Biblia Todo Logo
Bib sou entènèt

- Piblisite -




Dwagi Yai Gesi Po Jongo Asęani 20:16 - Godigo dwagi yai po buku

16 Jisasgo agabolo te po wai, “Mariao.” Tama Maria aga ma begelama, Jisas dali agai Hibru pogo weyu, “Rabonai,” te po wai. Te po page e tama wai, “Po ola mabo bidio,” te po wai.

Gade chapit la Kopi




Dwagi Yai Gesi Po Jongo Asęani 20:16
26 Referans Kwoze  

“Te sipsip tonalubo bidi asobaso, te sipsip tomogai tų tonalubo bidi agai te tų dalama, tama te sipsip tonalubo bidi tomoba pelama, tama agai aga kibu sipsip nogi deli deli i wabo dao. Sipsip dabe i olama, tama aga polasa pobaso, tama te sipsip dabe augwali aga wali buluba soabo dao, te tubo noswai gegemainogo tebo dao.


Jisas begelama suali, te bidi sigo aga wali asai. Tama Jisas agai te bidi sibolo te po wai, “Dage sigo magi nai gegebawe?” Tama te bidi sigo te po wai, “Rabai, nage mena bede bidibawe?” Te po Rabai, te page, po ola mabo bidi te page elalubo dao.


Tama me sogo pioba poloba nai po sela wabode, agai na gagawai yali. Tama agai Godigo dagalude sę ebo ensel bidi me deli aga pageba sabalobo hania sualio. Te Godigo ensel bidigo agabolo te po wai, “Kornilius.”


Tama Sol aga tǫba tulaluali. Tama agai bidi me deligo pedauwalidu po weyu, te tama po wabo odali, “Sol, Sol, nago ena magi baso dolobo sę ebawe?” te po wai.


Te we bidi augwaligo Jisas sigi ąį sesege badu gegai. Sulama, tama augwaligo Jisasbolo te po hanalu wai, “Po ola mabo bidi, nage eba nisu asai dawe?” te po wai.


Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.


Tiali goli, Yawego Mobo Bidi Ensel te dagalude bidiyu, tama i wali, “Abraham! Abraham!” Tama Abrahamgo te po wai, “Ena e bidibao,” wai.


Tomasgo aga dali po wei ponoyu te po wai, “Nage eno Genuai Bidi dao, tama nage eno God nage dao,” Tomasgo te po Jisas dali wai.


Dagego enabolo po ola mabo bidi da weyu, tama Genuai Bidi dao wabo dao. Ao, dagego te po mu po dao. Ena te bidi tama dao.


Te we Martago te po olama, aga ama Maria i wagi pai. Te po dua digi wai, “Po ola mabo bidi aselama, bidibao, agai nage i wai dao,” te po wai.


Tama Jerusalem bagulali obo pąde kibu sipsip dabego genuai soabo tų elalubo madi, tama te tų dolo si te dwasianu sigi ąį ge elaluai. Hibru pogo augwaligo te ąį nogi Betesda wai. Te ąį sesegede be mabo a naga elaluai.


Te bidi Jisas bidibo digi hulide aselama, te po wai, “Po ola mabo bidi, dago koneai, Godigo nage e tǫba po ola mabo bidi nigilama, tagala palai. Tibaso da, Godigo bidi me deli dali bidisiąyu da, agai te sę Jisas nago ebo bomai sę tiwai me egobeo,” te bidigo Jisas dali te po wai.


Natanielgo Jisasgo po wei begelai, “Po ola mabo bidio, nage Godigo Ogwa dao, nage Israel we bidigo tuni bidi dao.”


Genuai Bidigo wei ponoyu, te po wali, “Marta, Marta, nage da te tigidali nai sulama, homu te tųą pobao.


Tialima polo Jisasgo te po augwalibolo wali, “Dagego homu kęna sao. Te ena dao. Dage wi egimio.”


Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.


Eno augwali tagalama, ena pobadi, te polo mu tama eno ena abagi suali. Ena aga pageba pelama, eno aga pagea selama, te agai ena taga pidali homu eyu, eno hagela yali. Eno aga ena idago beba odasa pelama, tama da si te eno idago be habu tomoba palio, te eno te na te tiwai ebo dao.


Tama nosali Genuai Bidi ma dolagaselama, tama agaba i weyu, te polobadu wali po tiwai gilama wali, “Samuel! Samuel!” Tama Samuelgo te po wali, “Nago po megi da wao, ena nago sę bidi tama eno nago po waboba olo muai elalubao,” wali.


tama nosali Genuai Bidigo aga i ma wali, tama Samuel te Eli pila muboba hodasa pelama, tama te po wai, “Nago ena i obaso, tama ena asalio.” Tiali goli, Eligo te po wali, “Ogwa, eno nage i me wabeo. Nage te naga betba pelama, ma pigi pao.”


Tialima, Genuai Bidigo Mosesbolo te po wai, “Eno te nago wali po selama, te sę yaibao. Magi baso meni, eno nage godolo eyu, tama eno nage bugagia koneai dao.”


Genuai Bidi te sia dabo ni tomode bidibadi, te Moses pąba asobo suali, tama Godigo i olama, te po wali, “Moses. Moses.” Te po wali. Tama Mosesgo te po wai, “Magi yaliwe?”


“Megi dage tigidaligo me, te eno ama Benjamingo me, dagego ena sulama, konea pali. Te ena Josep tama dao, eno te po megi dage dali obao.


Nosali Godigo Abraham usu sali. Agai Abraham agabolo i olama, te tiwai po wai, “Abraham o!” Tama Abrahamgo te po wai, “Ena e bidibao.”


Tama Jisasgo agabolo te po wali, “Nago homugo te eno magi sę nagebolo emainuwe?” Tama te gedu widai bidigo agabolo te po wai, “Tisa bidi, te ena gedu ma pedelimainu elama, bulu ula ma suainogo yai.”


Swiv nou:

Piblisite


Piblisite