Dwagi Yai Gesi Po Jongo Asęani 6:43 - Godigo dwagi yai po buku

⁴³ Te Jisasgo augwalibolo po wei ponoyu, te po wai, “Dage duga hasi tomode te hagelabo po wabo tagaliąo.

Dwagi Yai Gesi Po Jongo Asęani 6:43 Referans Kwoze

Hibru 4:13

Te Godigo nigali nai me deli te God agai gedude te geme dula sainogo ebo te usu munu me egobeo. Menio. Te tigidali nai te hania mu te Godigo gedude tigidali te elalubao. Tama Godigo naga te dago ebo kolesaga tigidali dagalabo bidi dao.

Dwagi Yai Gesi Po Jongo Asęani 6:64

Tiali digi, me badu bidi dage tomode augwaligo enade bomo yai homu dąų olama, mube,” Jisasgo te po wai. Polobadu digi, aga sę ebo gagalali sogode, Jisas aga koneai agade bomo yai homu dąų olama, musiąbo bage. Tama aga koneai me, te aga te boi bidigo nogoba sela maiabo bidi, te me agai polobadu koneai.

Dwagi Yai Gesi Po Jongo Asęani 16:19

Augwaligo Jisas aga dali hanalu wainogo ebo agai koneai. Tama agai augwalibolo te po wai, “Dagego eno wali pode tama duga hasi te po page hanalu obawe? Eno te po wai, ‘Nosali ganama dagego ena sugobeo, tama nosali ma dwasianu sogo te dagego ena ma sueibao,’ te pode dagego hanalu obawe?

Dwagi Yai Gesi Po Makgo Asęani 9:33

Tialima, augwali te Kaperneam hanuba sabolali. Augwali te be tomoba pela siali madi, tama Jisasgo aga wali pabo bidi dabeba hanaluyu, te po wai, “Te da asobadi, te sunumide dagego duga hasi mena po miai dawe?”

Matyu 16:8

Tama Jisasgo augwaligo wabo po koneama, tama agai te po wai, “Aua, dage da te enaba duga homu dwasianu muani bidi dabe da. Magi baso duga digi te po weyu, ‘Te da bret menio’ te po obawe?

Dwagi Yai Gesi Po Jongo Asęani 6:42

Augwaligo te po wai, “E bidi da, te Josep aga ogwa dao. Dago aga aya ida dali koneai dao. Magi baso agai te po megi wabowe, ‘Ena dagalu tagalama, e tǫba duali dao,’ wabowe? Agai po usubeo,” augwaligo te po wai.

Dwagi Yai Gesi Po Jongo Asęani 6:44

Bidi me deli ena pageba olo me asogobeo. Menio. Ayago ena tagala palobaso, ena asai dao. Tibaso, agai bidi me deli kegali da, tiali da, te bidi ena pageba asagameo. Tama te bidi eno aga nosali tǫ dali dagalu dali silibo side ma hodolaibao, aga ma bidimainogo tama yaibao.