Dwagi Yai Gesi Po Jongo Asęani 4:40 - Godigo dwagi yai po buku

⁴⁰ Tama tibaso, Samaria we bidi dabe augwali Jisas bidibo digi aselama, tama augwaligo Jisasbolo hanaluyu, po bomo elama wai, “Nage da dali bidao.” Tama tibaso, Jisas augwali dali si sogo te bulude bidai.

Dwagi Yai Gesi Po Jongo Asęani 4:40 Referans Kwoze

Kraisgo Geme Dualali Sę Pedelabo Po Jonbolo Ola Mani 3:20

Odao. Ena te tųde dolaluyu, tama eno te tųba begebo wabo odao. Tama niwai bidi me agai eno te be tųba bebego wabo po odoyu, te be tų dayu da, te ena te be tomoba pelama aga dali bidaibao. Tama ena aga dali nai tuyu, tama aga ena dali nai tuyu bidaibao.

Godigo Sęba Tagala Palai Bidigo Po 16:15

Tiali da dago aga dali agai bede bidibo we bidi dali baptais mani. Tama agai dabolo te po wali, “Dagego homugo eno Jisas wali pabo homu ebaso da, eno homugo Jisas mu konealu baso da, teda dage aselama, eno beba bidagasao, osogo,” te po wai. Tama agai “Dage eno beba pinao” wali bomo mu yali. Tama tibaso, da aga dali pai.

Dwagi Yai Gesi Po Lukgo Asęani 24:29

Tialima, te bidi sigo Jisas “Pigio,” te po wai, “nage dadi si dali bidao,” wai. “Giliga iba dega sainogo ebo, tama pąde digi tama be hulia saibao,” wali. Tama tibaso, Jisas augwali sigo be tomoba pelama, augwali si dali bidai.

Dwagi Yai Gesi Po Lukgo Asęani 8:38

Tama te dwai haubo noma bidi dabego taga pali bidigo Jisasbolo po bomo elama mu hanalu wali, “Ena me nage dali paio,” wali.

Jeremaia 14:8

Sesemane sogo da Israelgo nageba konealubo homu dąų weyu, te nageba tonalu, te nago da tau somainu yali. Te sęgę me sabo sogo, nago da ma siyu yai. Tialima, megi da, magi baso te nago da konesiąbo homu ebawe? Magi baso nage te digibulu bidi asai bidi te da dali deli pilama pabo tiwai yai dawe?

Solomon 3:4

Eno augwali tagalama, ena pobadi, te polo mu tama eno ena abagi suali. Ena aga pageba pelama, eno aga pagea selama, te agai ena taga pidali homu eyu, eno hagela yali. Eno aga ena idago beba odasa pelama, tama da si te eno idago be habu tomoba palio, te eno te na te tiwai ebo dao.

Bugagia Bidibo Kolesagade Po Asęai Buku 4:13

Sesemane sogo nago eno te wiegi yai po dąų ola sao. Te naga bidibo ulago page tiwai da, tama tiyu nago bugagia tonaluao.

Tigidali Nai Gagalama Nigali Side 32:26

tama te bidigo Jekopbolo te po wai, “Nago ena tagala palama, ena paio,” wai. “Te pąde be posainogo ebao,” wali. Tiali goli, Jekopgo agabolo te po wai, “Eno nage me tagala palogobeo. Nago te dwagi yai tau sabo po enabolo mayu bolo yao.”

Dwagi Yai Gesi Po Lukgo Asęani 10:39

Te we aga ama nogi Maria aga te Genuai Bidi sągą pagede dugulalu, agai ola mabo po odaludalio.

Dwagi Yai Gesi Po Jongo Asęani 4:39

Te hanude bidali Samaria we bidi dabe hauwa augwaligo te wego wabo po odai. Tama te po odobaso, augwaligo augwa homu tigidali Jisasba muani. Te wego te po wai, “Agai enabolo eno polobadu yali sę po tigidali mu wai.”

Dwagi Yai Gesi Po Jongo Asęani 4:41

Tama aga tede bidibadi yaide, we bidi hauwa augwaligo Jisas aga digi wali po odolama, tama augwa homu tigidali agaba muani.

Dwagi Yai Gesi Po Jongo Asęani 4:43

Te si sogo bidali silalio, tama Jisasgo te Samaria bulu tagalama, tama aga Galili tǫba pai.

Godigo Sęba Tagala Palai Bidigo Po 8:8

Tama tibaso, te Samaria dabe bugai homu mu yali.