Dwagi Yai Gesi Po Jongo Asęani 4:18 - Godigo dwagi yai po buku

¹⁸ Magi basowe? Polobadu nago bidi a naga dao. Tama te bidi megi nage dali bidibo bidi da, te naga bidi menio. Nago po te mu tama dao,” Jisasgo te po te we dali wai.

Dwagi Yai Gesi Po Jongo Asęani 4:18 Referans Kwoze

Jeremaia 3:20

Tiali digi, menio. Dage Israel we bidi hani, dagego ena tagalama, te wego aga bidi tagalobo tiwai yali. Ena Genuai Bidi, eno te po wai dao.”

Dwagi Yai Gesi Po Makgo Asęani 10:12

Te tiwai me, te we me deligo aga bidi tagalu, tama gasa bidi dali pobaso da, te we agai te penani ebo kolesaga yai dao,” Jisasgo te po wai.

Polgo Po Pas Rom Dabeba Asęani 7:3

Tama te bidi bidibadi tama we gasa bidi dali pobaso da, teda te we sabo kolesaga te wego dolobo nogi waibao, te penani ebo we dao te waibao. Tiali goli, te bidi isai digi yaibaso da, te bomai pogo aga ma kęąlubeo. Tama te we aga gasa bidi dali pobaso da, teda agai te we sabo kolesaga me dolobeo, aga te penani we dao wagobeo.

Esekiel 16:32

Nage da, te tiwai we me deligo aga bidi tagalama, te gasa bidi dabeba penani igi pabo we tiwai ebo dao.

Rutgo Po Elalubo Buku 4:10

Tama nai me deli digi elalubo. Eno Rut selama, tama megi te eno we dao. Te Moap bulu we Malongo sai, tama Malon isiyu, aga taga pai. Eno te Rut selama, tama Malongo tǫ te aga hanide dolo elaluaibao. Tama te isali bidi aga page bulu, te aga deli hanigo aga nogi sesemane sogo konealumainogo yaibao. Megi dagego sulama, tama dagego te sę ebo koneani dao,” te po wai.

Israel Hanigo Namba 5:29

“Ma, te wego gasa bidiba me dwai kolesaga yali da, tama bidigo homugo aga wego dwai kolesaga yali dao homu elama, aga we dali dwai homu ebaso da, teda dagego te bomai po wali piąo.

Tigidali Nai Gagalama Nigali Side 34:31

Tiali goli, augwali sigo te po wai, “Dago te bidi me deligo dago abe te penani we nogi sidali weyu, te dago me gogologobeo,” wali.

Tigidali Nai Gagalama Nigali Side 34:2

Hamor, aga te Hivi hani bidi me deli, aga tede tobolu bidi nigilama bidai. Agai ogwa, te Sekem, agai te Daina sulama, tama agai aga nogo tulama, tama aga dali dwai sę yali.

Tigidali Nai Gagalama Nigali Side 20:3

Tiali goli, hulide God te Abimelekba nade pedelama, tama te po wai, “Sara te Abrahamgo sai we dao. Tama nage isaibao,” wali.

Hibru 13:4

Tama te we sabo te wiegi yai kolesaga dao, te we bidi tigidaligo te homu yao. Dagego e tama yao, te bidi dali aga we dali augwa hasi te homugo kęą pai kolesaga naga yao. Dagego koneao, nosali Godigo te penani yali we bidi me, te we sabo kolesaga dolali we bidi dali, augwalibolo te wei ponabo te dwai dene genuai sabo te elalubao.

Dwagi Yai Gesi Po Jongo Asęani 4:17

Wego po wei ponoyu, te po wai, “Ena bidi menio.” Jisasgo agabolo te po wai, “Nago ‘Ena bidi meni,’ obawe, te nago mu po wabuo.

Dwagi Yai Gesi Po Jongo Asęani 4:19

Wego Jisasbolo te po wai, “Genuai Bidio, megi eno koneanio, nage da te Godigo nosali yabo sę po ola mabo profet bidi deli dao.

Esekiel 16:35

Genuai Bidigo po ma weyu, te tama po wali, “Jerusalem, nage penani we da, ena God Genuai Bidigo po odao. Nago naga ugwa dabe pepeda sąnama, tama naga digi naga tigi te godolo ebo tigidali bidiba mobao. Tama nago te kugumini ebo kolesaga wali peyu, te tibo god dabeba lotu obao. Te nago naga wai dabe ela munama, te tibo god dabeba ofa tiwai mabo dao.

Dwagi Yai Gesi Po Jongo Asęani 4:16

Jisasgo te webolo te po wai, “Nago bidibolo i wagi bilama, tama dage si eba asiąo,” wai.