Dwagi Yai Gesi Po Jongo Asęani 5:28 - Godigo dwagi yai po buku

²⁸ Dagego noma selama, tama homu hauwa egimio. Nosali me sogo pedalobo side da, gų pagede bidali bidi augwaligo te Godigo Bidi Mugo wabo po odaibao.

Dwagi Yai Gesi Po Jongo Asęani 5:28 Referans Kwoze

Kraisgo Geme Dualali Sę Pedelabo Po Jonbolo Ola Mani 20:12

Tama eno ma suali, te isai we bidi dabe augwali bidaluali, te augwali nogi yai bidi dali, te nogi meni yai bidi dabe dali, augwali te tuni bidi dulalubo nai te gesabidide dodolalubo, te eno suali. Tama te saide dulalubo bidi agai te buku meba dagawai. Tama agai gasa buku me deli dagawali, te augwali isiąma gamonaibao wali we bidi nogi asęani buku dao. Tama agai te tigidali isai we bidi dagalai. Agai te augwaligo yali kolesagade po te buku dabede asęani po nedama, tama te asęani pode agai augwali dagalali.

Aisaia 26:19

Tiali goli, naga te hani polo isila pali, tama augwali megi hulia sai madi bidibao. Te augwali ma hodaloama, te ula ma sueibao. Nago te isai bidi dabe bidibo ula ma mabo dao, te hulide tulubage segeni elama, te tǫ wa pai madi te gesi noma nosai hogonu ma holomainu ebo tiwai ebo dao. Dage te gų pagede pila mubo bage, dage hodaloama, dage wiegi yai homu elama, po hae waiąo.

Filipai 3:21

Magi baso meni. Agai bomo te gasa tigidali bomo aiyaba elalubo dao. Tama agai bomogo agai tigidali nai deliba sisinama, tama aga dologoba muabo te bomo tede usu dao. Tama aga tǫba ma asama, tama dago bomo meni yai polo isibo tigi, te tigi agai bomogo hasegelaibao, tama dago tigi aga wiegi yai ula elalubo tigi tiwai si pedalaibao.

1 Korin 15:22

Te e tama tiwai: te Adamgo bulai wai augwali tigidali isibo bage dao. Tama tiali goli Kraisgo we bidi hani augwali tigidali bidibo ula saibao.

Hosea 13:14

Tiali goli, nosali eno te Israel bage te isali bidi dabego pesagede ma saibao. Isibo, ena te dwai nai tiwai pedelama, tama nage ela mu silaibao. Te isai bidigo pesage, ena te moni dwai gasi tiwai pedelama, tama nage dwai mu dolaibao. Eno te Israel dabeba te olo tau sabo wiegi yai homu kolesagago tau me sogobeo,” wali.

Dwagi Yai Gesi Po Jongo Asęani 3:7

Eno ‘Dage gesi ma pedelao,’ te po wabo pode nage noma sigio.

Dwagi Yai Gesi Po Jongo Asęani 5:20

Aya Godigo homugo aga Ogwa mu godola pabo, tama God agai ebo sę tigidali aga Ogwabolo ola mabo dao. Aya agai bomai sę me nosali aga Ogwabolo ola mawaibao. Tama te sęgo eno hasia yali sę aiyaba elaluaibao. Tama tibaso, dage noma siyu, homu hauwa yaibao.

Dwagi Yai Gesi Po Jongo Asęani 4:21

Jisasgo te webolo te po wai, “Nago eno po mu po dao olama, konealuao. Me sogo deli pedaliyu, tama dagego te Ayabolo lotu po te bulu dude wagobeo. Tama dagego Jerusalem tede me lotu po wagobeo.

Godigo Sęba Tagala Palai Bidigo Po 3:12

Tama Pitago te we bidi sulama, augwalibolo te po wai, “Israel dabe, magi baso dage noma sobawe? Magi baso dagego da gedugo bugagia osabawe? Dadi sigo bomogo e bidi bilimai hagede dodolobeo, te menio. Dadi si dwagi yai bidi menio, e bidi dodolobeo. Godigo e sę yali.

Daniel 12:2

Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Dwagi Yai Gesi Po Jongo Asęani 4:23

Tialima, te sogo pedaliyu da, megi tama pedalalio, tama tigidali bidigo lotu po mu wabo bidi dabe da augwali lotu po augwa mobo bidigo waibao, augwa dolo ebo kolesagago me lotu po waibao. Tama Aya Godigo te tobage bidi gegebo dao, agabolo lotu po omainogo.

Dwagi Yai Gesi Po Jongo Asęani 5:25

Eno mu po dagebolo obao, te sogo pedalaibao, tama te megi polo pedalalio, tama isai bidi augwaligo Godigo ogwago po odaibao. Tama te po odama wali pabo we bidi dabe da, augwali mu bidaibao.

Godigo Sęba Tagala Palai Bidigo Po 24:15

Eno konealubo homugo God koneama, nosali we bidi tigidali gų pagede ma hodolaibao, te me badu we bidi dwagi yai kolesaga yali we bidi hani da, te me badu dwai kolesaga yali we bidi hani da. Tama te sę yabo sogo asobo eno tonalubao. Tialima, te Juda hani bidi me augwaligo te sę yabo sogo tonalubao.