Dwagi Yai Gesi Po Jongo Asęani 2:13 - Godigo dwagi yai po buku

¹³ Te Juda bage augwaligo bo disąwai bret tuabo side te pąde tama o, te si nogi Pasova dao. Tama Jisas aga te Jerusalem moni be naniba pai.

Dwagi Yai Gesi Po Jongo Asęani 2:13 Referans Kwoze

Dwagi Yai Gesi Po Lukgo Asęani 2:41

Te Jisas aga aya dali ida si Genuai Bidigo te Juda dabe augwali dąį ilalide Godigo enselgo augwali ela soali te kone palu tubo nai tubo sogode tigidali kibu be tomode augwali si Jerusalemba holoduai dao.

Dwagi Yai Gesi Po Jongo Asęani 11:55

Te Juda bagego bo disąwai nai bret tubo si te pąde dao, te si nogi Pasova. Tama tibaso, we bidi hauwa te haniani bulu bidi hani augwali Jerusalem te buluba hodali, augwa yali dwai sęgę hasia sela sąmainogo yai. Nosali te Pasova nai augwaligo tueibao.

Dwagi Yai Gesi Po Jongo Asęani 2:23

Te bidi Jisas bo disąwai nai bret tubo side, te Pasova side, aga Jerusalem bulude bidibadi, tama we bidi hauwa augwaligo agai bomo yai sę ebo suai. Tama sulama, tama augwaligo augwa homu tigidali Jisasba muai. Augwaligo te homu yai, aga te Godigo sa muyu, asaiba wali bidi dao.

Dwagi Yai Gesi Po Jongo Asęani 6:4

Tama bo disąwai nai bret tuabo sogo te pąde tama dao, te sogo nogi Pasova, te Juda bagego olo bidibo side wai.

Dwagi Yai Gesi Po Jongo Asęani 5:1

Te nosali te Juda bagego olo bidiyu lotu po wabo si te pedalai. Tama tebo side Jisas Jerusalem hanuba holai.

Bomai Po 16:16

“Tama tialima, sela sogo deli kibu be tomode te duga hani bidi dabe dage naga te Genuai Bidiba lotu po wabo sa muani pesage deliba pelama, lotu weyu yao. Te sela sogo te e tama dao. Te Yis Meni Yai Bret Genuai Sogo, me te Gide Nai Siyu Wiegi Yai Homu Pemene Ebo Sogo, tama me te Osogo Bidabo Yano Bede Bidibo Genuai Sogo. Tama dage bidi deli deli nogo olo Genuai Bidigo geduba olo me aselamuo.

Nehemia 13:8

Tama eno wado po dwai mu olama, tama eno te Tobiago tigidali nai doado bage buluba sela sąwai.

Matyu 21:12

Te Jisas aga te Jerusalem hanu tomoba pelama, tama aga te Moni Lotu Be tempel tomoba peyu suali, te nai muani bage dali me, te nai abelebo bage dali me sulama, tama agai augwali tigidali buluba sela sąwai. Tama agai te Godibolo ofa mabo gasagi yai masigi ge dobu si ebo bagego tebol sai dali mone ge dali gelali. Bidi meba augwaligo ba hi dabe te be tomode muagasai, te olo we bidi augwaligo te ba hi abelama, te Godibolo ofa olo mawainogo te ba dabe muani. Tama agai te bagego duabo sai dabe gea palali.

Dwagi Yai Gesi Po Makgo Asęani 11:15

Augwali ma pelama, te Jerusalemba ma sabolali. Tama Jisas te Moni Lotu Be tempel be tomoba pelama, tama te be tomode bisnis sę ebo bidi dabe sela sąyu, ela gudulubo sę gagalali. Agai te mone ge dobu si ebo bidi dabego tebol sai gea palobadi, te ba dabe dobu si ebo bidi dabego duabo sai dali gelibadi yai.

Dwagi Yai Gesi Po Lukgo Asęani 19:45

Te Jerusalem be nani tomoba pelama, Jisas te Moni Lotu Be tempel teba pali. Teba sabolama, te lotu be tomoba peyu, te maket tiwai nai dabe te tempel be tomode muduali bidi dabe agai buluba ela gudulu sela sąbo gagalali.

Dwagi Yai Gesi Po Jongo Asęani 13:1

Te olo bidibo si nogi Pasova pedalisiąbadi, deli sogo naga elalubadi, tama Jisasgo koneai, aga e tǫ tagalama, Aya pageba pabo sogo te pąba yagasai. Tama Jisas agai aga te tǫde bidibo we bidi tigidali sogo godolo mu eyu bidai. Megi agai te godolo mu ebo sę tagalobeo. Agai augwali godolo mu ela pidubadi te aga isibo sogoba usu nai dao.