Dwagi Yai Gesi Po Jongo Asęani 3:19 - Godigo dwagi yai po buku

¹⁹ Tama te po tų yabo page tama telalubo. Ula yali e tǫde polo pedalai dao. Tialima, bidi dabe augwaligo homugo hulia sabo augwaligo godola pai. Augwaligo ula te godolo ebeo. Magi basowe? Augwaligo kolesaga te dwalio.

Dwagi Yai Gesi Po Jongo Asęani 3:19 Referans Kwoze

Dwagi Yai Gesi Po Jongo Asęani 8:12

Te Jisasgo te Farisi hani bidi augwalibolo nosali te po ma wai, “Ena te tǫde we bidide ula dao. Bidi ena wali asobo bidi aga te bugagia bidabo ula aga selama, e tǫde bidaibao, aga hulide munu me bidigobeo,” wali.

2 Tesalonaika 2:12

Tama elama, Godigo mu po augwaligo homude dąų wasiąyu, tama dwai sę ebo kolesagade dwagi yai homu mu yai we bidi tigidali augwali Godigo po tųde sęgę mu saibao.

Polgo Po Pas Rom Dabeba Asęani 2:8

Tama mebago homugo augwade naga koneyu, tama augwaligo mu po wabo te tudiba munama, tama dolo isąwai kolesaga wali pabo dao. Teda Godigo te bidi dabe augwali dali dwai homu mu eyu, tama genuai sębę eyu yaibao. Tama tiyu agai te dwai dene mu sabo sę augwaliba wei ponaibao.

Dwagi Yai Gesi Po Jongo Asęani 12:43

Augwaligo te homu yai, ‘Bidi dabego dabolo “Dage dwagi yai bage dao,” obaso, te usu dao, te genuai dao. Te Godigo naga dabolo “Dage dwagi yai bidi dao,” obaso, te genuai menio, usu egobeo,’ augwaligo te homu yai.

Polgo Po Pas Rom Dabeba Asęani 1:32

Te Godigo te tobage dwai sę ebo bage dali ebo homu e tiwai dao: “Te tobage haniani dwai kolesaga ebo bidi dabe augwali isimainao, te dolo mu dao,” agai te homu ebo dao. Te dwai kolesaga ebo bidi dabe augwaligo te Godigo ebo homu bugagia koneai goli, koneama tagalama, augwaligo te tiwai dwai kolesaga yai. Tama augwaligo te sę naga me ebeo. Menio. Te augwaligo te tiwai dwai kolesaga ebo gasa bidi dabe augwali nogi me ugwaba siyu, te sę usu dao weyu yai.

Dwagi Yai Gesi Po Jongo Asęani 5:44

Dagego genuai nogi duga haside sabo dao. Tiali digi, dagego Godigo dagebolo genuai nogi maiabo sę te bomo elama, ebo menio. Tama tibaso, dagego eno wabo po mena tama duga homuba mugowe?

2 Pita 3:3

Hasia dagego tebolo koneiąo: tama te tǫ de dagalu si me te tigidali nai silibo sogo, te posobo po wabo bidi dabe augwali pedalama, tama augwa bomonama naga te homugo ebo dwai kolesaga naga wali paibao. Tama augwaligo posobo po e tiwai po weyu, “Aga ma asabo po wali dawe?

Dwagi Yai Gesi Po Jongo Asęani 1:4

Bidabo bomo Po agade elalubo. Tama agai bidabo bomo te we bidi augwaligo ula dao.

Dwagi Yai Gesi Po Lukgo Asęani 12:47

“Te sę ebo bidi me aga genuai bidigo sę ya po wai goli, sisi elama, ya wali sę isąwai bidi, te genuai bidigo te sę bidi bįgo dwaigila mu elaibao.

1 Pita 2:8

Tama te bukude asęani po me dao, “E masigi da, te we bidi augwali sągą dani tųąbo masigi dao, te augwali te tǫba tula muabo genuai masigi dao.” Tama augwaligo Godigo poba augwa homu tigidali musiąbaso, tama augwali tulalubo dao. Te God agai polobadu augwali te sęba muani.

Dwagi Yai Gesi Po Jongo Asęani 7:7

“Tǫde we bidi augwaligo dage dali sębę elama, boi bidi me ebo menio. Tialima, augwaligo ena dali sębę elama, boi bidi mu ebo dao. Magi basowe? Eno augwaligo ebo dwai kolesaga bolo eno augwali dali po wabo dao.

Dwagi Yai Gesi Po Jongo Asęani 7:17

Niwai bidigo Godigo homu kolesaga wali pabo bidi agai eno ola mabo po page koneagameo. Eno te we bidibolo ola mabo po menade saliwe? Te Godigo po dawe? Ma eno homugo naga te po obawe? Niwai bidigo Godigo homu kolesaga wali pabo bidi agai eno ola mabo po page koneagameo.

Dwagi Yai Gesi Po Lukgo Asęani 16:14

Te Farisi bidi hani dabe augwaligo Jisasgo wali po odali. Augwali te mone dali pesa ebo bage bidali. Tama tibaso, Jisasgo agai po obadi yaide, augwaligo bo weyu bidali.

Bugagia Bidibo Kolesagade Po Asęai Buku 2:13

Te bidi dabe augwaligo te dolasa pabo sunumi tagalu, tama te hulia sai sunumidu bilibo dao.

Jeremaia 9:6

Te we bidi nage augwali tomode bidibo bage, augwaligo te gasa bidi aiyaba elalubo sę bomo eyu, te tobage tibo po wabo kolesaga eyu ebao. Tama augwa te ena Genuai Bidiba homu kęą pabeo,” Genuai Bidigo digi te po wali.

Dwagi Yai Gesi Po Jongo Asęani 1:5

Te ulago hulia sabobolo te ula mabo dao. Tama hulia sabogo te ula me sogo halubeo.

Dwagi Yai Gesi Po Jongo Asęani 9:5

Ena e tǫde bidibo sogo, te ena e tǫde we bidigo ula dao,” Jisasgo aga isabo sogode te po wai.

Dwagi Yai Gesi Po Jongo Asęani 12:31

Megi Godigo tǫde we bidi osola suyu, sęgę mabo sogo dao. Megi e tǫde elalubo dwai kolesaga tobolu bidi Satan sela sąbo sogo dao.

Dwagi Yai Gesi Po Jongo Asęani 12:46

Ena e tǫba asali, te ula tiwai dao. Magi basowe? Tigidali bidi enabolo homu muani bidi augwali te hulide bididali weyu, ena te tǫde ula tiwai asai dao.

Pris Sę Ebo Bomai Po 13:10

“Te bidi te prisgo bugagia osa yao. Te keni tedela eyu, te tigi nisi tedela pedelama, tama te kenide keni bole pągąną pobaso da,

Sekaraia 14:19

Te tiwai genuai side lotu augwaligo wasiąwani da, te Isip dabe me gasa bulu tǫ kantri bidi dabeba me te deli tigi poai dene saibao wai dao.