Dwagi Yai Gesi Po Jongo Asęani 20:21 - Godigo dwagi yai po buku

²¹ Tama Jisasgo augwalibolo te po ma wai, “Dage dwagi yai homu elama, bidao,” te po wai. “Tama Ayago ena tagala palobaso, ena asai dao. Tama tialigia, eno me dage tagala palobao,” Jisasgo te po aga wali bilali bidi dabe dali wai.

Dwagi Yai Gesi Po Jongo Asęani 20:21 Referans Kwoze

Dwagi Yai Gesi Po Jongo Asęani 13:20

Eno dagebolo mu po obao, eno sę bidi tagala palobao. Tama gasa bidigo te eno tagala palai bidide dwagi yai kolesaga ebaso da, te agai enade me te dwagi yai kolesaga ebo tiwai dao. Te kolesaga me ela pabo. Te bidigo te dwagi yai sę te ena tagala palali bidibolo me te sę ebo tiwai dao, te Godibolo,” Jisasgo te po wai.

Dwagi Yai Gesi Po Jongo Asęani 3:17

Godigo aga Ogwa e tǫba tagala palali te e tǫde we bidi po tų dodolomainogo me tagala palobeo. Te menio. God aga Ogwa tagala palali da, te da tǫde we bidi ma dobola sagasomainogo yai.

Godigo Sęba Tagala Palai Bidigo Po 1:8

Me ma, e dagego koneagameo, te Godigo Mobo Bidi dageba asobo si, teda Godigo dage bomo ilaibao. Tama duga enade po te we bidi dabebolo pusa maiyąo, te Jerusalem be nanide me, te Judia tǫ pedai tigidalide me, te Samaria tǫ pedai tigidalide me, te moni digibulu tǫ pedai dabede me te po pusa mao,” te po wali.

Polgo Si Wali Pas Timotiba Asęani - 2TI 2:2

Tama tiyu, te nago eno pedauwalide odali po, te po te bidi hauwa gedude pusali po tigidali nago odali. Tama te po naga nago te Godigo poba homu kęą pai bidi dabe, augwaligo nogoba te po bugagia muao, te augwaligo me usu elama tama te po gasa Godigo poba homu kęą pai bidi dabebolo nosali ola momainu yao.

Matyu 10:40

“Bidigo dagego eno sę ebo sulama, tama wiegi yai kolesaga dagebolo ebaso da, teda agai te tiwai kolesaga dagebolo naga ebo meni, te ena dali me ebao. Tama bidigo wiegi yai kolesaga ena dali ebo bidi, agai te God dali me te wiegi yai kolesaga ebao, te agai ena tagala palobaso ena asai dao.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Dwagi Yai Gesi Po Jongo Asęani 14:27

“Eno dage taga pabo sogo pąde dao. Tama dage wi idali weyu, tama eno dage homu nagame elama, dua bidimainogo eno dagebolo bomo mobao. Eno te dwagi yai homu nagame ebo kolesaga eno dagebolo mobao. Tǫde we bidigo nagame yai mabo homu kolesaga tiwai eno dagebolo mabeo. Dagego homu kolesaga polo midigi siyu, tama dage wi egio.

Hibru 3:1

Te Godigo po odolama wali pabo ama dede dabe, te dagalude bidibo Godigo dage me te Jisasgo sę ebogo i wai dao. Tama tibaso, dagego homugo Jisas bugagia kone paliąo. Agai te dago agade konealubo homu dąų weyu tama agade po te we bidi gesabide pusubo tau siyu, tama dago pris tobolu bidi bidimainogo eyu, Godigo aga e tǫba tagala palali.

Dwagi Yai Gesi Po Jongo Asęani 20:19

Te Jisas wali pabo bidi dabe augwali Juda bidi dabe wi eyu, tama augwali bidibo te be tų dąų olama, augwali te be tomode bidai. Te sogo moni Sarere dao wabo sogo giliga iba dega sigi pai. Tama Jisas augwali bidibo digi tomoba dolaluagasai, tama augwalibolo te po wai, “Dagego homu dwagi yai elama, tama dage bugagia bidao,” Jisasgo augwali dali te po wai.

Dwagi Yai Gesi Po Lukgo Asęani 24:36

Augwaligo te po odubadi, tama Jisas aga te augwali tomoba polo dolagasai. Agai augwalibolo, “Homu tegaluama, bugagia bidiąo,” wai.

Dwagi Yai Gesi Po Jongo Asęani 20:22

Jisas agai te po olama, tama aga mobo augwalibolo ponai, tama augwalibolo te po wai, “Dagego Godigo Dwagi Yai Mobo Bidi te sao,” Jisasgo te po wai.

Dwagi Yai Gesi Po Jongo Asęani 20:26

Te nosali a naga olama me badu nogo sela sogo bidai, tama Jisas aga wali pali bidi augwali te be tomode ma bidai, tama Tomas me augwali dali bidai. Augwaligo tigidali tų mu dąų ola silai digi, tama Jisas augwali tomoba dolagasai. Tama agai te po wai, “Dagego homu dua bugagia bidao.”

Godigo Sęba Tagala Palai Bidigo Po 1:2

Jisasgo te tiwai yai, te aga sę gagalobo sogo pelama, Godigo aga dagaluba odasa pali sogoba dąį egi pai. Tama Godigo aga dagaluba odasa pesiąwai madi, Jisas agai sa muani tagala palai bidi dabebolo po pusa mawai. Tama agai Godigo Dwagi Yai Mobogo bomogo te po augwalibolo pusa mawai.

Jongo Sela Sogo Wabo Asęani Pas - 3JN 1:14

Eno nage tamadi suagasobo homu ebao. Tama eyu, tama nago gesabide eno te po pusaibao.