Dwagi Yai Gesi Po Jongo Asęani 3:13 - Godigo dwagi yai po buku

¹³ Gasa bidi me te Godigo bidibo madigiba me holobeo. Ena da Godigo Bidi Mu da, tama ena naga te dagalu tagalama, e tǫba dulai, enaduba deli digio.

Dwagi Yai Gesi Po Jongo Asęani 3:13 Referans Kwoze

Bugagia Bidibo Kolesagade Po Asęai Buku 30:4

De te dagaluba ugwa holama, te tǫba aiya ma dulaliwe? Tama dego te asobo wali te nogogo tola saliwe? Tama dego te pǫde wę muani, te bidigo nai me deli te name ugwade munama, tama halubo tiwai yaliwe? Dego te tǫ habu ununani tigidali dąų walama, tama megi tǫ elalubawe? Aga nogi, me aga ogwago nogi de dawe? Te nago koneba, agawe?”

Dwagi Yai Gesi Po Jongo Asęani 6:38

Magi basowe? Eno dagalu tagalama, e tǫba dulali, te eno homu kolesaga wali painogo asobeo. Menio. Ena e tǫba dulali, te ena tagala palai bidigo homu ena wali pomainogo asai.

Godigo Sęba Tagala Palai Bidigo Po 2:34

Tama Devit aga digi dagaluba pai menio, te Jisas yaligia. Me ma Devitgo e tǫba wai, ‘Eno Godigo eno Genuai Bidibolo te po wai, “Nage eno e dolo nogo badu dugayao.

Dwagi Yai Gesi Po Jongo Asęani 1:18

Menio. Bidi me deligo God munu me gedugo subeo. Mu menio. Tialima, te Godigo ogwa deli aga aya pąde bidibo, agai Godigo page dabolo ola mawai dao.

1 Korin 15:47

Te hasia polali bidi Adam te e tǫde bidibolo polali. Godigo tǫgo naga aga nigali. Nosali pedalali bidi te agade Adam si wabo bidi, te aga dagalude bidai bidi dao, tedu asai dao.

Dwagi Yai Gesi Po Jongo Asęani 13:3

Tama Jisasgo koneai, ‘God agai tigidali bomo enabolo mawai dao. God agai ena tǫba tagala palai, te ena God aga pageba ma paibao,’ te me aga koneai.

Polgo Po Pas Rom Dabeba Asęani 10:6

Tiali goli te bidigo Godide konealubo po dąų obaso tama Godigo aga doloba pai bidi nogi wabo kolesaga, te kolesagade augwaligo polobadu tama asęani, “Nago naga homude te po olamuo, ‘Te agai dabolo Godigo po pusumainogo, te Krais edaba sela dulamainogo eyu, de te dagaluba pogowe,’ te po olamuo,” te po asęani.

Dwagi Yai Gesi Po Jongo Asęani 6:62

Tialima, dagego suali ma te Godigo Bidi Mu aga polobadu bidali buluba hodobo suyu da, magi yaibawe?” Jisasgo te po wai.

Dwagi Yai Gesi Po Jongo Asęani 3:31

Bidi ogwadu asobo bidi, te bidi agai tigidali bidi aiyaba elaluai. Tǫde pedalai bidi da, te bidi agai e tǫde nai naga po wabo dao. Tialima, dagaludu asobo bidi te agai tigidali bidi aiyaba elaluai dao.

Dwagi Yai Gesi Po Jongo Asęani 6:46

Tiali goli, bidi me deligo Aya me gedugo subeo. Te bidi God dali bidilama, asali, te bidigo naga Aya gedugo suai dao.

Dwagi Yai Gesi Po Jongo Asęani 6:42

Augwaligo te po wai, “E bidi da, te Josep aga ogwa dao. Dago aga aya ida dali koneai dao. Magi baso agai te po megi wabowe, ‘Ena dagalu tagalama, e tǫba duali dao,’ wabowe? Agai po usubeo,” augwaligo te po wai.

Bomai Po 30:12

Te po te ogwa dagalude me elalubeo. Tama ‘Te niwai bidi dagaluba holama, te bomai po sela dulubaso, dago te po odama, wali paibawe?’ te tama po dagego me hanalu obaso, usu egobeo.

Dwagi Yai Gesi Po Jongo Asęani 17:5

Polobadu, te tǫ pedalisiąbadi digi, tama ena nage dali bidai dao. Tama ena nage dali bidiyu, bomo yai ula elaluai dao. Aya, ena nage dali bidiyu, tama nago megi enabolo te bomo yai ula digi ma mao,” Jisasgo te po God dali wai.

Dwagi Yai Gesi Po Jongo Asęani 8:42

Te bidi Jisasgo augwalibolo te po wai, “Te God aga dagego aya mu tigi sogo da, teda dagego ena dali godolo mu egi da. Magi basowe? Ena God dali bidilama asai dao. Ena homugo digi ena asobeo. Godigo ena tagala palobaso, asai dao.

Dwagi Yai Gesi Po Jongo Asęani 6:51

Ena digi ena da, te bidabo bomo elalubo bret da, te ena dagalu tagalama, e tǫba dulai dao. E bret bidigo tuyu da, te bidi aga bidada paibao, mu gamonaibao. Tama eno te bret agabolo mawaibao, te eno tigi dao. E tǫde bidibo we bidi augwali mu bidimainogo, eno ena tigi mawaibao,” Jisasgo te po wai.

Dwagi Yai Gesi Po Jongo Asęani 6:33

Te bret Godigo mani, te aga dagalu tagalama, e tǫba dulama, tama agai tǫde bidibo we bidi bidada pabo bomo magasobo dao,” Jisasgo te po wai.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Efesus 1:23

Tama aga te tobolu bidi bidiyu tama Godigo po wali pabo we bidi hani aga tigi tiwai bidiyu, tama te hani te Krais agai te sę yao obaso, te po wali pabo dao. Te tigidali bulude elalubo habuge yai nai tigidali te Krais aga da te nai tigidali simanobo page bidi dao. Tama te Kraisgo po wali pabo we bidi hani augwaligo Krais te tigi sese ilibo dao.

Matyu 8:20

Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.

Dwagi Yai Gesi Po Jongo Asęani 3:12

Eno dagebolo eno e tǫde nai po obao, tama dagego me ‘Te mu tama dao’ homu ebeo. Tibaso da, eno dagebolo dagalude nai po obaso da, te dagego mena tama te poba duga homu mugowe?