Dwagi Yai Gesi Po Jongo Asęani 3:31 - Godigo dwagi yai po buku

³¹ Bidi ogwadu asobo bidi, te bidi agai tigidali bidi aiyaba elaluai. Tǫde pedalai bidi da, te bidi agai e tǫde nai naga po wabo dao. Tialima, dagaludu asobo bidi te agai tigidali bidi aiyaba elaluai dao.

Dwagi Yai Gesi Po Jongo Asęani 3:31 Referans Kwoze

Dwagi Yai Gesi Po Jongo Asęani 8:23

Jisasgo augwalibolo te po wai, “Dagego page bulu aiyadu dao, eno page bulu ugwadu dao. Dage e tǫde bidibo bage dao, ena e tǫde bidi menio.

Matyu 28:18

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Polgo Po Pas Rom Dabeba Asęani 9:5

Augwaligo wąį mu Abraham dali, Aisak dali, te Jekop dali, augwali polobadu bidiyu te genuai nogi sai bidi dabe hasia bidali, tama augwali te augwa bulai wai dabe naga bidai. Tama Krais aga e tǫba dulama tama da bidi tiwai tigi sali sogo, agai te Juda hanide naga te bidi mu pedalali. Aga te tigidali nai tobolu bidi bidibao. Aga te God dao, te aga nogi dago sesemane bidada pabo sogo ugwaba sinao. Mu dao.

Dwagi Yai Gesi Po Jongo Asęani 6:33

Te bret Godigo mani, te aga dagalu tagalama, e tǫba dulama, tama agai tǫde bidibo we bidi bidada pabo bomo magasobo dao,” Jisasgo te po wai.

1 Jon 4:5

Te tibo po ola mabo bidi dabe augwali tǫde bidiyu, tama tǫde elalubo kolesaga naga augwaligo wali pabo dao. Tama augwaligo po te tǫde elalubo naide po wabo dao. Tama tibaso, tǫde bidigo augwaligo po odobo dao.

Dwagi Yai Gesi Po Jongo Asęani 6:51

Ena digi ena da, te bidabo bomo elalubo bret da, te ena dagalu tagalama, e tǫba dulai dao. E bret bidigo tuyu da, te bidi aga bidada paibao, mu gamonaibao. Tama eno te bret agabolo mawaibao, te eno tigi dao. E tǫde bidibo we bidi augwali mu bidimainogo, eno ena tigi mawaibao,” Jisasgo te po wai.

Kraisgo Geme Dualali Sę Pedelabo Po Jonbolo Ola Mani 19:16

Te aga nogi asęani aga ugwade me te sągą telede me elaluai. Te nogi asęani e tama tiwai, tigidali tuni bidigo Tuni Bidi, te tigidali genuai bidi kingo Genuai Bidi King dao.

1 Pita 3:22

Tama te Jisas Krais aga te gų pagede ma hodolama, tama Godigo dagalude bidibo madiba sabolama tama genuai nogi sobaso, aga te Godigo dolo nogo badu megi bidibao. Tama aga tede bidiyu, tama ensel mobo bidi dabe tigidali dali, te noma bidi tuni bidi dabe dali, te bomo yai noma bidi dabe dali, augwali tigidali Krais aga dologode bidibo dao.

Dwagi Yai Gesi Po Jongo Asęani 1:27

Te bidi aga ena tudi badu nosali asaibao. Ena digi ena dwagi yai bidi menio. Teyu, eno agai sągą nadoba bono eno pisigagobeo,” Jongo te po augwali dali wai.

Godigo Sęba Tagala Palai Bidigo Po 10:36

Godigo te dwagi yai po da Israel we bidibolo mawai dao. Tama te dwagi yai po page e tiwai da, Jisas Krais da, te tigidali we bidigo Genuai Bidi da. Da tigidaligo aga godolo eyu da, te da dwagi yai homu elama, bugagia bidaibao.

Hibru 9:1

Te hasia dąų wali pode te Godigo te lotu wabo bomai po meba mawai. Tama te lotu wabo be, te me e tǫde sę yai elaluai dao.

Dwagi Yai Gesi Po Jongo Asęani 1:30

Polobadu eno te po wai, ‘Nosali bidi me asobo bidi agai eno nogi aiyaba elaluaibao. Magi basowe? Ena ame nesiąbadi, aga polobadu mu bidai. Tama tibaso, agai nogigo eno nogi aiyaba elalubo dao,’ eno te po wai. Tama megi te bidi e dao, eno dagebolo polobadu wali gilama.

Dwagi Yai Gesi Po Jongo Asęani 1:15

Te we bidi baptais mabo bidi Jon agai te we bidibolo agai po weyu i tama wai, “Polobadu eno te po wai, ‘Nosali bidi me asobo bidi agai eno nogi aiyaba elaluaibao. Magi basowe? Ena ame nesiąbadi, aga polobadu mu bidai. Tama tibaso, agai nogigo eno nogi aiyaba elalubo dao,’ eno te po wai. Tama megi te bidi e dao, eno dagebolo polobadu wali po gilama,” Jongo te po wai.

Dwagi Yai Gesi Po Jongo Asęani 3:30

Agai nogi ugwaba dią holoyu, eno nogi da aiyaba elalumainogo yaibao,” Jongo te po wai.