Dwagi Yai Gesi Po Jongo Asęani 20:14 - Godigo dwagi yai po buku

¹⁴ Maria agai te po weyu, tama agai begelama suai, tama agai Jisas dolalubo suai. Tialima Mariago koneyu, te Jisas tama dao, te homu agai ebeo.

Dwagi Yai Gesi Po Jongo Asęani 20:14 Referans Kwoze

Dwagi Yai Gesi Po Jongo Asęani 21:4

Tama te giliga pedalainogo ebode, tama Jisas te sigi ąį sanide aga dolalubo augwaligo suai. Tiali goli augwaligo aga koneyu, tama aga Jisas dao, te homu augwaligo ebeo.

Dwagi Yai Gesi Po Lukgo Asęani 24:16

Te bidi si augwaligo gedugo Jisas suali, tiali goli augwaligo konebe, e Jisas te yaba, te homu ebe, te bidi sigo.

Dwagi Yai Gesi Po Makgo Asęani 16:9

[Jisas te kigamu mu te sę polasa gagalobo sogo tede hodaluali. Tama aga hasia te Makdala bulu we Mariaba pedelai. Te we polobadu Jisasgo te dwai haubo noma bidi te nogo a naga olama me badu si elalubadi sela sąwani te we dao.

Matyu 28:9

Tama polo Jisasgo augwali si te tųde pobadi tiąba asai, tama te po wai, “Kigamu mu dao.” Tama te we si pąba pelama, tama aga sągą page tola selama, te we sigo agabolo lotu po walio.

Dwagi Yai Gesi Po Jongo Asęani 8:59

Te Juda bage augwaligo Jisasgo te po wabo odobaso, tama augwaligo masigi selama, Jisas aga elainogo yai. Tialima, aga geme duala siyu, ela pelama, tama te Moni Lotu Be tempel taga peyu, aga buluba teda pai.

Dwagi Yai Gesi Po Lukgo Asęani 24:31

Jisas agai tama tiwai tama augwali sigo gedu pedelebo tiwai ilali, tama te bidi sigo Jisas koneai. Tama Jisas polo hagawai, tama te bidi sigo Jisas ma subeo.

Dwagi Yai Gesi Po Makgo Asęani 16:12

Tama nosali te wali pali bidi sigo te moni hanu Jerusalem tagalama, tama te sunumidu pai. Tama Jisas te gasagi yai hasegelama, tama augwali siba pedaligi pai.

Dwagi Yai Gesi Po Lukgo Asęani 4:30

Tiali goli, Jisas aga te bidi hauwa tomo agebeledu dią sesa palima, aga polo palio.

Tigidali Nai Gagalama Nigali Side 42:8

Josepgo aga ama dede augwali sulama, konea pali, tiali goli augwaligo aga te sulama, konebe.