Dwagi Yai Gesi Po Jongo Asęani 4:6 - Godigo dwagi yai po buku

⁶ Ąį sabo tǫ dedage polobadu Jekopgo nigai, te bulude elalubuo. Jisas pelama, aga tigi dene baso, te ąį sabo tǫ dedage pąde dugulaluai. Te giliga tomo yagasobode.

Dwagi Yai Gesi Po Jongo Asęani 4:6 Referans Kwoze

Hibru 4:15

Dago digi te sęgę aiyaba elaluabo bomo menio. Tiali goli dago genuai pris tobolu bidi aga tede da homu dene isąbo tiwai bidi da po wagobeo. Menio. Te daba usu siyu te pedalobo sęgę tigidali, te tigidali sęgę agaba me pedalama aga me usu sai. Tiali goli agai dwai sę munu me ebeo.

Hibru 2:17

Tama tibaso, te tigidali naide aga te tigidali we bidi tiwai mu pedalomainogo tiali. Magi basowe? Agai tama tialigo da, tama aga te God dali we bidi dali tomode dolalubo pris tobolu bidi bidabo te usu igibu tama Godigo sę tolaluaibao. Agai te we bidi homu dene eyu, tau sabo wiegi yai kolesaga eyu, tama aga te Godiba aga homugo kęą pai bidi bidai. Tama tiyu, agai te Godigo te tigidali we bidigo dwai sę yali sęgę sela sąwainogo eyu, te aga ofa ilali te usu yai dao. Tiali goli aga te we bidi tiwai mu pedaligi menigi da, teda te sę tigidali ebo aga usu menigi da.

Matyu 8:24

Tama augwali te gebadu te sigi ąį daidu pobadi, te genuai wali mu polo tama hodaluama pedaliyu, tama te moni wę dini asobogo te geba haluainogo yai. Tiali goli Jisas aga da te gebade godege pila mudai dao.

Matyu 27:45

Tama te sia ge tomode mu, te tigidali tǫ badu te be hulia sabo tiwai elama, te be hulia si mu elama, tama telalubadi te be pio yabo magaba usu nanio.

Matyu 4:2

Tama Jisas nai tusiąbadi aga te bidi sese si siade me hulide me bidai. Tama nosali aga nasi yai.

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

Dwagi Yai Gesi Po Jongo Asęani 11:9

Jisasgo te Godigo bodolu mani sogo naga te aga isaibao po augwalibolo ola momainogo agai po nogo habu sugunama te po wali, “Te giliga nanobadi yaide, te ula elalubao. Tama siade bilibo bidi tulamubo menio. Magi basowe? Te ulade dao, agai aga pabo tų bugagia suagameo.

Dwagi Yai Gesi Po Lukgo Asęani 9:58

Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.

Dwagi Yai Gesi Po Lukgo Asęani 2:7

Tama Maria agai hasia ogwa ame nani. Tama pedai ugwa nanamenu dabego belama, tama kibu bulmakaugo nai tubo halobageba te ogwa wai pilagalama elalualio. Magi baso menio. We bidi osogo pibo be pągąna saide.

Dwagi Yai Gesi Po Jongo Asęani 4:5

Tama tilama, Jisas pelama, Samaria bagego hanuba sabolai, augwaligo te bulu nogi Sikar wali. Te tǫ te polobadu mu bidai bidi Jekopgo aga ogwa Josep mani tǫ te pąde tama dao.

Dwagi Yai Gesi Po Jongo Asęani 4:7

Jisas aga wali pabo bidi augwali te be nani nogi Sikarba pelama, nai abelegi pai. Tama Samaria we me deli asama, ąį tuagasu asai. Jisasgo te webolo po weyu, te po wai, “Aį ena mao, ena tueio,” te po wai, Jisasgo.

Dwagi Yai Gesi Po Jongo Asęani 4:12

“Dago wąį Jekopgo te ąį dedage dabolo polobadu mawai dao. Tama aga dali, aga wai dabe dali, aga kibu bulmakau sipsip dali tamago tuai ąį dao. Tialima, nago homu nago Jekop aga aiyaba elalualiwe?” te wego Jisas dali te po wai.