Dwagi Yai Gesi Po Jongo Asęani 5:19 - Godigo dwagi yai po buku

¹⁹ Te Jisasgo po wei ponoyu, te po wai, “Eno dagebolo mu po tama obao, Godigo Ogwago agaduba homugo magi sę me ebo menio. Agai Ayago ebo sę naga sulama, agai ebo dao. Tigidali sę Ayago ebo, te aga Ogwago tama ebo dao.

Dwagi Yai Gesi Po Jongo Asęani 5:19 Referans Kwoze

Dwagi Yai Gesi Po Jongo Asęani 12:49

Magi basowe? Eno po ena digi homugo me wabeo. Te menio. Aya Godigo ena tagala palobaso, ena asai dao. Aga digi enabolo te po wai, ‘Nago te sę eyu, po weyu yao,’ te po wai.

Dwagi Yai Gesi Po Jongo Asęani 8:28

Tama tibaso, agai augwalibolo te po wai, “Nosali dagego Godigo Bidi Mu ni pedaide daganama, te ugwaba sela muaibao. Te tebo sogo da, te dagego koneaibao, ena te ena digi dao. Te sogo me dagego koneaibao, eno haniani sę eyu, eno homu wali pisiąyu te sę yalio. Eno po Ayago ena ola mani po naga wabo dao.

Dwagi Yai Gesi Po Jongo Asęani 14:10

“Ena eno Aya dali bidibo dao, te aga ena dali me bidibo dao. Filip, nago te po odama, te mu po dao homu ebo meniwe? Eno dagebolo wabo po, te ena homugo digi me wabo menio. Aya ena dali bidiyu, Aya agai sę mu te sę naga eno ebo dao.

Dwagi Yai Gesi Po Jongo Asęani 10:18

Bidi me deligo eno bidabo bomo me sela sągobeo. Magi basowe? Ena digi ena homugo koneama, tama ena bidabo bomo ena kibu sipsip tobade tagalaibao. Tama ena bomogo bidabo bomo tagalama, tama bidabo bomo ena ma sabo elalubuo. Ena Ayago enabolo te sę ya wai dao,” Jisasgo te po wai.

Polgo Po Pas Rom Dabeba Asęani 8:11

Godigo Jisas te gų pagede ma hodolai. Tama te sę yali Godigo Mobo Bidi dage tomode bidaligo da, teda te Krais te gų pagede ma hodolali bidi agai te dagego osogo bidibo isabo tigiba te bidibo ula me mayu tama dage me gų pagede ma hodolaibao. Te agai tama tiwai sę emainogo te aga Mobo Bidi dage tomode bidibo dao.

Dwagi Yai Gesi Po Jongo Asęani 9:4

Megi ulade dao. Tama ulade dago ena tagala palali bidigo sę yao. Hulia sabo magade, hulia sabode, bidi me deligo sę me egobeo.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Dwagi Yai Gesi Po Jongo Asęani 5:21

God Ayago isai bidi ma hodolama, bidabo bomo mabo dao. Tama tibo gilama, Ogwago me aga homugo we bidibolo bidabo bomo mabo dao.

2 Korin 5:10

Magi baso meni. Dago koneani, da tigidali te Kraisgo po tųde hania hanilama pedalaibao. Tama da megi e bidibo tigi dali bidiyu tama wiegi yai kolesaga ebaso, ma dago dwai kolesaga eyu me yali da, teda da tigidali deli deli te dena yali kolesagade usu nama tama dago te tiwai saibao.

Jeremaia 17:10

Ena Genuai Bidi, eno te tigidali bidigo homude me haligade ebo kolesaga osola sueibao. Tama eno tigidali bidi deli deligo kolesaga dagalama, tama eno te augwa yali kolesaga usu nama wei ponobo dao,” wali.

Tigidali Nai Gagalama Nigali Side 1:26

Tama Godigo te po wai, “Megi da, dago te we bidi dena tiwai niginao,” wali. “Dago augwali te sųgų dabe me, te ba dabe me, te be pąde bidibo kibu dabe me, te bulude bidibo genuai hasa me, dwasianu hasa dabe, te tigidali nai tonaluabo bidi nigilinao,” te po wai.

Dwagi Yai Gesi Po Jongo Asęani 3:3

Jisasgo Nikodemusbolo po wei ponoyu, te po wai, “Mu tama, eno nagebolo obao, bidi me te ma ame nabo tiwai eyu, gesi ma pedalisiąyu da, te bidi agai Godigo we bidi tonalubo sę me sugobeo,” Jisasgo te po wai.

Bugagia Bidibo Kolesagade Po Asęai Buku 2:6

Magi baso meni, Genuai Bidide digi agade te wiegi yai homu kolesaga page elalubao. Tama agai te wiegi yai homu konebo kolesaga te dabolo mabo dao.

Godigo Nogi Ugwaba Sabo Tęąbi Po Wabo Buku Dabe 138:3

Te eno nageba i wabo sogo, nago eno gedu haluasa po wabo odolama, tama nago naga bomo digi enaba menama, tama ena bomo mu elalu bidalio.

Godigo Nogi Ugwaba Sabo Tęąbi Po Wabo Buku Dabe 50:6

Te dagalugo digi te tama po obao, “God te doloba pai mu dao. Aga digi te po tų odobo bidi jas bidibao,” wabo.

Tigidali Nai Gagalama Nigali Side 1:1

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.

Kraisgo Geme Dualali Sę Pedelabo Po Jonbolo Ola Mani 2:23

Tama agai wai dabe me, te eno augwali mu ela silaibao. Tama tiyu, te Godigo po odobo we bidi tigidali augwaligo koneaibao, te ena da, te tigidali bidigo homu kolesaga osola subo bidi dao. Tama dage deli delibolo eno dagego yali kolesaga dolo si wei ponaibao.”

1 Pita 3:18

Magi baso meni. Te Krais aga digi agai dago yali dwai sę sęgę sela sąmainogo aga deli sogo naga isali. Tama aga te doloba pai bidi mu bidai goli, tama agai da doloba pisiąwai bage te God pageba sesimainogo agai da tobade dene sali. Bidi dabe augwaligo aga tigi isilali. Me ma Godigo Mobo Bidigo Krais bidimainogo ma hodolali.

Kolosi 1:16

Magi baso meni. Godigo agabolo te sę yao olama, tama agai te dagalude nai tigidali dali, tǫde nai tigidali dali nigai. Agai dago subo nai me dago susiąbo nai te tigidali agai nigai. Te dago gedugo susiąbo dagalude bidibo ensel mobo bidi tonalubo bage dali, te haniani tuni bidi dabe dali, te tobolu bidi dabe dali, te bomo elalubo bidi dabe dali, agai augwali tigidali nigai. Tigidali elalubo naide Godigo agabolo nigao olama, tama agai nigilama, tama te Krais aga nogi ugwaba somainogo eyu bidibo dao, te aga te tigidali naigo peni dao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Filipai 3:21

Magi baso meni. Agai bomo te gasa tigidali bomo aiyaba elalubo dao. Tama agai bomogo agai tigidali nai deliba sisinama, tama aga dologoba muabo te bomo tede usu dao. Tama aga tǫba ma asama, tama dago bomo meni yai polo isibo tigi, te tigi agai bomogo hasegelaibao, tama dago tigi aga wiegi yai ula elalubo tigi tiwai si pedalaibao.

Efesus 3:16

Tama tibaso eno gedu haluasa po e tama wabo dao: “Aya God, nago naga we bidi dali wiegi yai sę yabo homu umabo mu elalubo dao. Tama tiyu, eno homugo nago te Efesus hani we bidi dali dwagi yai sę eyu, tama nago Mobo Bidi agai nago bomo meba selama, tama agai augwalibolo te bomo mao, augwaligo homu bomo ilimainogo, te Mobo Bidigo bomogo augwali dąų mu walomainogo tama tiao,” eno God dali te tobage hanalu wabo po wabo dao.

2 Korin 4:14

Dago homu si isąyu tama mu koneanio, Godigo dago Genuai Bidi Jisas hodolali, tama agai da me Jisas dali hodolama, tama da dali dage dali aga pąba odasa paibao, te da tigidali aga gesabidiba pedalaibao.

1 Korin 15:12

Sesemane sogo da Godigo gesi wiegi yai po pusubo bidi dabe dago te Krais isąma tama Godigo aga ma hodolali po pusubo dao. Tama tialigo da, magi ilama tama dage tomode meba augwaligo e tiwai tibo po weyu ebo dao: “Te isai bidi, aga ma hodalugobe, dago te homu ebo da,” te po wabo.

Polgo Po Pas Rom Dabeba Asęani 6:4

Te baptais saligo da te Krais isalide da tede dali kęą selama, tama Godigo da te Krais dali gų pagede pubulai tiwai yali dao. Tama Ayago genuai bomogo agai te Krais gų pagede ma hodolali. Tama te tiwai me da me te gesi noma bidibo ula selama bidimainogo eyu, da te baptais salio.

Godigo Sęba Tagala Palai Bidigo Po 2:24

Tiali goli, Godigo te bidi ma hodolobaso, tama aga ma hodaloai dao. Bidi isibo sęgo Jisas kalabus usu isąbaso, aga dene hauwa dali isama, Godigo agade te dene silali.

Dwagi Yai Gesi Po Jongo Asęani 2:19

Tama Jisasgo po wei ponoyu, te po wai, “Dagego e lotu be tempel hųgibaso, tama sela sogo eno polo te be ma sę yaibao,” Jisasgo te po te Juda dabe dali wai.

Aisaia 44:24

“Ena Genuai Bidi, ena dage tudibadu pogwalu, te dage ma dobola sabo bidi, eno naga eno sisilama, dage dąį ilali, te ena hani da olama, te dage e tǫba pedalisiąbadi tama tiali. Eno te tiwai po dageba wainu ebao. Enaduba deligo naga eno te tigidali nai pedela silimainu ilali. Eno naga eno te dagalu me tǫ nigilama, te augwali bidabo pesageba munama, te megi elalubo dao.

Ma Dobola Sali 4:11

Tama Genuai Bidigo agabolo te po wali, “Niwai bidigo te we bidibolo po wabo pedauwali te mabo dawe? Niwai bidigo te bidi odo dega weyu, te pedauwali paliyu ebo dawe? Tama dego te gedugo tonono bilimainogo eyu, ma te gedu widao po wabo dawe? Ena, Genuai Bidigo naga, eno tama tiwai kolesaga ebo dao.

1 Tesalonaika 4:14

Da tigidaligo te Jisas aga isilama, tama ma hodaloai dao, te dago te mu po da homu eyu, konealubo dao. Tama tibaso, da tigidali Jisas dali wadoloyu bidibaso, dago e po me konealubo dao, te Godigo te Jisasgo bomode te agai po wali pelama isali we bidi Jisas aga dali ma hodasa sela asaibao.

Aisaia 45:24

Te augwaligo te tama po waibao, ‘Genuai Bidigo naga te da tau siyu, te da dąų waliyu, te doloba pai kolesaga ugwa igulama, ugwa ela holomainu yaibao,’ te po augwaligo waibao,” wali. Tigidali we bidi agaba asobaso, te agaba haliga sębę ebo hani dabe te augwali dwai hale mu yaibao.

Kolosi 1:11

Dago homugo Godigo agai moni ula yai wiegi yai bomo meba selama, tama te bomo dagebolo mao, tama te bomogo dage bomai we bidi ilao. Tama agai dwagi yai bomogo dage bomo elama dolaluyu, tigidali sęgę bugagia tolaluyu, tama dagego boi bidi homu egobeo, dagego augwali wei ponobo homu egobeo.

Godigo Nogi Ugwaba Sabo Tęąbi Po Wabo Buku Dabe 27:14

Te nago konealubo homu dąų olama, tama te Genuai Bidigo nage tau sagasobo tonaluao. Bomo elama dolaluao, nago haliga sęgę me igio. Awe, nago konealubo homu dąų olama, tama te Genuai Bidigo nage tau sabo tonaluao.

Matyu 26:39

Tama aga dwasianu gana obaba pelama, tama aga pabo gesabidiba degasa dulama, tama gedu haluasa po weyu, bomonama te po wai, “Eno Aya, te usu da wida, teda nago enade te elalubo kap dagala sąyao. Tiali goli nago eno homu kolesaga wali me pelamuo. Menio. Nago naga homu kolesaga naga wali pao,” wali.

Dwagi Yai Gesi Po Jongo Asęani 6:38

Magi basowe? Eno dagalu tagalama, e tǫba dulali, te eno homu kolesaga wali painogo asobeo. Menio. Ena e tǫba dulali, te ena tagala palai bidigo homu ena wali pomainogo asai.

Dwagi Yai Gesi Po Jongo Asęani 12:50

Tama eno koneai, eno Ayago pogo te bidada peyu, bidada pabo bomo te we bidibolo mabo dao. Tama tibaso, eno wabo po tigidali agai enabolo wali po eno te po tigidali wabo dao,” Jisasgo te po wai.