Dwagi Yai Gesi Po Jongo Asęani 2:19 - Godigo dwagi yai po buku

¹⁹ Tama Jisasgo po wei ponoyu, te po wai, “Dagego e lotu be tempel hųgibaso, tama sela sogo eno polo te be ma sę yaibao,” Jisasgo te po te Juda dabe dali wai.

Dwagi Yai Gesi Po Jongo Asęani 2:19 Referans Kwoze

Dwagi Yai Gesi Po Makgo Asęani 14:58

“Dago odali, agai te tiwai po wai, ‘Te eno digi eno te bidi dabego nogogo sę yani te Moni Lotu Be tempel te aluaibao. Tama nosali te be eno te sela sogode gasa dodolama sę yaibao, tiali goli te be te nogogo me sę egobeo,’ agai te po wabo dago odalio,” augwaligo te po wai.

Dwagi Yai Gesi Po Makgo Asęani 15:29

Tama te augwali eda soyu, ugwa peyu ebo we bidi augwaligo dwai posobo po agabolo weyu yai. Augwaligo tobolu pemeyu, tama po wai, “Ia, nago te Moni Lotu Be tempel aluama tama te sela sogo naga ma sę yaiba wali bidi dao. Behede!

Matyu 27:40

tama te po wai, “Nago te Moni Lotu Be tempel aluama, tama sela sogo naga ma sę yaiba po wali bidi, megi da, te naga digi naga tau sao. Tama nage te Godigo Ogwa da wida, teda nage te ni pedaide daganalubo tagalama, tama nage te tǫba aiya dulao,” augwaligo te tiwai posobo po wai.

Matyu 12:40

Tama polobadu te tiwai yai te bidi Jona sela sogo giligade me sela sogo hulide te genuai sųgų haliga tomode bidai, tama te tiwai yali gilama naga te Godigo Bidi Mu aga me te sela sogo giligade me sela sogo hulide e tǫ tomode bidaibao, te isai we bidi bidibo madide.

Polgo Po Pas Rom Dabeba Asęani 8:11

Godigo Jisas te gų pagede ma hodolai. Tama te sę yali Godigo Mobo Bidi dage tomode bidaligo da, teda te Krais te gų pagede ma hodolali bidi agai te dagego osogo bidibo isabo tigiba te bidibo ula me mayu tama dage me gų pagede ma hodolaibao. Te agai tama tiwai sę emainogo te aga Mobo Bidi dage tomode bidibo dao.

Godigo Sęba Tagala Palai Bidigo Po 3:15

Te bidi Barabas da, te bidi ela mubo bidi da. Dagego Jisas agai da bida bida pomai hagede tau sabo bidi, te dagego ela muai dao. Tiali goli, Godigo aga gų pagede ma hodolali. Dadi sigo suali, aga ma bidibo. Tama dadi sigo koneama, te po dagebolo obe dao.

Godigo Sęba Tagala Palai Bidigo Po 2:32

Tama te bidi Jisas, Godigo aga ma hodolali. Te sę da Godigo po wali pabo bidi dabego gedugo mu suali.

Godigo Sęba Tagala Palai Bidigo Po 2:24

Tiali goli, Godigo te bidi ma hodolobaso, tama aga ma hodaloai dao. Bidi isibo sęgo Jisas kalabus usu isąbaso, aga dene hauwa dali isama, Godigo agade te dene silali.

1 Pita 3:18

Magi baso meni. Te Krais aga digi agai dago yali dwai sę sęgę sela sąmainogo aga deli sogo naga isali. Tama aga te doloba pai bidi mu bidai goli, tama agai da doloba pisiąwai bage te God pageba sesimainogo agai da tobade dene sali. Bidi dabe augwaligo aga tigi isilali. Me ma Godigo Mobo Bidigo Krais bidimainogo ma hodolali.

Polgo Po Pas Rom Dabeba Asęani 6:4

Te baptais saligo da te Krais isalide da tede dali kęą selama, tama Godigo da te Krais dali gų pagede pubulai tiwai yali dao. Tama Ayago genuai bomogo agai te Krais gų pagede ma hodolali. Tama te tiwai me da me te gesi noma bidibo ula selama bidimainogo eyu, da te baptais salio.

Dwagi Yai Gesi Po Jongo Asęani 11:25

Jisasgo te po wai, “Isai bidi hodalobo bomo dali, bidabo bomo dali, te ena digi eno tonalubo dao. Bidigo enabolo homu dąų olama, muani bidi isali, te aga bidabo bomo selama, ma bidaibao.

Dwagi Yai Gesi Po Makgo Asęani 8:31

Te Jisas agai te aga wali pabo bidi dabe augwalibolo te tiwai po ola mabo gagalali, “Te Godigo Bidi Mu te aga dene hauwa tolomainu yaibao, tama te Juda dabego tobolu bidi dabe, me te genuai pris bidi dabe, me te Juda dabego bomai po page koneai bidi dabe augwaligo te aga tudiba munama, tama aga ela muaibao. Te nosali sela sogo bidama te aga ma hodaluaibao,” te po wai.

Kolosi 2:12

Magi baso meni. Te dagego duga homu begelama tama ąįba dulali sogo, te sogo dage Krais dali hodobo pubulali tiwai yai. Tama te sogo me te dage te ąįdu ma hodaluali sogo, te dage Krais dali hodobo gų pagede ma hodaluali tiwai yai. Aga te isali we bidi tomode osogo bidama tama Godigo aga tedu ma hodolali, agai sę yabo bomogo. Tama dagego te bomode duga homu bugagia dąų obaso, God agai dage me Krais dali hodobo hodolali tiwai yai.

1 Korin 15:12

Sesemane sogo da Godigo gesi wiegi yai po pusubo bidi dabe dago te Krais isąma tama Godigo aga ma hodolali po pusubo dao. Tama tialigo da, magi ilama tama dage tomode meba augwaligo e tiwai tibo po weyu ebo dao: “Te isai bidi, aga ma hodalugobe, dago te homu ebo da,” te po wabo.

Polgo Po Pas Rom Dabeba Asęani 4:24

Menio. Agai te po dabolo me walio. Te Godigo dago Genuai Bidi Jisas te gų pagede ma hodolali. Tama te sęde dago konealubo po dąų obaso da, teda Godigo homugo da te doloba pai we bidi dao, te homu agai da dali me yaibao.

Godigo Sęba Tagala Palai Bidigo Po 3:26

Tama te sę emai hagede, Godigo aga sę ebo bidi sa munama, dabolo hasia tagala palali. Agai homugo dage tigidaligo dwai kolesaga tagalama, dage bugagia bidaibao,” Pitago te po wai.

Dwagi Yai Gesi Po Jongo Asęani 5:19

Te Jisasgo po wei ponoyu, te po wai, “Eno dagebolo mu po tama obao, Godigo Ogwago agaduba homugo magi sę me ebo menio. Agai Ayago ebo sę naga sulama, agai ebo dao. Tigidali sę Ayago ebo, te aga Ogwago tama ebo dao.

Matyu 27:63

Augwaligo te po wali, “Genuai bidi, dago po me deli te tibo po wali bidi aga bidali sogo wali po me deli megi ma koneani. Agai te po wai, ‘Nosali te sela sogo wabode te ena ma hodaluaibao’ wai dao.

Matyu 16:21

Tama te sogo, te Pitago nage Krais dao po wali sogo, te sogo Jisasgo gagalama, aga wali pabo bidi dabebolo te po haninama ola mawai, “Te mu tama, ena te moni hanu Jerusalemba paibao. Tama pelama, tama tede nosali te Juda dabe genuai bidi dabego me, te pris tobolu bidi dabego me, te Juda dabego bomo yai po page ola mabo bidi dabego me, te augwaligo ena dene genuai mu mawaibao. Augwaligo ena isilama, tama nosali te sela sogo wabo side ena ma hodalueibao,” Jisasgo te po wai.

Godigo Sęba Tagala Palai Bidigo Po 6:14

Agai te po wabo dago odalio, ‘Te Nasaret bidi Jisasgo te Moni Lotu Be tempel dolaibao. Mosesgo polobadu dabolo mani po, te po Jisasgo ma hasegelaibao’ wali,” augwaligo te po wai.