Dwagi Yai Gesi Po Jongo Asęani 2:18 - Godigo dwagi yai po buku

¹⁸ Te Juda dabe augwaligo te sulama, Jisas dali te po wai, “Mena bidigo nagebolo ‘Te nai sela sąyao,’ obaso, tama nago te nai dabe sela sąyaniwe? God agai nagebolo te po weyu da, teda nago naga moni bomai sę me deli yao. Tama dago nago te sę ebo sulama, Godigo nagebolo ‘Te sę yao’ wali dago koneaibao,” Juda dabe augwaligo Jisasbolo te po wai.

Dwagi Yai Gesi Po Jongo Asęani 2:18 Referans Kwoze

Dwagi Yai Gesi Po Jongo Asęani 6:30

Tama tibaso, augwaligo Jisasbolo te po wai, “Dena homu tigidali nageba mumainogo, tama nago magi bomo yai sę yaibawe? Nago magi sę yaibawe?” te Juda bagego Jisas dali te po hanalu wai.

Godigo Sęba Tagala Palai Bidigo Po 5:28

“Te dago dagebolo Jisasgo po pusamuo olama, habu selai. Dagego homugo te da olo nai dao. Megi dagego tigidali we bidi Jerusalemde te Jisasgo po ola mawai. Dagego homugo dago Jisas elama, isilai,” agai te po wai.

Godigo Sęba Tagala Palai Bidigo Po 4:7

Tama te sisinagaselama, i olama, te Jisasgo tagala palai bidi si tomoba dolagasali. Augwaligo augwali sibolo te po hanalu wali, “Magi elama, dage sigo te sągą dwai bidi ma dwagi yai ilaliwe? Mena bomogo aga dwagi yai ilaliwe? Mena nogigo te aga ma dwagi yai ilaliwe?” te po wai.

Dwagi Yai Gesi Po Lukgo Asęani 11:29

Te we bidi umabo Jisas odoga sagasobaso, agai te po wali, “Dage megi e sogo bidalubo hani we bidi dabe da, te dwai mu da. Dagego enabolo te ‘Godigo bomode te bomai sę ebao te koneainogo te sę ola mao,’ po wabo yabao. Tiali goli, dagego te bomai sę yabo dąį tiwai ilibo dagego me sugobeo. Menio. Te Godigo te profet bidi Jonabolo polobadu yaligia enabolo me te sę ebo dagego sueibao.

Dwagi Yai Gesi Po Makgo Asęani 8:11

Te Farisi dabe meba augwali aselama, tama augwaligo te Jisas dali te wado po tiwai weyu konila po wai. Augwaligo te Jisasbolo bomai sę me deli yao po wali. Augwaligo aga te usu sabo sę senayu naga yai.

Matyu 21:23

Te Jisas te Juda dabego Moni Lotu Be tempel tomoba pelama, te wiegi yai po te we bidibolo ola maduai. Tama te genuai pris bidi dabe dali, te Juda bagego tobolu bidi dabe augwali dali agaba aselama, tama te po wai, “Nago magi bomo elaluyu, nago naga ebo sę ebawe? Tama dego te bomo nagebolo mayu te sę yao weyu yaliwe?”

Ma Dobola Sali 7:9

“Tuni bidigo dage sibolo te bomai sę meba agai suainogo, te sę yao po wabo si da, te eno dage si tagala palobao, tama Moses nago Aronbolo agai te bilibo dono selama, te tuni bidigo gedude tǫba sąyao. Tama te dono hasamani gagalama pedelaibao,” wali.

Te Israel me Juda Hani Sigo Tuni Bidigo Po Elalubo Buku Deli 13:3

Tama te profet bidigo te po wai, te agai po ma wadolama weyu, te tama po wali, “Megi tama, eno nagebolo wabo pode, te Genuai Bidigo te sę me deli yabo po pusali. Te Genuai Bidigo wali po te dolo mu wayabo homu emainu, te koneama dagalamainu te ola mabo sę gedugo sumainu yabo po wali. Tama te ofa nai ula mabo alta sai auluama, tama te aga pagede munalubo sisi dabe gelaibao,” te po wai.

Dwagi Yai Gesi Po Jongo Asęani 1:19

Te Juda dabe augwaligo pris bidi dabe dali, Livai bage dali augwaligo bidi dabe te Jerusalemdu te Jon bidibo digiba tagala palali, augwaligo Jon hanalu omainogo yali. Tama augwali Jon pageba sabolama, te po hanalu wai, “Nage dewe?”