Dwagi Yai Gesi Po Jongo Asęani 20:18 - Godigo dwagi yai po buku

¹⁸ Tama tibaso, te Makdala bulu we nogi Maria aga pai, tama agai te Jisas wali pabo bidi augwali dali po weyu, te po wai, “Eno Genuai Bidi Jisas sualio,” te po wai. Tama agai te Jisasgo agabolo mani te po augwali dali wai.

Dwagi Yai Gesi Po Jongo Asęani 20:18 Referans Kwoze

Dwagi Yai Gesi Po Lukgo Asęani 24:10

Tama te po wagi pali we dabe augwaligo nogi e dao. We me nogi Maria, te Makdala bulu we dao. Te we me aga nogi Joana. Te we me aga nogi Maria, aga ogwa nogi Jems. Te we dabe augwali bidai, augwali te we dabe dali gasa we dabe me bidai, te we dabe augwaligo te po Jisas aga wali pabo bidi dabe dali wai.

Matyu 28:10

Jisasgo po weyu te we sibolo te po wai, “Dage si wi elamuo. Dage sigo eno ama dede augwalibolo wagi pelama, tama augwali te Galili buluba pao wao. Tama augwaligo ena tede sumainogo yaibao,” Jisasgo te we sibolo te po wai.

Dwagi Yai Gesi Po Jongo Asęani 20:1

Te Jisas gų pagede munama, si sogo bidilama, tama moni Sarere dao wabo side, tama te Makdala bulu we nogi Maria, te we aga gų pageba kigamu asai. Tama te bulu hulialubadi ganao. Tama agai suali, te ola be tų haluali moni masigi te halualubo agai subeo.

Matyu 27:56

Te we me deli augwali dali tomode bidali we te Maria aga bulu Makdaladu asai. Tama we me te aga Maria, te bidi si Jemsde Josep sigo ida. Tama we me deli te bidi Sebedigo we, te aga ogwa sigo ida dao.

Dwagi Yai Gesi Po Jongo Asęani 19:25

Te Jisasgo ni pedai pąde Jisas aga ida tede dolaluai. Te Jisas aga ida aga ama dede me tede dolaluai. Te gasa we me, aga nogi Maria, aga bidi nogi Klopas, te we me Jisas aga ida dali dolaluai. Tama gasa we te Makdala bulu we nogi Maria, aga tede dolaluali. Te we dabe me si me si augwali Jisas elali ni pedai pąde dolaluyu bidali.