Dwagi Yai Gesi Po Jongo Asęani 20:9 - Godigo dwagi yai po buku

⁹ (Tama te sogo augwaligo Godigo polobadu asęani po page konesiąbadi. God agai po te bukude asęyu, te po wai dao, “Aga gų pagede ma hodaluao,” te po wai. Te sogo augwaligo te po page konebeo.)

Dwagi Yai Gesi Po Jongo Asęani 20:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 16:10

Magi baso meni, nago ena te isai bidigo bulude bidimainu tagala palogobeo. Tama nago naga tedali gasagi yai bidi aga te gų pagede damua pomainao wagobeo.

Aisaia 25:8

Agai te isibo me silama, tama augwali me isibo sę me egobeo. God Genuai Bidigo augwaligo gela ųga sia sąnama, tama augwaligo gedu ąį wa sąwaibao. Te we bidigo gedu ąį menia saibao. Tama agai aga we bidi tigidali tǫde bidibo we bidigo hale me sia sąwaibao. Genuai Bidigo te sę yabo po polo wai dao.

Aisaia 26:19

Tiali goli, naga te hani polo isila pali, tama augwali megi hulia sai madi bidibao. Te augwali ma hodaloama, te ula ma sueibao. Nago te isai bidi dabe bidibo ula ma mabo dao, te hulide tulubage segeni elama, te tǫ wa pai madi te gesi noma nosai hogonu ma holomainu ebo tiwai ebo dao. Dage te gų pagede pila mubo bage, dage hodaloama, dage wiegi yai homu elama, po hae waiąo.

1 Korin 15:4

Tama augwaligo aga te masigi dedage gų pageba mugi pai. Tama sela sogo wabode Godigo aga ma hodolama, tama aga me bidibao, te Godigo po bukude polobadu asęani po tama usu numainogo yai dao.

Dwagi Yai Gesi Po Lukgo Asęani 24:26

“Magi basowe tama tiyu dage sigo koneai meniwe, Godigo sa muani bidi Krais aga dene bolo selama, isilama, tama nosali aga genuai nogi mu saibao,” Jisasgo te po wai.

Matyu 22:29

Tiali goli Jisasgo augwalibolo po wei ponoyu, te po wai, “Dagego te Godigo bukude wali po konebeo. Tama dagego te Godigo bomo me konebeo. Tama tibaso, dagego geda muyu, te po obao.

Hosea 13:14

Tiali goli, nosali eno te Israel bage te isali bidi dabego pesagede ma saibao. Isibo, ena te dwai nai tiwai pedelama, tama nage ela mu silaibao. Te isai bidigo pesage, ena te moni dwai gasi tiwai pedelama, tama nage dwai mu dolaibao. Eno te Israel dabeba te olo tau sabo wiegi yai homu kolesagago tau me sogobeo,” wali.

Dwagi Yai Gesi Po Jongo Asęani 2:22

Tilama, tama nosali Godigo Jisas gų pagede ma hodolai, te sogo Jisas aga wali pabo bidi dabe augwaligo Jisasgo polobadu te wali po augwaligo ma koneai. Tama augwaligo Godigo bukude muani po dali, Jisasgo wali po dali, te po siba augwa homu muai.

Dwagi Yai Gesi Po Lukgo Asęani 9:45

Te po page augwaligo koneidali weyu, Godigo dualali. Tama te po page Jisasbolo ma hanalu wabo augwali wi yali.

Godigo Nogi Ugwaba Sabo Tęąbi Po Wabo Buku Dabe 22:15

Eno dogoni te wa mu pali, tama eno hamena te pedauwalide agana sai. Naga digi ena tagalama, ama ena mu isainu ebao.

Godigo Sęba Tagala Palai Bidigo Po 2:24

Tiali goli, Godigo te bidi ma hodolobaso, tama aga ma hodaloai dao. Bidi isibo sęgo Jisas kalabus usu isąbaso, aga dene hauwa dali isama, Godigo agade te dene silali.

Godigo Sęba Tagala Palai Bidigo Po 17:3

Te sogo agai augwalibolo te po hania wali, te Godigo sa muani bidi, te we bidi tau somainu sa muai bidi Kraisde po agai ola mani. “Suao,” wali. “Godigo po elalubo bukude e po elalubo, te bidi Godigo dabolo tagala palaibao,” wali. “Agai moni dene tolama, isaibao. Tama nosali aga gų pagede ma hodalueibao. Tama megi eno dagebolo Jisas aga digi te Godigo sa muani bidi Krais dao obao,” Pol agai te po wai.