Dwagi Yai Gesi Po Jongo Asęani 20:1 - Godigo dwagi yai po buku

¹ Te Jisas gų pagede munama, si sogo bidilama, tama moni Sarere dao wabo side, tama te Makdala bulu we nogi Maria, te we aga gų pageba kigamu asai. Tama te bulu hulialubadi ganao. Tama agai suali, te ola be tų haluali moni masigi te halualubo agai subeo.

Dwagi Yai Gesi Po Jongo Asęani 20:1 Referans Kwoze

Dwagi Yai Gesi Po Makgo Asęani 16:9

[Jisas te kigamu mu te sę polasa gagalobo sogo tede hodaluali. Tama aga hasia te Makdala bulu we Mariaba pedelai. Te we polobadu Jisasgo te dwai haubo noma bidi te nogo a naga olama me badu si elalubadi sela sąwani te we dao.

Matyu 27:60

Tama agai te Jisas tigi te aga digi nigai gų pageba mugi palio. Agai te genuai masigi tomode te ola be me deli tamadi nigai. Tama agai te tigi te ola be tomoba munama, tama agai te genuai masigi me deli hogogo bele pelama, te tigi muani gų page ola be sunumi te masigi mego paniani. Agai tama tilama, tama aga palio.

Dwagi Yai Gesi Po Makgo Asęani 15:46

Tama Josepgo te tedela moni nami ugwa abelama, tama agai Jisas tigi te ni pedaide daganaluali te aiyaba sela dulai. Tama agai aga te tedela ugwago bebe pelama, tama aga te gų page me deli tomoba muai. Augwaligo te gų page te genuai ola be masigi tomode nigai. Tama Josepgo te moni masigi me deli hogogo bele pelama, tama te ola be gų page dedage elalubo te paniai.

Dwagi Yai Gesi Po Jongo Asęani 20:26

Te nosali a naga olama me badu nogo sela sogo bidai, tama Jisas aga wali pali bidi augwali te be tomode ma bidai, tama Tomas me augwali dali bidai. Augwaligo tigidali tų mu dąų ola silai digi, tama Jisas augwali tomoba dolagasai. Tama agai te po wai, “Dagego homu dua bugagia bidao.”

Dwagi Yai Gesi Po Jongo Asęani 19:25

Te Jisasgo ni pedai pąde Jisas aga ida tede dolaluai. Te Jisas aga ida aga ama dede me tede dolaluai. Te gasa we me, aga nogi Maria, aga bidi nogi Klopas, te we me Jisas aga ida dali dolaluai. Tama gasa we te Makdala bulu we nogi Maria, aga tede dolaluali. Te we dabe me si me si augwali Jisas elali ni pedai pąde dolaluyu bidali.

Kraisgo Geme Dualali Sę Pedelabo Po Jonbolo Ola Mani 1:10

Tama ena e bulude bidibadi, ena te moni Sarere ulade digi na tiwai ebadi Godigo Mobo Bidi agai enaba dagana sagaselama, tama ena tudi badu bidi me deligo po dage bomonama weyu i wabo odali, te genuai bu wabo nai yadogoli te biugel bu wabo odai.

Matyu 27:64

Tama tibaso, nago po olama, tama augwaligo te gų page sela sogo bugagia tonalumainao. Tiyu yaide aga wali pali bidi dabego aga tigi geme wi sagaselama, gasaba mugi pidali weyu te bugagia tonaluao po wao. U bagego aga tigi selama, tama augwaligo tibo po te we bidi augwalibolo weyu, ‘Aga te gų pagede ma hodalualio’ waibao. Tama tiyu da, te nosali wabo tibo pogo te polobadu wali tibo po aiyaba elaluaibao,” augwaligo te po wai.

1 Korin 16:2

Te tigidali Sande dage tigidali deli deligo te hasia Sarere sę elama sali mone tede homugo koneama, tama te bugulama tama me badu te duga bede bugagia munalumainao, te tiwai saboao. Tama nosali ena sabolobode, teda dagego augwali maiabo mone gegebo sę me egobeo.

Godigo Sęba Tagala Palai Bidigo Po 20:7

Te dwasianu Sarere pio te da deliba sisinama, te Jisasgo po wali pabo we bidi dabe me sisinama, nai bolo tuali. Tama Pol agai te we bidibolo Jisasgo po pusa mani. Agai te bobobage po pususu pedubadi, huli tomo mu yali. Magi basowe? Agai homugo do augwali taga paibao.

Matyu 27:56

Te we me deli augwali dali tomode bidali we te Maria aga bulu Makdaladu asai. Tama we me te aga Maria, te bidi si Jemsde Josep sigo ida. Tama we me deli te bidi Sebedigo we, te aga ogwa sigo ida dao.

Matyu 27:66

Tama te po obaso, augwali pelama, te gų page panialugi pai. Augwaligo te gų page sunumi paniani masigi daide te habu selebo dąį me deli ilama, tama augwaligo ami bidi dabe mebago te gų page tonalumainogo muanio.

Matyu 28:1

Te Sabat side silai madi, te Sarere hasia polali sogo te giliga pąde pedelainogo ebadi, tama te Makdala bulu we nogi Maria badi, te gasa we Maria dali, augwali si te gų page suagasainogo asai.

Matyu 28:2

Tama polo mu genuai tǫ mali pedalai. Magi baso meni. Te Genuai Bidigo mobo bidi ensel te dagalu tagalama, tama e tǫba aiya dulali, tama agai te ola be gų page sunumi paniani masigi hogogo bele pelama, tama aga te masigi daide ugwadu dulalualio.

Dwagi Yai Gesi Po Jongo Asęani 11:38

Homu hę ma weyu, Jisas te gų pageba pai. Te gų page augwaligo moni masigi tomode nigai dao. Tama moni sawali masigi me deli selama, tama sunumi paliali.

Dwagi Yai Gesi Po Jongo Asęani 11:41

Te agai te masigi sela sąyao te po obaso, augwaligo te masigi sela sąwai. Tama Jisasgo dagaluba tonaluyu, te po wai, “Aya, eno nagebolo nage usu dao obao. Nago eno hanalu wali po nago odai dao.