Dwagi Yai Gesi Po Jongo Asęani 4:52 - Godigo dwagi yai po buku

⁵² Tama agai augwalibolo hanalu wai, “Nisu te ogwa dwasianu usu yaliwe?” te po wai. Tama augwaligo te po wai, “Do giliga tomo ebo, te sogo tama aga tigi posolo silalio,” te po wai.

Dwagi Yai Gesi Po Jongo Asęani 4:52 Referans Kwoze

Dwagi Yai Gesi Po Jongo Asęani 4:51

Aga begasa aba pidubadi yaide tama aga sę ebo bidi dabego aga tiąba wagasai. Tama augwaligo agabolo te po wai, “Naga ogwa bidibuo,” wai.

Dwagi Yai Gesi Po Jongo Asęani 4:53

Tibaso, aga ayago koneai, do tama te sogo Jisasgo agabolo “Nago ogwa gasi silama, tama bidibadi paibao” wai dao. Agai te homu yai. Tama te bidi dali aga bede bidibo bage dali, augwaligo augwa homu tigidali Jisasba muani.

Matyu 8:13

Tama Jisasgo te ami genuai bidibolo te po wai, “Naga beba pao. Eno homugo nago konealubo po dąų wali pode te sę nageba pedalaibao,” wali. Tama Jisasgo te po wali sogo naga tama te ami genuai bidigo sę ebo bidi gasi usu ma yai dao.

Matyu 17:18

Tama te ogwa sesama, tama Jisasgo te dwai haubo noma bidibolo wado ilibo po obaso, tama agai te ogwa dali bidali tagalama pabo si da, tama megi naga tama te ogwago gasi sia sai dao.