Dwagi Yai Gesi Po Jongo Asęani 3:32 - Godigo dwagi yai po buku

³² Te bidigo agai po wabo da, te nai dabe agai sulama tama agai odolama te po wai. Tialima, bidi me deligo agai te wali po selama, tama dąų wabe.

Dwagi Yai Gesi Po Jongo Asęani 3:32 Referans Kwoze

Dwagi Yai Gesi Po Jongo Asęani 3:11

Eno mu po nagebolo obao, dago e wabo po da te dago koneani po obao, tama dago po pusali da, te dago suali sę po dao. Tiali goli dagego dago wali po te dagego tudiba muanio.

Dwagi Yai Gesi Po Jongo Asęani 15:15

Genuai bidi agai aga sę ebo bidibolo te sę yao po naga wabo dao. Agai te bidibolo te sę yabo po page ola mabo menio. Tiali goli, eno Ayago ena dali wali po tigidali, te po eno dage dali wai dao. Tama tibaso, eno dage sę ebo bidi da wabo nogi naga ma wagobeo, eno dage dali abagi dabe dao wabo.

Dwagi Yai Gesi Po Jongo Asęani 1:11

Aga bulu muba asai. Tiali goli aga hani augwaligo aga sabeo, gesebeo.

Dwagi Yai Gesi Po Jongo Asęani 8:26

Eno dagede wabo po hauwa elalubao, dagego ebo kolesaga hauwa me eno osola sueibao. Tialima, ena tagala palali bidi te agai homu kolesaga te mu tama dao. Tama tigidali po eno Godide odobo po te po naga eno tǫde we bidibolo wabo dao,” Jisasgo te po wai.

Dwagi Yai Gesi Po Jongo Asęani 5:20

Aya Godigo homugo aga Ogwa mu godola pabo, tama God agai ebo sę tigidali aga Ogwabolo ola mabo dao. Aya agai bomai sę me nosali aga Ogwabolo ola mawaibao. Tama te sęgo eno hasia yali sę aiyaba elaluaibao. Tama tibaso, dage noma siyu, homu hauwa yaibao.

Dwagi Yai Gesi Po Jongo Asęani 3:33

Tialima, niwai bidigo agai te po selama, dąų wali da, agai te po usu da waibao, God agai mu po naga wabo dao.

Dwagi Yai Gesi Po Jongo Asęani 3:26

Tama augwali Jon bidibo digi pelama, tama augwaligo Jonbolo te po wai, “Po ola mabo bidio, polobadu nage Jordan pabo ąį u badu bidibadi, nago bidi me dali bidiyu, nago te bidide dwagi yai po wai. Tama megi te bidi agai te we bidi baptais mobao. Agai we bidi baptais mobaso, tama tigidali we bidi augwali te bidi bidibo digi pabo dao,” Jon wali pabo bagego Jon dali te po wai.

Aisaia 53:1

Te Israel hani we bidi dabego te tiwai po wai, “Dego te megi dago odali pode konealubo homu dąų waibawe? Tama dego Genuai Bidigo te megi yali bomai sę tiwai ebo suai dawe?

Aisaia 50:2

“Eno dage gegagasali sogo, magi baso eno te bidi me deli bidibo subewe? Te eno dage i wali sogo, magi baso dagego eno i wali wei ponobewe? Dagego homugo te eno dage ma sabo bomo meni da homu yali da, agawe? Odao. Eno te po obaso, te tamu ąį tigidali mu sula saibao. Eno te po obaso, te genuai soabo ąį te masigi sane olo elalueibao. Te sųgų dabe isilama, kugumini dwai yaibao.

Matyu 7:8

Magi baso meni. Tigidali bidigo gedu haluasa po God dali hanalubo po wabo bidi dabe, augwaligo te nai saibao. Te nai gegebo sę ebo bidi, agai te nai sueibao. Tama te be tuba elibo bidi, teda Godigo te bidibolo tų dalobo dao.

Dwagi Yai Gesi Po Jongo Asęani 18:37

Tama tibaso, Pailatgo Jisas dali te po wai, “Nage te tuni bidi me deli dawe?” Jisasgo agai po wei ponoyu, te po wai, “Naga digi te po weyu, ena tuni bidi dao, te po wali. Te mu po page mu hania pedalomainogo, te ena te idago ena ame neyu, te ena e tǫba asai dao. Tama tibaso, te mu po naga wali pabo we bidi augwaligo eno po odobo dao,” Jisasgo te gavman tuni bidi dali te po wai.