Dwagi Yai Gesi Po Jongo Asęani 5:14 - Godigo dwagi yai po buku

¹⁴ Nosali Jisasgo te bidi te Moni Lotu Be tempel tomode ma sulama, te po wai, “Odaliwe? Megi da nage usu yali dao. Nago dwai sę dabe ebo tagalao. Tiyu moni sęgę nageba pedalabuo,” Jisasgo te bidibolo te po wai.

Dwagi Yai Gesi Po Jongo Asęani 5:14 Referans Kwoze

Dwagi Yai Gesi Po Jongo Asęani 8:11

Te wego te po wai, “Genuai Bidi, me deli me bidibeo.” Tama Jisasgo te po wai, “Eno me nage po tų elama, nagebolo sęgę magobeo. Nage pao. Tama nosali nago dwai sę ma egio,” Jisasgo te we dali te po wai.]

Godigo Nogi Ugwaba Sabo Tęąbi Po Wabo Buku Dabe 118:18

Eno dwai sę ebaso, Genuai Bidigo enaba te dene mabo sę mu yali, tiali goli, agai ena isimainu me ebeo.

Nehemia 9:28

“Tiali goli, te augwali bugagia ma dugulalu bidibo sogo, polo tama augwaligo dwai sę ebo kolesaga ma ebaso, tama nago te boi bidi dabego augwali aiyaba elalumainu elama, te augwali tonalubo sę yai. Tama te sogo me augwali homu ma begelama, tama augwaligo nageba hanalu, te augwali tau sao wai. Tama nage te dagalude bidiyu, te augwaligo i wabo odali. Hauwa sogo augwaligo te tiwai kolesaga naga iduali, tiali goli nago wiegi yai homugo olo mu tau sabo kolesaga augwaliba iduali, tama tigidali sogo nago augwali te boi bidi dabego nogode ma dobola sidu geai dao.”

Matyu 12:45

Tama aga pelama, gasa dwai noma te a naga olama me si sigi pali. Tama te gasa dwai noma haubo dabego te dwai dwai sę ebo kolesaga tebogo te hasia dwai mobo haubogo ebo dwai kolesaga aiyaba elalubo dao. Tama augwali aga dali aselama, tama augwali tomoba pelama, tama augwali te bede bidibo dao. Polobadu te bidi dwai bidai, tiali goli megi me te aga dwai mu bidibao. Te tiwai naga megi e sogo dwai sę eyu bidibo we bidi augwalibolo me te tiwai sę pedelaibao,” Jisasgo te po wai.

Pris Sę Ebo Bomai Po 26:27

“Eno te sę dabe yali, te dagego hagoma me idubadi geyu, te eno po ma sela sąbaso da,

Dwagi Yai Gesi Po Makgo Asęani 2:5

Tama Jisasgo augwali sulama koneani, augwaligo agaba augwa homu tigidali muyu, tama agaba homugo tialubo bidi dabe dao, te agai koneani. Tama tibaso, agai te gasi yai bidibolo te po wai, “Eno ogwa, eno nago yali dwai sę sela sąwanio,” wali.

Aisaia 38:20

“Genuai Bidigo ena usu ma ilali. Te tigidali side da te Genuai Bidigo tempel beba pelama, te balia po weyu, musik weyu, te agai nogi ugwaba saibao. Dago te tiwai sę te da bidibo ula elalubo sogo tiwaibao,” te po wai.

Godigo Nogi Ugwaba Sabo Tęąbi Po Wabo Buku Dabe 27:6

Tama tiyu, te ena bobegelalubo boi bidi dabe augwali eno aiyaba elaluaibao. Te eno wiegi yai homu pemene umabo mu elama, tama i weyu, te Godigo tedali wiegi yai bede ofa yaibao. Te eno aga nogi ugwaba sabo balia po waibao.

Dwagi Yai Gesi Po Jongo Asęani 5:5

Bidi me deli te be mabode bidai. Te bidigo gasi elalubadi, kibu be te 38 kibu be te bidi gasi elalubadi tama yai.

Tuni Bidi Dabego Po Elalubo Buku Si 28:22

Te king Ahasgo te sęgę hauwa mu sabo sogo agai Genuai Bidi munu me homu kone ebeo. Menio. Agai Genuai Bidi tudiba munama, me genina mu tudi ola manio, tama dwai dwai sę hauwa mu yali.

Godigo Nogi Ugwaba Sabo Tęąbi Po Wabo Buku Dabe 9:13

Genuai Bidi, nago enaba te olo mu tau sabo wiegi yai kolesaga yao. Te boi bidi dabego enaba te dene me sęgę mabo, te nago suao. Te pąde ena isainu ebadi goli, tiali goli nage asiyu, ena dąų walao, te ena bugagia bidimainogo tiao.

1 Pita 4:3

Tama polobadu te dagego te tǫde bidibo we bidigo ebo dwai dwai sę hauwa sogo yai dao. Tama tiyu, dagego te penani ebo sę te we bidi gabidide hania idu geai dao. Tama dagego te dwai meda yai penani yabo homu eyu, tama te bomai ąį tulama te polobo bidi tiwai idu geai dao. Tama tiyu, te moni nai hauwa mu nogelama, te nai daa mu te ma tuyu, ma tuyu ela pedubadi, tama dagego te bomai ąį subigila tuyu, te polobo bidi tiwai pedaluyu, tama dwai sę eyu bidai dao. Tama dagego te tibo god augwalibolo lotu po weyu tama augwaligo dage tau somainogo te dagego te dwai dwai penani ebo sę te polobadu idu geai dao.

Pris Sę Ebo Bomai Po 7:12

Te bidi me deligo Godiba buba hwi wabo homu eyu, agai te deli haliga pedelabo ofa yainu eyu da, agai te hasa dali te bret pedai dage agai yis meni yai plauago nigai, tego ofa yao. Agai te ni oliv wel dali taluali plauago nigai bretgo te ofa yao. Te agai te tama tiabo homu me ebaso da, aga te bisket dabe te oliv ni welgo pilai, tego ofa yao. Te meni baso da, agai te wiegi yai plaua dali, te ni oliv wel dali taluama, tama skon nigai, tego ofa ebaso usu dao.

Aisaia 38:22

Tama me, te sogo me Hesekiago Aisaiabolo te tiwai po hanalu wai dao, “Genuai Bidigo te magi dąį ilibo sę enabolo ola mayu, te ena agai beba lotu ma wagasomainu egowe?” wali.

Dwagi Yai Gesi Po Jongo Asęani 5:13

Tialima, te sana pali bidi agai Jisasgo nogi konebeo. Magi basowe? Te bulude we bidi hauwa mu elalubao, tama Jisas pai.

Pris Sę Ebo Bomai Po 13:20

“Tama prisgo te bidi dili keni yali pesage bugagia suao. Te keni dwasianu tomoba pelama, te badu tigi nisi te tedela pedelai baso da, teda prisgo te bidibolo te tiwai po walao, ‘Nage God gedude wiegi yai ebeo.’ Te gasi te dili keni pedela sali pesagede pedelali da, te dwai nai mu dao.

Godigo Nogi Ugwaba Sabo Tęąbi Po Wabo Buku Dabe 18:22

Eno te agai doloba pai bomai po te sesemane homu kone paliyu, tama eno agai po tudiba me mabeo.