, te eno augwali godolo mu yai, tama eno augwali enaba sali. Eno te augwalide elaluali genuai sęgę sela sąnama, te augwali bugagia wiegi yai ilama, te augwali nai manio.”

Kolosi 2:12

Magi baso meni. Te dagego duga homu begelama tama ąįba dulali sogo, te sogo dage Krais dali hodobo pubulali tiwai yai. Tama te sogo me te dage te ąįdu ma hodaluali sogo, te dage Krais dali hodobo gų pagede ma hodaluali tiwai yai. Aga te isali we bidi tomode osogo bidama tama Godigo aga tedu ma hodolali, agai sę yabo bomogo. Tama dagego te bomode duga homu bugagia dąų obaso, God agai dage me Krais dali hodobo hodolali tiwai yai.

Filipai 1:29

Magi baso meni, dage, dagebolo Godigo dwagi yai sę olo elama, tama agai dage te Kraisgo sę ebo we bidi nigilai dao. Tama tiyu, agai dage tau selama, tama dagego Kraisde konealubo po homugo dąų wali. Te me elalubao, te agai dagebolo agai nogide dene sabo kolesaga me olo manio, te wiegi yai dao.

Solomon 1:4

Nago ena selama, da udayu pinao. Nage eno king bidi tiwai, te nago ena selama, te nago be habuba pinao. Te da si pemene yaibao. Nago ena godolo mu ebaso, tama da pemene mu ebao. Dago wiegi yai pemene ebogo te bidi dabego wain ąįde pemene homu ebo aiyaba elalubo dao. Nage uganu mu elalubao. Tibaso, tigidali we dabe nagede mu tulalubo dao.

Dwagi Yai Gesi Po Jongo Asęani 8:43

Magi baso dagego eno po homugo bugagia konebewe? Te page tama dao. Dagego bomo elama, dagego eno po sabo homu ebo menio.

Jeremaia 13:23

Te husugu bidi augwa tigiwali hasegelama, te mamamonu tigiwali hasegelaiba, agawe? Ma, te uni husugu yai pusi te augwa tigi dodobolo pali sela sąwaiba, agawe? Mu menio. Te tiwai tama, te nago naga dwai kolesaga me hasegelama, te wiegi yai kolesaga wali painogo ebaso, usu me egobeo.

Matyu 12:34

Dage te dwai bidi dabe, dage te dwai hasamani dabe tiwai dao. Tama tialigo da, magi ilama dagego wiegi yai po waibawe? Tama bidigo pedauwalidu te tiwai po aga homude elalubo po pusubo dao.

Dwagi Yai Gesi Po Jongo Asęani 6:43

Te Jisasgo augwalibolo po wei ponoyu, te po wai, “Dage duga hasi tomode te hagelabo po wabo tagaliąo.