Dwagi Yai Gesi Po Jongo Asęani 5:7 - Godigo dwagi yai po buku

⁷ Gasi yai bidigo Jisasbolo po wei ponoyu, te po wai, “Genuai Bidi, ąį memenege ebo side ena ąįba sela muabo bidi menio,” te bidigo Jisas dali te po wai. “Ena digi tama pobadi digi, gasa bidi dabe polo polasa peyu, ena geanobo dao.”

Dwagi Yai Gesi Po Jongo Asęani 5:7 Referans Kwoze

Godigo Nogi Ugwaba Sabo Tęąbi Po Wabo Buku Dabe 72:12

Agai te magi nai meni yai bidi dabego agaba i obaso, te agai augwali tau sabo dao. Tama te we bidi dabe te doado bage sǫą pelama, tama te tau sabo menibaso da, teda aga digi te augwali tau saibao.

Bomai Po 32:36

“Tama Genuai Bidigo aga hani we bidigo bomo sia selama, deli deli bidi naga bidibo subaso da, teda agai augwali te deli deli bidi dabe hobede elama, tama augwali agai sę ebo bage augwali ma oda saibao.

1 Korin 9:24

Megi eno te po digi po begelama obao. Te udabo ususu si ebo bidi dabe te tigidali augwali udulama, tama te geanani bidi deligo naga te dwagi yai nai sabo dao. Te dagego konebewe? Tialima, dage me te tiwai bomonama Godigo po bugagia mu wali piąo, agai te dagebolo dwagi yai sę emainogo yao.

Godigo Nogi Ugwaba Sabo Tęąbi Po Wabo Buku Dabe 142:4

Eno ena pąde tonono bilali, tiali goli, te ena tau sabo bidi me elalubo te eno me subeo. Ena menaba wi pogowe? Te enade homu kone palobo bidi meni.

Polgo Po Pas Rom Dabeba Asęani 5:6

Awe, polobadu da bomo meni yai elalubadi, te da te Godigo gedude doloba pai we bidi bidabo usu yai menio, te sogo naga Krais isilama, agai te da dwai sę yali we bidi ma dobola sai dao.

Dwagi Yai Gesi Po Jongo Asęani 5:3

Te be mabode gasi yai we bidi hauwa bidai, gedu widai bidi dabe dali, sągą dwai bidi dabe dali, tama nogo sągą dili isai bidi me, augwali te be mabode bidai. (Augwaligo te ąį memenege ebo tonaluyu bidai.

Dwagi Yai Gesi Po Jongo Asęani 5:2

Tama Jerusalem bagulali obo pąde kibu sipsip dabego genuai soabo tų elalubo madi, tama te tų dolo si te dwasianu sigi ąį ge elaluai. Hibru pogo augwaligo te ąį nogi Betesda wai. Te ąį sesegede be mabo a naga elaluai.

Dwagi Yai Gesi Po Jongo Asęani 5:4

Me sogo deli sogo Godigo dagalude sę ebo ensel mobo bidi me deli te ąį tomoba dulama, tama te ąį te ensel bidigo memenege ilai. Te ąį memenege silai digi, tama niwai bidi me deli polasa ąįba dulali bidi da, te bidigo gasi polo silai.)

Dwagi Yai Gesi Po Jongo Asęani 5:6

Jisasgo te bidi pila mubo suai, tama Jisasgo koneai, te bidi gasi elalubadi, hauwa sogo mu bidai. Tama Jisasgo te bidibolo te po wai, “Nago homu da, naga tigi dwagi yai yabo homu ebowe?” Jisasgo te bidibolo te po hanalu wai.