Dwagi Yai Gesi Po Jongo Asęani 6:27 - Godigo dwagi yai po buku

²⁷ “Dagego te mobia pabo nai naga sabo sę tiwai dagego egimio. Te menio. Dagego te bidada peyu bidabo bomo mabo nai sabo sę yao. Te tiwai nai Godigo Bidi Mu agai dagebolo mawaibao. Magi basowe? Aga Aya Godigo te bidide dwagi yai homu eyu, sa muai,” Jisasgo te po wai.

Dwagi Yai Gesi Po Jongo Asęani 6:27 Referans Kwoze

Kolosi 3:2

Sesemane sogo dagego te Godigo bidibo digide elalubo naide homu dąų wao. Dagego tǫde naiba duga homu mugio.

Aisaia 55:2

Magi baso dagego te duga mone te dage tau sisąyabo nai dabede odolali silama, te dage nai sili bidaiwe? Magi baso dagego te tubo nai sabo sę dene elama, tama tede sabo monego magi baso te dwai olo nai naga abelebo dawe? Te eno poba bugagia olo muao, te eno wabo po tiwai gilama yao, te dagede eno mabo haniani nai mu pągąnalueibao. Awe, dagego homugo tede wiegi yai pemene mu yaibao.”

Dwagi Yai Gesi Po Jongo Asęani 6:54

Bidigo eno tigi tuyu, tama eno kaneme tuali bidi da, aga bidada pabo bomo elaluaibao, tama eno aga te tǫ dali, dagalu dali silibo side aga ma hodolaibao.

Polgo Si Wali Pas Timotiba Asęani - 2TI 2:19

Tiali goli Godigo mu po te bidigo dolobo usu egobeo. Te bomai be tuni ni pos tiwai bulalio, tama te dolalubao, te be peme egobeo. Tama te tuni ni posde hagea siyu asęani po te tiwai elalubao, “Genuai Bidigo aga we bidi digi bugagia koneani.” Tama te po me asęani elalubo, “Te Genuai Bidi nogi nogi eyu ‘Ena aga bidi dao’ po wabo tigidali bidi, augwaligo te dolo isiąwai kolesaga tudiba muao,” te po asęani elalubao.

Dwagi Yai Gesi Po Jongo Asęani 6:40

Eno Aya agai homu tama telalubo, aga ogwa osola suyu, agabolo bomo yai homu dąų olama muyu yai we bidi tigidali te augwali bidada peyu bidada pabo bomo selama, mu bidaibao. Tama augwali eno te tǫ dali dagalu dali silibo sogode augwali eno digi ma hodolaibao, ma bidimainogo,” Jisasgo te po wai.

Polgo Po Pas Rom Dabeba Asęani 6:23

Magi baso meni. Te dwai sęgo te aga sę ebo bidi augwalibolo te pe mabo dao. Te mabo pe te isibo sę naga dao, augwali te God dali dagalama tama aga dali bidada peyu bidada pogobeo. Tiali goli te da te ula sabo dolo meni yai goli, Godigo dabolo te wiegi yai olo mabo kolesaga eyu, te sesemane sogo bidibo ula mawaibao, te da te dago Genuai Bidi Krais Jisas dali wadolali we bidi dabolo agai te ula olo naga mawaibao.

Dwagi Yai Gesi Po Jongo Asęani 10:28

Tama eno augwali bidada peyu, bidada pabo bomo mobao, tama augwali munu me isigobeo, hagagobeo. Menio. Bidi me deligo augwali eno nogode ma dobola sabo usu egobeo.

Dwagi Yai Gesi Po Jongo Asęani 6:51

Ena digi ena da, te bidabo bomo elalubo bret da, te ena dagalu tagalama, e tǫba dulai dao. E bret bidigo tuyu da, te bidi aga bidada paibao, mu gamonaibao. Tama eno te bret agabolo mawaibao, te eno tigi dao. E tǫde bidibo we bidi augwali mu bidimainogo, eno ena tigi mawaibao,” Jisasgo te po wai.

Godigo Sęba Tagala Palai Bidigo Po 10:38

Te po duga digi koneai dao. God agai te Nasaret bulu bidi Jisas sa muai. Tama Godigo agai Dwagi yai Mobo Bidi dali, bomo dali si agabolo mawai dao. Tama Jisas aga tigidali bulu bilama, dwagi yai sę ela bilali, tama agai Satango dolai we bidi agai dwagi yai ma ilali. God aga dali bidibaso, te tobage sę yali.

Dwagi Yai Gesi Po Jongo Asęani 17:2

“Tama nago ena sa muyu, moni bomo mayu yai dao. Ena te tigidali tǫde we bidigo genuai bidi dao weyu, tama nago te bomo enabolo mawai dao. Magi basowe? Te bidada pabo bomo te we bidi nago enabolo mani we bidi augwali eno te bidada pabo bomo mawaibao, te homu eyu, nago enabolo te nogi yai sę mawai dao. Tama te bidada pabo bomo menama, tama augwali bidada peyu, bidada paibao, gamonaibao.

Matyu 6:19

“Dagego duga wiegi yai doado bage e tǫde sabogimio. E tǫde dwai asibago me te yaba ilibo nai dabego te nai doloyu, me te nai wi sabo bidi dabego te be tomode munalubadi aselama, nai wi sabo dao. Tama tibaso, te nai e tǫde sabogimio.

Dwagi Yai Gesi Po Jongo Asęani 6:58

E bret, eno dagebolo po wabo bret da, te dagalu tagalama e tǫba dulai bret dao. Duga nǫų dabego bret tuali goli, augwali isali. Eno dagebolo wabo bret te tiwai menio. Bidigo e bret tuyu da, te bidi aga mu bidabo bomo selama, bidada peyu, bidada paibao,” Jisasgo te po wai.

2 Pita 1:17

Tama da aga dali bidibadi te aga Aya Godigo aga nogi ugwaba siyu, tama te wiegi yai ula agaba mawai. God aga te hasia polalubo dagalu ulade bidiyu, agai te po wali, tama te dagaludu wali po Kraisba dulama te po wai, “Te eno ogwa dao, eno aga godolo mu eyu, tama eno homu wiegi yai aga dali mu ebao.”

Filipai 2:13

Magi baso meni, te dagego aga homu wali pabo homu emainogo, te dagego aga homu wali pabo bomo me elalumainogo, te God aga digi dage tomode aga sę eyu, tama dagego homu agai hodolobo dao.

Jeremaia 15:16

Nago po enabolo mobaso, te eno sali, te bidigo nai sabo tiwai yali. Tama nago te pogo ena pemene eyu, wiegi yai haliga mu yai, magi baso meni, ena nagaba elalubao, God Genuai Bidi Tigidali Bomo Elalubo Dao.

Kolesaga Koneai Bidigo Pusali Po Elalubo Buku 6:7

Dago nai tuabo homu elama, te dago sesemane sogo sę ebo dao. Tialima, dago te sela tubo naigo, te dago godolo yali homuba me usu nugu pogobeo.

1 Pita 1:24

Tama Godigo pode te bukude asęani po me deli e dao, “Te tigidali we bidi osogo naga bidibo dao, te noswai tiwai. Tama augwaligo genuai nogi me te osogo naga elalubo dao, te noswai aga duduli tiwai. Te noswai holama, sasia peyu, aga duduli me tegasa dulaibao.

Dwagi Yai Gesi Po Lukgo Asęani 3:22

Tama Godigo Tedali Mobo Bidi dagaludu dulali. Te Godigo Mobo Noma Bidi ba hi tiwai aga toboluba dugayagasali. Dagalu badu i weyu, te po wali, “Nage eno homu kęąlubo Ogwa mu dao. Eno nage dali dwagi yai homu elalubao,” te po wai.

1 Tesalonaika 1:3

Tama dago Aya Godibolo po obadi, dagego ebo dwagi yai kolesaga te dago gegeda pabo menio, te dago ma konebo dao. Dagego Kraisde duga homu tigidali mubaso, tama dagego dwagi yai sę ebo dao. Dagego duga hasi dwagi yai homu eyu, tau siyu ebaso, sę dene ebo dao. Tama dwagi yai homu eyu, dagego ‘Dago Genuai Bidi Jisas Krais mu aselama, da tau saibao,’ te homu eyu, tama bomo elama, dagego tonalubo dao. Tama dagego te sę ebo po dago ma koneyu, dago Godibolo buba hwi po wabo dao.

Kolosi 1:29

Tama te sę emainogo eno bomo eyu tama ena sę dene mu ebo dao. Kraisgo enabolo aga genuai bomo menama, tama te bomogo naga eno bomo eyu te sę ebo dao.

Dwagi Yai Gesi Po Jongo Asęani 3:33

Tialima, niwai bidigo agai te po selama, dąų wali da, agai te po usu da waibao, God agai mu po naga wabo dao.

Godigo Sęba Tagala Palai Bidigo Po 2:22

Te Pitago po ma wai, “Dage Israel dabe, dage e po odiąo. Eno Jisas te Nasaret bidide po waibao, te agai bomai moni sę dabe Godigo agabolo mobaso, agai dagebolo ola mayu tama Godigo aga tagala palai dao. Dago te kone dao, te bomai sę dabe Jisasgo dage tomode yali duga kone dao, te bidi Jisas agai yali.

Dwagi Yai Gesi Po Jongo Asęani 6:68

Saimon Pitago Jisasbolo po wei ponoyu, te po wai, “Genuai Bidi, dago nage tagalama, da mena bidi pageba pogowe? Nago po da, te bidada peyu bidada pabo bomo elalubuo.

Dwagi Yai Gesi Po Lukgo Asęani 9:35

Te pǫ tomode po me dagayu te po wali, “E eno Ogwa dao. Agai eno sę emainu sa muani Ogwa dao. Dagego agai wabo po odao.”

Godigo Nogi Ugwaba Sabo Tęąbi Po Wabo Buku Dabe 40:7

Tialima, megi eno e tama obao, “Suao. Ena asalio. Te nago bomai po elalubo bukude nago homugo te eno emainu yabo sę asęanio.

Godigo Nogi Ugwaba Sabo Tęąbi Po Wabo Buku Dabe 2:7

God Genuai Bidigo sa muani kingo te po wali, “Megi da, eno te Genuai Bidigo enabolo mani po pusubao. Agai enaba te po wai, ‘Nage eno wai dao. Megi tama nage te king bidi pedalubo sogo, ena te nago aya pedalubao.

Hibru 12:16

Tiyu bidi me deligo te penani ebo kolesaga wali pabuo. Tiyu bidi me deligo te God tudiba muyu, te polobadu Isogo yali tiwai idalio. Te aga amade te tubo nai deli sogo naga abela tuali, tama agai te aga digi gomunai ogwa da wali bomo me, nogi me, te sigo te tubo nai abelama tama aga olo sąwai dao.

Galesia 5:6

Tama tiyu, dago koneani, te bidi aga Krais Jisasde wadoloyu da, teda aga tigiwali togobo sę te olo sę tama tiwai da, tama te tigiwali togisąwai bidi me, te me te olo sę tiwai da. Te sęde magigobeo, te olo sę tama dao. Tiali goli, te bidigo aga abagi dali te wiegi yai homu elama tama tau sabo, te bidigo Godide konealubo po dąų wabo homu kolesaga hodolobao, te agai kolesaga te usu mu elalubao.

Hibru 4:11

Tama tibaso, te toma nabo pesage tomoba painogo da te dago sę bomonama yao. Tiyu yaide te bidi me deligo te Godigo po sela sąbo kolesaga wali peyu, te Juda bage augwaligo polobadu yali sę tiwai yabuo, tama aga tula munama tama hagawaibao. Te tiwai idali weyu, dago bomonama Godigo po bugagia wali pao.

Kolosi 2:22

Te bomo yai po te naide wabo dao, tiali goli dago te nai tubaso da, te nai mu ela silibo dao. Te tobage bomo yai po dabe, te bidigo naga augwa homugo nigilama tama ola mabo dao.

1 Korin 9:2

Te bidi meba augwaligo ena te Godigo po sela pabo bidi meni da homu yali, tiali goli tagalao, duga koneani, ena te Godigo po sela pabo bidi bidibo. Suao, ena te Genuai Bidigo po sela pabo sę bidi bidibao, tama te koneabo sę te dagede elalubao.

1 Korin 6:13

Gasa bidigo eno po aiyaba elalumainu eyu e tiwai po waibao, “Tubo nai te tabigo sabo nai da, tama tabigo te nai sabo dao.” Agai homu te tiwai me aga tigigo te dwai penani sę ebo te me usu dao, te aga tigigo yabo sę dao. Awe, agai te tubo nai dali te tabi dali side wali po te mu dao. Tiali goli Godigo te si dali nosali silaibao. Tiali goli dago tigigo te penani kolesaga yabo nai meni. Menio. Dago tigi da te dago Genuai Bidigo nai dao. Tama Genuai Bidi te tigi tau sabo nai dabolo mabo dao.

Polgo Po Pas Rom Dabeba Asęani 4:11

Aga te tigiwali togosiąbadi, tama agai Godide konealubo po dąų obaso, tama Godigo aga doloba pai bidi nogi wai. Tama nosali te sa muyu, te tigiwali togobo kolesaga mayu tebogo Godigo hania hanilali, te agai Abraham te doloba pai bidi nogi polali dao. Abraham agai hasia tama tilama, tama nosali gasa bidi dabe augwa tigiwali togosiąbadi goli, te Godigo augwalibolo te doloba pai bidi nogi omainogo eyu, tama augwaligo Godide te konealubo po dąų wai. Tama Abraham aga te kolesagade polasa pai bidi dao, tama augwali nosali wali asai. Tama tibaso aga da augwaligo hasia wąį monu bidai.

Dwagi Yai Gesi Po Jongo Asęani 15:24

Haniani sę polobadu gasa bidigo esiąwani sę, te sę eno augwali tomode yai. Tialima eno te sę me esiąyu da, te augwali sęgę me sigi menio. Tialima, megi augwaligo te eno yali sę sulama digi, tama augwaligo ena dali, eno Aya da si talua si dali boi bidi yabo homu ebo dao.

Dwagi Yai Gesi Po Jongo Asęani 14:6

Jisasgo Tomasbolo te po wai, “Ena digi ena te pabo tų dao, tama ena mu po wabo page dali, bidabo ula page dali te enade elalubo dao. Tialima bidi me deli Aya pageba gasa tųdu nogo habu sugunai tųdu me pogobeo. Pabo tų ena deli dao.

Dwagi Yai Gesi Po Jongo Asęani 11:42

Eno koneai, tigidali sogo nago eno hanalubo po wabo odobo dao. Tiali eno e dolalubo we bidi tobade e po megi nagebolo obao, augwaligo nago ena tagala palali bidibolo homu mumainogo ebao.”

Dwagi Yai Gesi Po Jongo Asęani 8:18

Ao, te tiwai, eno po da te ena digi ena tobade wabo dao, tama Ayago ena tagala palobaso, te ena asai dao, te Ayago agai me ena me da sigo ena tobade po wabo dao. Te ena tobade po wabo bidi si dao, dagego bomo yai po wali tiwai dao,” Jisasgo te po wai.

Dwagi Yai Gesi Po Makgo Asęani 9:7

Tama te dagalu pǫ me deli pedelama, te augwali mesega sagasali. Tama te pǫ tomodu te pedauwali me delidu te po waida wai, “E bidi da, te eno Ogwa da, eno aga godolo mu ebao. Dagego agai po odiąo,” wai.

Dwagi Yai Gesi Po Makgo Asęani 1:11

Tama te dagalude pedauwali me delidu bomonama i weyu, te po wai, “Nage eno Ogwa dao. Eno nage godolo mu ebao. Eno homu nagede wiegi yai ebo dao,” te po wai.

Matyu 17:5

Tama Pitago te po odubadi yaide, tama ula mu ebo pǫ me deligo augwali tigidali polo mesega sagasali. Te pǫgo augwali mesega sagaselama, tama te pǫ tomodu po me weyu te po wali, “E bidi da, eno Ogwa dao, te eno aga godolo mu ebo dao, eno aga dali dwagi yai homu mu ebo dao. Agai wabo po dagego mu odiąo,” te po wai.

Matyu 3:17

Tama pedauwali me delide te dagaludu i weyu, te tiwai po wai, “Te aga eno Ogwa dao. Eno aga godolo mu ebao. Tama eno homu agade te pemene wiegi yai ebo dao,” te po wai.

Aisaia 42:1

Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.

Jems 1:11

Tama dago koneai. Te noswai plaua duduli wiegi yai au osogo elalubo dao. Giliga pedaliyu, te giliga posolo eyu, tama te noswai tigidali bogwa selama wa pabo dao. Tama te noswai tǫba tulaluai, tama te noswaigo au yali dolobo dao. Te tiwai te nai hauwa munalubo bidi me aga te tigidali sę yali nai dabe tagalama, tomode isiyu, te nai walu doado bage taga pabo dao.

2 Korin 4:18

Magi baso meni. Dago te gedugo e tǫde subo nai dabeba dago tonǫlǫ me ebo meni. Te menio. Dago koneani, dago gedugo subo nai, te pęwadage sogo naga elaluaibao. Tama dago gedugo te susiąbo nai, te sesemane sogo bidada peyu, bidada paibao. Tama tibaso, te tobage naiba naga dago dena gedugo tonǫlǫ ebo dao.

Matyu 8:20

Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.

Habakuk 2:13

Dagego te tǫ pedai kantri bulu bidi dabe aiyaba elaluama, te we bidi dabe kalabus elama, tama augwaligo dagego nai doado bage dabe nigibo sę dene mu yali. Tiali goli, isigo te nai tigidali dela silibaso, tama te yali sę olodali tama ela tagalaibao. Te Tigidali Bomo Elalubo Genuai Bidigo te sę pedalomainu ilaibao. Te po wai dao.

Bugagia Bidibo Kolesagade Po Asęai Buku 9:5

Dage aselama, aga dali te nai, me te pusu yai wain ąį agai sisi yali, te tuagasiąo.

Matyu 25:46

Tama te bidi hani augwali te dwai dene genuai sigi paibao, te sesemane sogo dene iduabo bulude bidaibao. Tiali goli te doloba pai we bidi dabe augwali da, te sesemane sogo bidada peyu, bidada pabo ula selama bidaibao,” Jisasgo te po wai.

Dwagi Yai Gesi Po Jongo Asęani 3:15

Magi basowe? Tigidali bidi enaba homu mubaso da, augwali tigidaligo dwagi yai bidibo bomo selama, bidada peyu, mu bidada paibao,” Jisasgo te po wai.

Dwagi Yai Gesi Po Jongo Asęani 6:47

Eno mu po dagebolo obao. Bidigo enabolo aga homu dąų olama, enaba tialubo bidi, aga bidada peyu, bidada pabo bomo selama, mu bidaibao.

Dwagi Yai Gesi Po Jongo Asęani 6:53

Tama Jisasgo augwalibolo te po wai, “Eno mu po dagebolo obao, dagego Godigo Bidi Mu agai tigi tusiąwani da, agai kaneme tusiąwani da, tiali da, dagego te bidabo bomo elalugobeo.

Dwagi Yai Gesi Po Jongo Asęani 6:62

Tialima, dagego suali ma te Godigo Bidi Mu aga polobadu bidali buluba hodobo suyu da, magi yaibawe?” Jisasgo te po wai.

Bomai Po 30:13

Tama me ma, te bomai po te tamu wę u badu digibulu elalubeo, tama tibaso dagego me bolo hanalugobeo, ‘Dago te po odama wali pomainogo, de u badu pelama, te bomai po seselama, edaba magasogowe?’