Dwagi Yai Gesi Po Jongo Asęani 6:20 - Godigo dwagi yai po buku

²⁰ Tialima, Jisasgo augwalibolo te po wai, “Ena Jisas tama asobao,” wai. “Dage wi ebo tagaliąo,” te po wai, Jisasgo.

Dwagi Yai Gesi Po Jongo Asęani 6:20 Referans Kwoze

Aisaia 44:8

Eno we bidi dabe, dage wi elama, dili tidibi igio. Polobadu digi eno dageba weyu, te sę pedelaibao po wali. Tama dage te eno ebo sę po te mu po da wabo bage dao. Te ena tiwai gasa god me bidiba homu eba, agawe? Eno te me deli munu me konebeo. Ena deli naga te dagego toma nabo bomai pesage tiwai elalubo dao.”

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Dwagi Yai Gesi Po Makgo Asęani 6:50

Magi baso meni, tigidali augwaligo aga sulama, tama augwali wi mu yai. Tama polo Jisasgo augwalibolo weyu te po wai, “Dage homu tegaluiąo, bomo elama bidiąo. Te ena tama dao. Dage wi egimio,” te po wai.

Dwagi Yai Gesi Po Makgo Asęani 16:6

Tama agai augwalibolo te po wai, “Dage midigi siyu noma me selamuo. Eno koneani, dage asali te Nasaret bidi Jisas gegagasali, aga augwaligo te ni pedaide walali. Aga hodalualio! Aga te ede me bidibeo! Te augwaligo aga muani pesage te elalubo suiąo.

Godigo Nogi Ugwaba Sabo Tęąbi Po Wabo Buku Dabe 35:3

Nago te ene me hwą selama, tama ena te pobeasa bilibo bidi dabe dali hwįao. Nago te po enabolo wao, te ena nage tau sabo bidi da wao.

Dwagi Yai Gesi Po Jongo Asęani 6:19

Augwali te gebadu ąį todogo pali, te kilomita a naga ma te a naga olama me badu nogo deli tama dąį egi pai. Tama augwaligo suali, Jisas ąį daidu asiyu tama te geba pąba sabolainogo asai. Tama augwali moni wi yai.

Dwagi Yai Gesi Po Jongo Asęani 6:21

Tama augwaligo Jisas geba tomoba sela asainogo yai. Tama te geba polo augwali te pabo bulu teba poloba tugi pai.