Dwagi Yai Gesi Po Jongo Asęani 5:23 - Godigo dwagi yai po buku

²³ Magi baso meni. Tigidali bidigo Godigo Ogwa nogi ugwaba samainogo, te Godigo nogi ugwaba sabo gilamao. God Ayago aga Ogwa e tǫba tagala palobaso, tama bidi te Godigo ogwago nogi ugwaba sisąbo bidi da, agai Godigo nogi me ugwaba sisąbo bidi da,” Jisasgo te po wai.

Dwagi Yai Gesi Po Jongo Asęani 5:23 Referans Kwoze

1 Jon 2:23

Niwai bidi agai te ogwa nogi wasiąma hogwa siyu tudiba muani bidi, te bidi agai te ogwa aga Aya me nogi wasiąma hogwa siyu tudiba muai dao. Niwai bidi agai te ogwa dali konealubo po dąų wali da, te bidi agai Aya dali me agai konealubo po mu dąų wabo dao.

Dwagi Yai Gesi Po Lukgo Asęani 10:16

Jisasgo aga wali bilibo bidi dabebolo te po wali, “Bidi mego dagego pusubo po odobaso da, te agai eno po odoyu tebao. Bidi mego dage buluba ela palobaso da, te agai ena buluba ela palu tebao. Bidi mego ena buluba ela palobaso da, te ena tagala palali bidi me buluba ela palu tebao.” Jisasgo te po olama, te bidi dabe pali.

2 Jon 1:9

Bidi mego Kraisgo ola mani po tagalama, tama agai gasa poba begegi pai, te tobage bidi God te bidi dali bidibo menio. Niwai bidi me deli agai Kraisgo po dali homu kęą pai bidi, te bidi te Aya dali aga Ogwa dali augwali si te bidi dali bidibo dao.

Matyu 11:27

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Hibru 1:6

Tiali goli agai aga gomunai Ogwa te e tǫba tamadi tagala palobo sogo tama agai te po wai, “Tigidali eno sę ebo ensel mobo bidi dabe, dage kidu sugunama, tama dagego aga nogi ugwaba sao,” wali.

Efesus 6:24

Te eno homugo me, Godigo agai olo tau mabo kolesaga te dago Genuai Bidi Jisas Krais godolo mu eyu aga me tagalisąbo we bidi dabe tebolo te olo tau mabo kolesaga mao. Tama dao. Ena da, Pol da.

2 Pita 3:18

Me ma, dage te dago Genuai Bidi me te da ma sali bidi Jisas Kraisgo olo tau sabo kolesagade bidiyu, tama dagego aga koneanio. Tama dagego te olo tau siyu mabo kolesaga me mu siyu, tama dagego Krais aga konebo kolesaga hauwa siyu bidiąo. Tama agai te genuai ula yai bomai nogi megi elalubao, tama te nogi sesemane sogo mu bidada peyu, bidada paibao. Mu dao.

Polgo Po Pas Rom Dabeba Asęani 8:9

Tiali goli dage da, dage te dwai sę ilibo homu kolesagade me bidibeo. Menio. Te Godigo Mobo Bidi dagede bidibaso, dage te Mobo Bidigo kolesagade bidibo dao. Tiali goli, te bidi me delide te Kraisgo Mobo Bidi meni baso da, te bidi aga te Kraisgo bidi menio.

1 Korin 10:31

Te dage tomode bidi me deligo te po obaso, eno e po agabolo wei ponaibao, te dagego te nai tuyu me wę tuyu ebode, ma dage gasa sę ebo si da, dagego gasa we bidide homugo koneao, augwaligo Godigo nogi ugwaba somainogo eyu dagego duga kolesaga tigidali tama bugagia tiao.

Polgo Po Pas Rom Dabeba Asęani 6:22

Tiali goli megi Godigo dage te dwai kolesagade kalabus elaluali te agai dagala sąnama, tama dage aga sę ebo bidi munama bidibao. Tama dagego e tiwai wiegi yai nai saibao, God agai dage te wiegi yai tedali te dwai sę me isąwai we bidi ilibao, tama dagego te wiegi yai sesemane sogo bidada pabo te bidibo ula saibao.

Dwagi Yai Gesi Po Jongo Asęani 16:14

Agai eno po selama, dage dali pusaibao. Agai te kolesaga ebode eno nogi genuai pedalumainogo yaibao.

1 Korin 6:19

Te dagego tigi da, te homude Godigo Tedali Wiegi Yai Mobogo be elalubao, te dagego konebewe? Godigo te Tedali Wiegi Yai Mobo te dagebolo manio, tama te Mobo dage tomode bidibao. Dage te dugade digi me elalubo meni.

Matyu 12:21

Tama te gasa hani dabe, te Israel hani isąwai we bidi dabe augwaligo konealubo po agade dąų olama tonalueibao,” te bidi Aisaiago te po polobadu asęnama, tama Jisasgo te po usu nanio.

Polgo Si Wali Pas Timotiba Asęani - 2TI 1:12

Tama tiyu, ena kalabus bidi megi bidiyu, tama te sęgę eno tolobao. Tiali goli, ena tede hale me egobeo. Menio. Ena da, te eno Godiba homu tia pai bidi da weyu, te aga eno konebaso hale egobeo. Tama eno koneani, agai ena nogoba te muani sę te agai mu tonaluyu, tama te sesemane sogo bugagia bidada peyu, te genuai bodolu pedalubo sogoba usu nigi pabo aga usu yaibao, te sę hagagobeo.

2 Korin 13:14

Eno homugo dago Genuai Bidi Jisas Kraisgo olo tau sabo wiegi yai kolesaga dali, tama Godigo dage dali dwagi yai homu eyu godolo ebo kolesaga dali, tama Tedali Mobo Bidi dage tigidaligo homude abagi tiwai bidibo kolesaga dali, te kolesaga sela dage tigidali dali hodobo mu bidao.

2 Korin 5:19

Dago pusubo po e tama tiwai: God agai te Kraisgo yali sęgo te tigidali we bidigo te boi bidi sę ebo kolesaga tagalama, tama aga dali abagi homu pedalomainogo yai. Agai te augwaligo yali dwai sęde homu kone ma ebeo. Tama agai dabolo te boi bidi dabe aga dali abagi homu ilabo po pusubo sę dabolo mawai dao.

2 Korin 1:9

Mu po da wali, te da homu sęgę ebo te po tų ebo bidi jasgo te da isimainao po wali tiwai elama bidali. Te sęgę dabe te tiwai magi baso pedalaliwe? Te dena bomogo usu yabo homu idali weyu te sęgę daba pedalali. Dago te Godigo bomoba homu tialumainogo yai, te agai te isai bidi dabe augwali hodolobo bidi dao.

1 Korin 1:3

Eno homugo dago Aya God dali, te Genuai Bidi Jisas Krais dali, augwali sigo te augwa olo tau sabo kolesaga me, te bidi homu dua digi nagame ilibo kolesaga dali si te dagebolo mao.

Dwagi Yai Gesi Po Jongo Asęani 14:1

Te bidi Jisasgo aga bidi dabebolo te po me wai, “Dagego homu kolesaga midigi sigio. Dagego duga homu God dali dąų wabo dao. Dagego ena dali me duga homu dąų wao.

Matyu 10:37

Tama niwai bidi agai aga aya me ida naga mu godolo eyu tama ena kuna godolo me isąwani da, te bidi aga eno abagi bidigobeo, te usu menio. Tama bidi mego aga ogwa ma wegi naga godolo eyu, tama ena kuna godolo me isąbo bidi, te aga eno abagi bidigobe dao.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Aisaia 45:21

Dage tigidali we bidi, dage aselama, dagego po te po tųba pusagasao. Dagego duga haside digi hanalu, te gega suyu bolo yao, mena god mugo te polobadu mu po wali sę po te megi tama pedalubo dawe? Ena Genuai Bidi, ena deligo naga eno te nai dabe pedelaiba po pusali. Tama suao. Te gasa god munu me bidibeo. Ena te doloba pai kolesaga naga ebo God, eno te ena we bidi dabe ma dobola sabo God da, enaduba deli naga ena bidibo dao.”

Godigo Nogi Ugwaba Sabo Tęąbi Po Wabo Buku Dabe 2:12

Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

2 Korin 5:14

Magi baso meni. Te Kraisgo da dali dwagi yai homu eyu godolo ebogo, tebogo naga da homu hodolama tama dago Godigo sę ebo dao. Magi baso meni, dago homugo bugagia kone palama, tama te tiwai homu koneanio: bidi deligo da tigidali hasegelama tama da tobade aga isalio, tama tede da tigidali isai tiwai yai dao.

1 Korin 16:22

Bidi me deli aga homugo te dago Genuai Bidi Krais dali dwagi yai homu ebo hagela homu eyu da, te bidi agabolo dwai sę pedalomainao. Genuai Bidi, nage asao!

Polgo Po Pas Rom Dabeba Asęani 15:12

Tama te Juda hani isąwai bagede te polobadu Godigo po pusali bidi Aisaiago me te po wai, “Te gelali ni pedalide te ni koliama holobo tiwai gilama tama te bidi me deli te Jesigo hanide pedalaibao. Tama te bidi Godigo te gasa hani we bidi tonalubo bidi nigilaibao. Tama nigilama, tama augwaligo agade augwa homu tialuama, tama dwagi yai homu eyu, agai augwalibolo nosali yabo sę ebo tonaluaibao,” te Godigo po polobadu pusali bidi Aisaiago te po asęani.

Polgo Po Pas Rom Dabeba Asęani 1:7

Eno e pas te dage Rom moni hanude bidibo we bidibolo asęna tolobao. Dage Rom bage, te God agai dage dali dwagi yai homu eyu, godolo eyu elama, tama dage te aga we bidi mu bidimainogo eyu agai dage i wali. Tama eno homugo dago Aya God dali, Genuai Bidi Jisas Krais dali sigo te dage dali te olo mu tau sabo kolesagago eyu tama dage homu wiegi yai ilama dage dua bugagia bidaibao.

Dwagi Yai Gesi Po Jongo Asęani 17:10

Tama eno bidi tigidali augwali te nago bidi me dao. Tama nago bidi tigidali te eno bidi dabe dao. Tama augwaligo eno nogi ugwaba sai dao.

Matyu 28:19

Tama tibaso, dage pelama, tigidali we bidi hani ena wali asobo we bidi pedelao. Tama dagego augwali te Aya me Ogwa me Mobo Bidigo nogide baptais mao.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Aisaia 42:8

“Ena naga ena Genuai Bidi. Genuai Bidi, te eno nogi dao, tama dagego genuai nogi ena deliba naga maiąo. Dagego te tibo god dabego nogi ugwaba me sigio, te bidi dabe augwa digi nigai dao.

2 Pita 1:1

Ena da Saimon Pita dao, te bidi Jisas Kraisgo sę ebo bidi dao, te ena agai tagala palai bidi me deli dao. Tama eno e pas asęna dagebolo tolobao. Te Jisas Krais aga te dago God dao, te aga da te da ma dobola siyu dwagi yai buluba muabo bidi dao. Tama aga doloba pai bidi mu bidiyu, tama da tigidali dali deli homu naga elama, tama agai te dagebolo te agaba duga homu tigidali muabo kolesaga mawai dao. Tama te dagebolo mani kolesaga te agai dabolo mani kolesaga tiwai si dao, te wiegi yai dila pai kolesaga mu dao.

Aisaia 45:15

‘Nage te Israelgo God, nago te naga we bidi dabe ma sabo God dao, te gasa we bidi dabede nage te naga digi geme duala selama elalubo dao.

Matyu 15:8

‘Te hani we bidi augwaligo eno nogi te pedauwaligo naga ugwaba sabo dao, tiali goli augwaligo homu kolesagago augwaligo ena dali abagi homu ebo menio.