Dwagi Yai Gesi Po Jongo Asęani 21:15 - Godigo dwagi yai po buku

¹⁵ Te augwali nai tula silama, tama Jisasgo Saimon Pitabolo po weyu, te po wai, “Saimon, nage Jongo ogwa dao, tama nago ena godolo ebo kolesagago e bidi dabe augwaligo ena godolo ebo kolesaga aiyaba elalubawe?” Tama Pitago agabolo te po wai, “Ao, Genuai Bidi, nago koneai dao, nage eno abagi dao.” Jisasgo agabolo te po wai, “Nago enaba homu tamadi muani we bidi augwali eno po nago augwalibolo ola mao,” Jisasgo te po wai.

Dwagi Yai Gesi Po Jongo Asęani 21:15 Referans Kwoze

Polgo Po Pas Rom Dabeba Asęani 15:1

Te da Godigo we bidi hani tomode te we bidi meba augwaligo te Kraisde te konealubo po bomo meni yai bidiyu, tama augwaligo haniani sęde te habu selebo dao, te ena tamadi tama te sęde po asęani. Tama da meba te Kraisde te konealubo po bomo eyu dąų olama bidibao. Tama da augwali dali te nagamea pai kolesaga eyu augwali sao. Dago augwali dali tama tiyu, tama dago augwaligo sęgę tolao. Dago augwali sula tagalama tama dena homu kolesaga naga wali me piduamu dao.

1 Jon 4:19

Te dago God dali, dena hasi abagi dali te dwagi yai homu eyu godolo ebo kolesaga page e dao: hasia bolo God agai da dali te godolo ebo kolesaga yali.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

1 Pita 1:8

Tama dagego duga gedugo aga munu me susiąwai digi, dagego Kraisde dwagi yai homu eyu godolo ebo dao. Dagego megi me aga susiąbadi digi, dagego duga homu tigidali agaba muyu, tama wiegi yai homu mu ebo dao. Tebogo te tigidali gasagi yai dwagi yai homu ebo aiyaba elalubo dao. Tama te dagego wiegi yai homu ebo te genuai mu dao, augwaligo Godigo bidibo digide ebo wiegi yai homu ebo sabi si dao. Tama tialigo da, dagego pedauwaligo tede po wabo usu egobeo.

Efesus 6:24

Te eno homugo me, Godigo agai olo tau mabo kolesaga te dago Genuai Bidi Jisas Krais godolo mu eyu aga me tagalisąbo we bidi dabe tebolo te olo tau mabo kolesaga mao. Tama dao. Ena da, Pol da.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

1 Jon 5:1

Tigidali bidigo Jisas aga te Godigo sa muani tagala palali bidi Krais dao olama konealubo po dąų wai, te bidi dabe augwali Godigo wai dabe dao. Tama tigidali bidigo aya dali dwagi yai homu ebo bidi, te augwaligo te dwagi yai homu eyu godolo ebo kolesaga agai wai dabe dali me ebo dao.

Dwagi Yai Gesi Po Jongo Asęani 16:27

Magi basowe? Aya aga digi dage godolo mu ebo dao. Tama agai dage magi baso godolo mu ebo dawe? Woo, dagego ena mu godolo eyu, tama dagego bomo yai homugo koneama, te ena Aya dali bidama asali, te homu dagego yai. Tama dagego te homu ebaso, Aya agai dage godolo mu eyu, dagego hanalu wabo po wei ponaibao.

Jeremaia 3:15

Tama eno wiegi yai tonalubo bidi te ena kolesaga tiwai wali pabo bidi dabe nigilaibao. Augwaligo wiegi yai homude koneani kolesaga elalubao, te augwaligo dage bugagia tonalueibao,” wali.

Esekiel 34:23

Tama eno ena sę bidi Devitgo hanide bidi me deli sa munama, tama aga eno sipsip dabe tonaluabo bidi nigilama, tama agai eno sipsip dabe augwali bugagia tonalumainu yaibao.

1 Pita 2:25

Tama polobadu dage te kibu sipsip tiwai eyu, augwali tonalubo bidi tagalama tama hagawai digi, megi dage ma geasa asiyu, te dage bugagia tonalubo bidi pageba ma asai dao.

Hibru 4:13

Te Godigo nigali nai me deli te God agai gedude te geme dula sainogo ebo te usu munu me egobeo. Menio. Te tigidali nai te hania mu te Godigo gedude tigidali te elalubao. Tama Godigo naga te dago ebo kolesaga tigidali dagalabo bidi dao.

Dwagi Yai Gesi Po Lukgo Asęani 22:32

Satango te sę yainogo yai digi, eno nage tau sainogo, God hanalu wali, ‘Saimon tau sao. Agai homu kolesaga tigidali nageba mubo sę tagalidali weyu, nago Saimon tau sao.’ Tama Saimon, nosali nage begasa, ma aselama, tama nago naga ama dabe bomo mayu dąų walao,” Jisasgo te po wai.

Hibru 13:20

God aga te da we bidi homu nagame ilibo page bidi elalubao. Agai te dago Genuai Bidi Jisas te gų pagede ma hodolama, tama aga ma bidimainu ilali. Hasia Jisasgo aga digi bidibo ula olo mayu, tama Godibolo ofa tiwai mani, te da we bidi tau somainogo yali. Tama tebogo agai te Godigo te we bidi tau sabo dąų wali gamonabo po te mu dąų walali. Tama tiyu, aga te da sipsip tiwai bidibo we bidi tonalubo te polalubo bidi pedalai dao. Tama eno homugo te God agai te tigidali wiegi yai kolesaga dagebolo mao, te dagego agai homu kolesaga wali pabo usu ilimainogo yao. Tama eno homugo me da tomode agai tigidali te aga digi godolo yabo kolesaga tigidali pedalomainogo yao, te Jisas Kraisgo nogide tama tiao. Aga genuai nogi te sesemane bidada pabo sogo elalua peyu, elalua paibao, te eno homugo. Mu dao.

Polgo Po Pas Rom Dabeba Asęani 14:1

Tama bidigo Kraisde konealubo po dąų weyu da yali, tiali goli agai konealubo po bomo isąyu tama aga homu te God aga dali dwagi yai homu emainogo aga te bidigo nigali haniani bomai po aga wali pao homu ebo bidi dao. Te tobage bidi te dagego duga hani tomoba sela asao. Tiali goli tama tiyu te dagego homude aga dali gasa gasa konila po me olamu dao. Te menio. Te bidi olo mu sao.

Matyu 16:17

Jisasgo po wei ponoyu, agabolo te po wai, “Saimon, Jongo ogwa, God agai nage dali wiegi yai sę mu yai dao, tama nage wiegi yai homu pemene yao. E tǫde bidi me deligo te po nagebolo me ola mabeo. Menio. Eno Aya dagalude bidibo bidi agai te po nagebolo ola mani dao.

Jeremaia 23:4

Te ena Genuai Bidi, te eno gesi noma tonalubo bidi nigilama, tama augwaligo te sipsip dabe bugagia tonalueibao. Tama te sipsip dabego magi nai me delide wi me egobeo. Tama te sipsip deli me hagagobe dao,” wali.

Kraisgo Geme Dualali Sę Pedelabo Po Jonbolo Ola Mani 2:23

Tama agai wai dabe me, te eno augwali mu ela silaibao. Tama tiyu, te Godigo po odobo we bidi tigidali augwaligo koneaibao, te ena da, te tigidali bidigo homu kolesaga osola subo bidi dao. Tama dage deli delibolo eno dagego yali kolesaga dolo si wei ponaibao.”

1 Pita 2:2

Te tobage dwai sę egimio. Te menio. Te tamadi ame nani wai bǫų aga bomo eyu, te ame pę naga tuabo homu ebo dao. Tama dagego homu te wai bǫųgo homu ebo tiwai gilama, dagego Godigo po naga sao, te gasa po dali talusiąwai po dao. Te po naga sao. Tama tiyu, dage bugagia holoyu bidao, te God agai dage ma dobola sabo sę silabo sogo tonaluao.

Galesia 5:6

Tama tiyu, dago koneani, te bidi aga Krais Jisasde wadoloyu da, teda aga tigiwali togobo sę te olo sę tama tiwai da, tama te tigiwali togisąwai bidi me, te me te olo sę tiwai da. Te sęde magigobeo, te olo sę tama dao. Tiali goli, te bidigo aga abagi dali te wiegi yai homu elama tama tau sabo, te bidigo Godide konealubo po dąų wabo homu kolesaga hodolobao, te agai kolesaga te usu mu elalubao.

Dwagi Yai Gesi Po Jongo Asęani 21:12

Tama Jisasgo augwalibolo te po wai, “Dage nai tuagasao,” te po wai. Tama Jisas wali pabo bidi me deligo aga dali me hanaluyu, “Nage de dawe?” te po aga dali wabeo. Augwaligo koneai, te aga dago Genuai Bidi dao, te homu yai.

Dwagi Yai Gesi Po Jongo Asęani 21:7

Te bidi me Jisas agai godolo ebo bidi, agai Pitabolo te po wai, “Te aga dago Genuai Bidi dao,” te po wai. Tama Saimon Pita aga ugwa dabe pebeda munama, te sę yai. Tama agai te po odai, “Te bidi aga dago Genuai Bidi dao” wabo, te po odobaso, Pita aga ugwa bea selama, tama aga te ąįba samonai.

Matyu 18:10

Dage dua bugagia dao. Tiyu dagego te homu eyu, e dwasianu we bidi tomode me deli te olo nai tiwai da wagimio, augwalide tagala wagimio. Menio. Eno dagebolo te po obao, te Godigo bidibo madide bidibo ensel te mobo bidi dabe augwaligo sesemane sogo te eno Aya dagalude bidibo subo dao. Tama tiyu, te ensel mobo bidi dabego e tiwai dwasianu we bidi hani tonalubo dao.

Efesus 4:14

Tama da Godigo hani we bidi mu bugagia pedalama, tama te Godigo pode da te homu subigila pabo wai puluba tiwai ma bidigobeo. Te eno po digi po me megi obao. Te geba, te geba moni sigi ąįdu pobadi, wali asiyu te ąį dini me te bomo yai wali me augwali sigo te geba subigila bega sąyu sela sąbo dao. Tama te tiwai bidi muma sabo tibo po wabo bidi augwaligo ili po weyu, tama bidi hauwa augwaligo homu polo tulalubo dao. Tama tiyu, te bidi muma sabo bidi augwaligo te we bidi te gasa dwai sę ebo tuba kegebo dao. Tiali goli, da Godigo hani we bidi mu bugagia pedalama bidibaso, tama te bidi muma sabo dwai bidi dabe augwaligo wabo tibo pogo da tulalugobeo.

1 Korin 8:11

Tama tibaso, te nago koneani kolesagago te bomo isąwani bidi dolali, te amade te Krais aga isama tama aga ma sai dao.

Dwagi Yai Gesi Po Jongo Asęani 8:42

Te bidi Jisasgo augwalibolo te po wai, “Te God aga dagego aya mu tigi sogo da, teda dagego ena dali godolo mu egi da. Magi basowe? Ena God dali bidilama asai dao. Ena homugo digi ena asobeo. Godigo ena tagala palobaso, asai dao.

Dwagi Yai Gesi Po Makgo Asęani 14:29

Pitago agabolo te po wai, “Te e bidi tigidali augwaligo nage taga peyu wi pobaso da, tagalao, magigo meni, te eno nage taga pogobeo,” te po wai.

Dwagi Yai Gesi Po Lukgo Asęani 12:32

Jisasgo po ma wadolama, “Te dage ena dali bilibo bidi dabe, dage te dwasianu hani sipsip tiwai dao. Te dage wi egimio. Magi baso meni. Duga Ayago dagebolo po weyu, te aga dagego king bidibao po olama, Godigo dagebolo te we bidi tonalubo sę mawainu, dwagi yai homu elalubao.

Tigidali Nai Gagalama Nigali Side 33:13

Tiali goli, Jekopgo agabolo te po wai, “Genuai bidi, nago koneani, te wai dabe augwali te bomo elama me pabeo. Tama eno homu hauwa te sipsip me, te bulmakau hani dali, te augwali tamadi holobo wai dabede te homu yai. Te augwali deli sogo bubugade bomonama pobaso da, tiyu te tigidali kibu sibi dabe te isila pidalio.

Matyu 10:37

Tama niwai bidi agai aga aya me ida naga mu godolo eyu tama ena kuna godolo me isąwani da, te bidi aga eno abagi bidigobeo, te usu menio. Tama bidi mego aga ogwa ma wegi naga godolo eyu, tama ena kuna godolo me isąbo bidi, te aga eno abagi bidigobe dao.

Te Israel me Juda Hani Sigo Tuni Bidigo Po Elalubo Buku Si 20:3

“Genuai Bidi, ena nage wali mu peyu, tama eno nago sę mu yai dao. Tigidali sogo eno nago homu godolo ebo kolesagadu naga wali pai dao,” wali. “Tama teyu, nago te eno te sę yaliba kone palama, tama nago ena isimainogo sula tagaligio.” Tama agai tama gedu haluasa po olama, tama aga gela genuai mu wali.

2 Samuel 7:20

“Tama tialima, Tigidali Nai Tonalubo Genuai Bidi, te eno mena po me nageba wagawe? Ena naga sę bidi, tama nago ena koneanio.

Dwagi Yai Gesi Po Jongo Asęani 13:37

Pitago agabolo te po wai, “Genuai Bidi, magi baso eno nage megi wali pogobewe? Eno nage tau somainogo ena isiyu da, te usu yaibao,” Pitago te po wai.

Dwagi Yai Gesi Po Jongo Asęani 1:42

Tama Andru agai aga ama Saimon odasa, Jisas bidibo madigi pai. Jisas agai Saimon sulama, te po wai, “Nage Saimon, Jongo ogwa dao. Nosali nago nogi Sifas waibao,” Jisasgo te po wai. (Dago te nogi Sifas begelama, tama wai, Pita wali nogi, te nogi page masigi dao.)

Matyu 26:35

Pitago agabolo te po wai, “Bidi dabe augwaligo ena me nage dali ela muyu da, teda te usu dao. Tiali goli, eno nage konebeo po munu me wagobeo. Mu menio,” Pitago te po wai. Tama tigidali aga wali pabo bidi dabego te tiwai po naga wai.

Matyu 26:33

Pitago po wei ponoyu, bomonama agabolo te po wai, “E bage augwali tigidaligo te nageba augwa homu mubo kolesaga tagalama tolalueibao nago te tama po wabo digi, te ena da, ena tama me tegobeo,” Pitago te po wai dao.

Godigo Sęba Tagala Palai Bidigo Po 20:29

Eno koneani, nosali te eno dage taga pabo sogode, te dwai bidi dabe dage tomoba aselama, dage dolaibao. Tama augwali te bulu yowi asobo ąǫ elama, te sipsip kibu wai elabo ąǫ yaibao.

Esekiel 46:24

Tialima, te bidigo enabolo e tama tiwai po walali, “Te Godigo tempel bede sę ebo bidi dabe augwali te kibu mi ulubo te pesage dabeba te we bidigo ofa yabo nai sesebo teba ulugi pomainao,” wali.