Dwagi Yai Gesi Po Jongo Asęani 6:19 - Godigo dwagi yai po buku

¹⁹ Augwali te gebadu ąį todogo pali, te kilomita a naga ma te a naga olama me badu nogo deli tama dąį egi pai. Tama augwaligo suali, Jisas ąį daidu asiyu tama te geba pąba sabolainogo asai. Tama augwali moni wi yai.

Dwagi Yai Gesi Po Jongo Asęani 6:19 Referans Kwoze

Dwagi Yai Gesi Po Jongo Asęani 14:18

Jisasgo te po me wai, “Eno dage tagalama, duga naga olo bidigobeo, aya ida meni yai tiana wai bidibo tiwai egobeo. Ena dage pageba ma asaibao.

Godigo Nogi Ugwaba Sabo Tęąbi Po Wabo Buku Dabe 93:4

Genuai Bidi, te nago genuai bomogo nago te dagalude tigidali nai tonalubao. Te tamu ąįgo kulukulu wabo bomo te dwasianu naga ebao. Tiali goli, nago bomo te genuai mu elalubao. Te tamu ąį dini peda peyu, te nambisde bomonama kulukulu wabo, tiali goli, te ąį dini dabego bomo te nago bomo dali tiwai si me usugobeo.

Jopgo Po Asęani Elalubo Buku 9:8

Agaduba deligo naga dagalu ugwade dinigina palai dao. Te tamu ąį holobo sogo da, te ąįba hologobe aga ugwadu bilibo dao.

Jona 1:13

Tiali goli, te sip guni tolasa pabo bidi dabe augwaligo te sip te tamu ąį saniba tugi painu, tama augwaligo te ąį togobo sę bomo elama yali. Tiali goli, te genuai ąį dini bomo mu yali, tama augwali te tamu ąį saniba tugi pabo usu munu me ebeo.

Esekiel 27:26

Tama te wę habesege bomo elama togobo bidi dabego te ąį bomonama togobaso, te nage genuai tamu ąį tomoba tugi pali. Tiali goli, bomai wali pedaliyu, tama nage dolaibao.

Godigo Nogi Ugwaba Sabo Tęąbi Po Wabo Buku Dabe 29:10

Genuai Bidi te king bidiyu, tama te tigidali genuai tamu ąį tonalubao. Aga te king sesemane sogo bidibao.

Kraisgo Geme Dualali Sę Pedelabo Po Jonbolo Ola Mani 21:16

Te genuai hanu usu sali te genuai mu yai. Te hanu tigidali badu usu sali, te tiwai si naga ususu si yali. Tama tigidali badu deli deli usu selama, tama te namba te 2,400 kilomita yai. Te hanu ugwaba yali bobage me te tigidali badu me, te tigidali tiwai si naga yali.

Kraisgo Geme Dualali Sę Pedelabo Po Jonbolo Ola Mani 14:20

Tama augwaligo te wain nigibo bono du dabe te genuai halobage tiwai nai tomoba munama, tama te genuai hanu bulu badu elalubadi tama agawai. Tama kaneme te halobage buluba pedaliyu, tama te kaneme te moni pabo ąį tiwai pidubadi, te usu selama nedada pali, te bidi sese nogo si olama sągą badu a naga, te 300 kilomita te tama tiwai yali, tama te edaba holali te ain te kibu hos augwali pedauwalide elalubo, te ainba te kaneme ugwaba sabolali.

Dwagi Yai Gesi Po Jongo Asęani 11:18

Te dwasianu be nani Betani te moni hanu Jerusalem pąde digi tamao, usu ni kilomita sela tamao.

Dwagi Yai Gesi Po Lukgo Asęani 24:13

Te sogo digi tamao, bidi me si te dwasianu bulu me nogi Emeus teba painogo augwali si te tųdu pai. Te bidi si Jisas wali pabo bidi si dao. Te tų Jerusalem tagalama, Emeusba pabo tų te pąde naga.

Dwagi Yai Gesi Po Lukgo Asęani 9:42

Te ogwa Jisas pageba asobadi yaide, te dwai haubo noma bidigo elama, tǫba degasa pelama, aga nogo sągą didigi yali. Tama Jisasgo te dwai haubo noma bidibolo hagebo po weyu, te haubo bidi sela sąyu, te ogwa ma sana palama, aga ayabolo ma mani.

Dwagi Yai Gesi Po Jongo Asęani 6:18

Bomo yai wali dali tama genuai ąį gisigi asiyu dali yai.

Dwagi Yai Gesi Po Jongo Asęani 6:20

Tialima, Jisasgo augwalibolo te po wai, “Ena Jisas tama asobao,” wai. “Dage wi ebo tagaliąo,” te po wai, Jisasgo.