Dwagi Yai Gesi Po Jongo Asęani 5:1 - Godigo dwagi yai po buku

¹ Te nosali te Juda bagego olo bidiyu lotu po wabo si te pedalai. Tama tebo side Jisas Jerusalem hanuba holai.

Dwagi Yai Gesi Po Jongo Asęani 5:1 Referans Kwoze

Bomai Po 16:16

“Tama tialima, sela sogo deli kibu be tomode te duga hani bidi dabe dage naga te Genuai Bidiba lotu po wabo sa muani pesage deliba pelama, lotu weyu yao. Te sela sogo te e tama dao. Te Yis Meni Yai Bret Genuai Sogo, me te Gide Nai Siyu Wiegi Yai Homu Pemene Ebo Sogo, tama me te Osogo Bidabo Yano Bede Bidibo Genuai Sogo. Tama dage bidi deli deli nogo olo Genuai Bidigo geduba olo me aselamuo.

Ma Dobola Sali 34:23

Tama deli kibu bede sela sogo, dage bidi tigidaligo ena Tigidali Nai Tonalubo God bidibo madi aselama, lotu po wagasao, te duga Israel duga Genuai Bidi dao.

Dwagi Yai Gesi Po Jongo Asęani 2:13

Te Juda bage augwaligo bo disąwai bret tuabo side te pąde tama o, te si nogi Pasova dao. Tama Jisas aga te Jerusalem moni be naniba pai.

Galesia 4:4

Tialima, te Godigo bodolu mani sabolobo side, agai aga ogwa e tǫba tagala palai. Tagala palama, tama e tǫde wego aga ame nai, tama aga e tǫde bidibadi aga te Juda dabego bomo yai po dologode bididubadi yai.

Matyu 3:15

Tiali goli Jisasgo agabolo po wei ponoyu te po wali, “Woo, te nago eno wabo po wali peyu, te sę yao. Tama tiyu, te dago doloba pai kolesaga naga usu nama inao,” te po wai. Tama tialima Jongo agai po wali pai.

Bomai Po 16:1

Tama Mosesgo po geninama weyu, te po wali, “Te tigidali sogo kibu bede, te polua Abipde, teda dagego te Genuai Bidi Godigo dage Isipde bugagia bidimainogo sula tagalali te side sa muyu, nai ulama tuiąo. Tama dagego Genuai Bidi dago God agai nogi ugwaba siąo. Magi baso meni, polobadu me sogo hulide, te polua Abipde, agai dage Isip bulude oda sai dao.