Biblia Todo Logo
Bib sou entènèt

- Piblisite -




Dwagi Yai Gesi Po Jongo Asęani 5:38 - Godigo dwagi yai po buku

38 Magi basowe? Agai tagala palali bidigo wabo poba duga homu tigidali mubeo,” Jisasgo te po wai.

Gade chapit la Kopi




Dwagi Yai Gesi Po Jongo Asęani 5:38
19 Referans Kwoze  

Dage eno wai dabe, dagego dago Aya bugagia koneai. Tama tiyu, eno te po dagebolo asęai dao. Dage aya dabe, te tigidali nai gagalali sogode bidali bidi, aga megi me bidibo, te bidi dagego koneai dao. Tama tiyu, eno te po dagebolo asęai dao. Dage gesi bidi dabe, dagego bomo yai, tama Godigo po dage tomode bidibao, tama dagego Satango bomo aiyaba elaluai dao. Tama eno te po dagebolo asęai dao.


Dage ena dali wadolama bidiyu, tama eno wali po dage dali bidiyu da, tiali dagego magi naide hanalu obaso da, tama te eno dagebolo mawaibao. Dagego homu koneani gilama, dagebolo tama pedelaibao.


Eno koneanio, dage te polobadu bidai bidi Abrahamgo hani dao. Tialima, dagego eno po sabo homu isiąbaso, dagego bomo elama, ena elabo homu naga ebo dao.


Aga bulu muba asai. Tiali goli aga hani augwaligo aga sabeo, gesebeo.


Genuai Bidi, aga te Israelgo Wiegi Yai Doloba Pai Kolesaga Tigidali Mu Ebo God dao, aga te Israel tudibadu posolalu, tau sabo bidi elalubao, agai te po aga sę bidiba wali. Aga da te gasa we bidigo godolo homu isiąbo bidi, te gasa bulu tǫ kantri we bidigo te aga dwai nai mu tiwai tonani, te aga te genuai bidi dabego olo sę ebo bidi tiwai bidali. Genuai Bidigo te tiwai po wali, “Te king dabego nage sulama, te augwali dolagaselama, te genuai bidi dabe augwa gesabidi te tǫba basigulama, te nageba genuai nogi mayu tiaibao. Augwaligo tama tebo, magi baso meni, ena Genuai Bidi, te Israelgo God, ena te Wiegi Yai Doloba Pai Kolesaga Mu Ebo God da, nage sa muani, te eno sę emainu yali, te eno dąų wali po te eno me bologobeo,” wali.


Nago te bomai po elalubo bukugo po munu me homugo gegeda pelamuo. Te nago bugagia tonaluyu, tama te bomai pode elalubo tigidali po mu wali pomainogo eyu, nago te giligade me, hulide me, nago te bomai pode bugagia skul elama, konea sao. Te nago tama tiyu da, te nago gasa sę tigidali ebo te wiegi yai naga ilaibao.


Krais agai ola mani po te wiegi yai po mu naga dao. Tama te po dagego homude bugagia elalumainao. Duga hasi dagego wiegi yai homu kolesagago Kraisgo po ola mayu tama dua dao, e pode geda mugio, te tobage po weyu duga hasi ola mao. Tama tiyu, tama dagego haniani balia po wao, tama te lotu balia wabo buku nogi Tęąbi Po Buku, te bukude elalubo Godigo nogi ugwaba sabo po me, te Kraisgo nogi ugwaba sabo tęąbi po me, te Godigo Mobo Bidigo mabo haniani tęąbi pogo me duga hasi ola mao. Dagego duga homude Godibolo usu da po weyu tama te balia po wao.


Eno nago po eno homude munama, tama eno konealuai. Magi baso meni, eno nage dali dwai sę idali weyu tibao.


Tiali goli, nago dwai we bidi hobede igi sogo da, teda augwaligo te nago doloba pai kolesaga konea sigi menio. Augwali doloba pai we bidigo te tǫde bidibo me tagala, augwaligo te dwai kolesaga me ebo sę yaibao. Tama augwaligo nago genuai nogi koneyu, me augwaligo nago bomo me koneyu, me augwali nage dologode me elalugi menio.


Swiv nou:

Piblisite


Piblisite