Dwagi Yai Gesi Po Jongo Asęani 4:50 - Godigo dwagi yai po buku

⁵⁰ Jisasgo agabolo te po wai, “Nage pao. Naga ogwa da, bidibadi paibao.” Te bidi Jisasgo wali po aga homu te poba munama, tama pai.

Dwagi Yai Gesi Po Jongo Asęani 4:50 Referans Kwoze

Matyu 8:13

Tama Jisasgo te ami genuai bidibolo te po wai, “Naga beba pao. Eno homugo nago konealubo po dąų wali pode te sę nageba pedalaibao,” wali. Tama Jisasgo te po wali sogo naga tama te ami genuai bidigo sę ebo bidi gasi usu ma yai dao.

Dwagi Yai Gesi Po Lukgo Asęani 17:14

Tama Jisasgo augwali sulama, tama agai augwalibolo te po wali, “Dage piąo, te pris bidi dabe pageba piąo. Te bageba pelama, duga tigi augwalibolo waseligi piąo,” te po wali. Tama odama, te oiyabe gasi sai bidi dabe pabo gagalali. Augwali pebelayu subadi, augwa tigi sese ma yali suali, tomode.

Hibru 11:19

Magi baso meni, agai e homu yai, “Awe, te eno aga ela munama tama Godibolo mobaso, teda Godigo te aga ma hodolama enabolo ma mabo bomo usu mu yaibao,” te homu yai. Tama mu tamao, dago te sęde po digi po begelama e tiwai po wai: “Abrahamgo aga ogwa Aisak te gų pagede ma sabo tiwai ąǫ yai dao.” Te po wai.

Dwagi Yai Gesi Po Jongo Asęani 11:40

Tama Jisasgo Martabolo te po wai, “Magi yaliwe? Hasia nagebolo eno wai dao, nago enabolo homu muyu da, nago Godigo bomo nago sueibao,” Jisasgo te po wai.

Dwagi Yai Gesi Po Jongo Asęani 4:49

Te genuai gavman bidigo te po wai, “Genuai Bidi, nage Kaperneam buluba polo dulao. Eno ogwa isidalio,” te po Jisas dali wai.

Dwagi Yai Gesi Po Jongo Asęani 4:51

Aga begasa aba pidubadi yaide tama aga sę ebo bidi dabego aga tiąba wagasai. Tama augwaligo agabolo te po wai, “Naga ogwa bidibuo,” wai.

Te Israel me Juda Hani Sigo Tuni Bidigo Po Elalubo Buku Deli 17:16

Tama agai te mouwa dage genagide moni plaua umabo mu me munaluali, munu me sia sabe. Tama agai te wel mubo mouwa dage genagi me, te wel munu me sia sabe, tialima Genuai Bidigo agai te Elaijago pedauwalidu wali gilama yali.