Dwagi Yai Gesi Po Jongo Asęani 2:11 - Godigo dwagi yai po buku

¹¹ Te bomai sę Jisasgo yali bomai sę hasia mu yai. Te Jisas agai te Galili tǫ pedai badu tomode, te dwasianu be nani nogi Kana, tede te sę yai. Tama Jisas aga bomo augwalibolo ola mawai, tama Jisas aga wali pabo bidi augwa Jisasba homu tigidali muai.

Dwagi Yai Gesi Po Jongo Asęani 2:11 Referans Kwoze

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Dwagi Yai Gesi Po Jongo Asęani 3:2

Te bidi Jisas bidibo digi hulide aselama, te po wai, “Po ola mabo bidi, dago koneai, Godigo nage e tǫba po ola mabo bidi nigilama, tagala palai. Tibaso da, Godigo bidi me deli dali bidisiąyu da, agai te sę Jisas nago ebo bomai sę tiwai me egobeo,” te bidigo Jisas dali te po wai.

Dwagi Yai Gesi Po Jongo Asęani 6:2

Tama genuai we bidi hani hauwa augwaligo Jisasgo te gasi yai bidi hauwa agai dodolobo augwaligo suai. Tama tebo sulama, augwali Jisas wali pai.

Dwagi Yai Gesi Po Jongo Asęani 6:30

Tama tibaso, augwaligo Jisasbolo te po wai, “Dena homu tigidali nageba mumainogo, tama nago magi bomo yai sę yaibawe? Nago magi sę yaibawe?” te Juda bagego Jisas dali te po hanalu wai.

Dwagi Yai Gesi Po Jongo Asęani 6:26

Jisasgo po wei ponoyu, te po wai, “Mu tama eno dagebolo obao, dagego eno yali bomo yai sę page homugo koneama, ena gegeyu ebeo. Menio. Dage eno te mani bret tulama, tama dage haliga pągąwai dao. Te tiali pagede dagego ena gegebo sę ebao,” wai. Jisasgo te po Juda bage dali wai.

Dwagi Yai Gesi Po Jongo Asęani 6:14

Te we bidi augwaligo Jisasgo te bomo yai sę ebo sulama, tama augwaligo te po wai, “Mu tamao, te aga e tǫba asaiba wali bidi te aga dao, te Godigo po ola mabo bidi dao,” te we bidi augwa hasi te po wai.

Aisaia 40:5

Tama genuai ula me te Genuai Bidigo bomo te pebeli diliba hanilama pedelaibao, tama tǫde we bidi tigidaligo sueibao. Te po te Genuai Bidigo pedauwalidu digi asai dao,” wali.

2 Korin 4:17

Te e tiwai: te da Godigo po pusubo bidi dabe, te dabolo pedalubo sęgę te dwasianu dao, tama te pęwadage sogo naga osogo elaluaibao. Tama da e tǫde bidibadi te sęgę tolobaso, nosali dagalude dago te sesemane sogo bugagia bidada peyu, bidada pabo wiegi yai nai mu saibao. Tama te dagalude bugagia bidabo te wiegi yai sęgo te dago megi elalubo dwasianu sęgę aiyaba mu elaluaibao, te wiegi yai mu naga yaibao.

Dwagi Yai Gesi Po Jongo Asęani 14:13

Tama dagego magi nai po hanalu obaso da, Godigo aga Ogwade moni nogi somainogo, te eno dage tau saibao.

Dwagi Yai Gesi Po Jongo Asęani 12:41

Aisaiago Jisasgo nosali sabo moni bomo suyu, agai moni nogi po odoyu yai dao. Tama tibaso Aisaiago agade te po asęani.

Dwagi Yai Gesi Po Jongo Asęani 12:37

Agai yali bomai sę hauwa augwaligo suali goli, augwaligo agabolo homu dąų olama mubeo.

Dwagi Yai Gesi Po Jongo Asęani 2:23

Te bidi Jisas bo disąwai nai bret tubo side, te Pasova side, aga Jerusalem bulude bidibadi, tama we bidi hauwa augwaligo agai bomo yai sę ebo suai. Tama sulama, tama augwaligo augwa homu tigidali Jisasba muai. Augwaligo te homu yai, aga te Godigo sa muyu, asaiba wali bidi dao.

Dwagi Yai Gesi Po Jongo Asęani 1:50

Jisasgo po wei ponanio, “Eno nagebolo te po wai dao, ‘Nage eno ni kaya pagede suai dao.’ Tama nago te po odobaso, naga homu tigidali enaba muaniwe? Ao, tama nosali nago sueibao, genuai sęgo eno megi yali te sę aiyaba elaluaibao.”

Godigo Nogi Ugwaba Sabo Tęąbi Po Wabo Buku Dabe 96:3

Dagego agai genuai nogide po te tigidali tǫ pedai kantride bidibo we bidi hani dabe pusiąo. Te tigidali we bidiba te agai genuai wiegi yai sę dabe yali po pusa mao.

1 Jon 5:13

Te dagego Godigo Ogwago nogide konealubo po dąų weyu agaba tiąlubo we bidi, te dagego te dwagi yai bidada peyu bidada pabo ula elalubo konemainogo eyu, eno e po dagebolo asęna tolobao.

Dwagi Yai Gesi Po Jongo Asęani 4:46

Jisas te Galili tǫ tomoba pelama, tama aga te Kana be naniba sabolai. Te bulude polobadu Jisas agai ąį mugo te pusu ebo ąį wain nigai. Tama te be nani me nogi Kaperneam te digibulu gana. Tama Kaperneam bulude genuai gavman bidi bidai, te bidi aga ogwa gasi yai.

Dwagi Yai Gesi Po Jongo Asęani 5:23

Magi baso meni. Tigidali bidigo Godigo Ogwa nogi ugwaba samainogo, te Godigo nogi ugwaba sabo gilamao. God Ayago aga Ogwa e tǫba tagala palobaso, tama bidi te Godigo ogwago nogi ugwaba sisąbo bidi da, agai Godigo nogi me ugwaba sisąbo bidi da,” Jisasgo te po wai.

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Godigo Nogi Ugwaba Sabo Tęąbi Po Wabo Buku Dabe 72:19

Te agai wiegi yai nogi te sesemane sesemane sogo ugwaba sao. Te agai Genuai nogigo te tigidali tǫ badu usu nai dao. Te mu tama dao.

Bomai Po 5:24

‘God, dago Genuai Bidigo, dabolo agai genuai bomo mu ola mani, te dago aga te isi tomode po wabo odali sogo. Megi da, dago koneani. Me sogo Godigo te bidi me deli dali po wabo usu yaibao, tama te bidi me isibeo.

Ma Dobola Sali 4:9

Tiali goli, augwaligo te bomo yai sę si ebo sulama, tama augwaligo nago po homuba dąų wasiąbaso da, teda nago te genuai wę Nail meba selama, te tǫba gelao. Tama te wę hasegelama, kaneme pedelaibao,” wali.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

2 Korin 3:18

Tama da tigidali, da te nai me deligo da gesabidi me au palialubeo. Tama Genuai Bidigo wiegi yai bomo yai ula daba asiyu, tama da te gesabidi subo ąį dula tiwai pedalama te ula te bidi dabe augwaliba pobao, tama augwaligo subo dao. Sesemane sogo dago ula umabo mu sabo, tama da hasegeleyu tama Genuai Bidi aga noma tiwai pedalobo dao. Genuai Bidi aga te Mobo, tama agai te tiwai kolesaga da dali ebo dao, tama te bomo yai ula te genilama mu ela pabo dao.

Dwagi Yai Gesi Po Jongo Asęani 11:15

“Aga isali sogode ena aga dali bidibeo. Dage tobade ena agaba pabeo. Magi basowe? Nosali dagego enaba duga homu mumainogo ena tama tiwai. Te sę ebode eno dwagi yai homu ebao. Megi da aga bidibo digi pinao,” Jisasgo te po wai.

Dwagi Yai Gesi Po Jongo Asęani 1:17

Te bidi nogi Moses agai da Juda dabego wąį mu augwalibolo agai Godigo bomo yai po ola mawai. Tiali goli, Jisas Krais agai genuai olo tau sabo sę dali mu po dali si magasai.

Malakai 2:2

“Eno dageba te bomo yai po me deli elalubao. Te dagego ebo sę tigidalide te eno nogi ugwaba siąo. Te dagego eno po odisąma, te dage hagoma naga ebaso da, teda eno po bomonama obaso, te dage dolaibao. Te duga sęde sabo te wiegi yai nai dabe te eno dolaibao. Te mu tama eno tiai dao, magi baso meni, dagego homude eno olo po te oba olama, te dagego eno po wali pabeo. Tialima eno dage dolai dao.

Ma Dobola Sali 14:31

Augwaligo te genuai sę Genuai Bidigo eyu, te Isip dabe aiyaba elalubo suai. Tama Israel we bidi augwali wi elama, Genuai Bidi dologode bidiyu, tama augwaligo bomo yai homu agade dąų weyu, tama aga sę bidi Moses dali tiwai.

Te Israel me Juda Hani Sigo Tuni Bidigo Po Elalubo Buku Deli 17:24

Tama aga idago e tama po wei ponani, “Mu tama o, megi eno koneanio, nage te Godigo sę ebo bidi dao. Mu tama dao, Genuai Bidi aga digi nagebolo mabo po te nago dabolo pusubo dao,” te wego te po wali.

Dwagi Yai Gesi Po Jongo Asęani 1:43

Do tama da wabo side Jisas aga homugo Galili buluba paibao wai. Tama Jisas agai Filip suai, tama agabolo te po wai, “Nage ena wali asao,” te po wai.

Dwagi Yai Gesi Po Jongo Asęani 2:1

Te Jisasgo Nataniel dali te po olama, si sogo biliama, sela sogo wabo side tama bidi me deligo Kana bulude we sai. Te Kana bulu te Galili tǫ pedai tomode elalubao. Tama Jisas aga ida te we sabo bede bidai.

Dwagi Yai Gesi Po Jongo Asęani 4:3

Jisasgo koneai augwali Farisi bagego te po odama, dwai homu yai. Tama tibaso, Jisas aga te Judia tǫ pedai taga pelama, te Galili tǫ pedaiba pai.

Dwagi Yai Gesi Po Jongo Asęani 4:54

Polobadu Jisas Judia tǫ tagalama, tama Galili tǫba sabolama, tama bomai sę eyu, te agai ąį mugo pusu ebo ąį wain begelama nigai. Tama megi me agai Judia tǫ tagalama, Galili tǫde bomai sę me yai, te gasi yai ogwa hodolai.

Dwagi Yai Gesi Po Jongo Asęani 7:31

Me ma, te olo we bidi hauwago Jisasbolo augwa konealubo homu dąų olama, elaluali. Augwaligo te Jisasba homu musiąwai bagebolo te po wai, “Te God agai sa muyu, asaiba wali bidi pedalobo si, te bidigo bomai sę hauwa mu eyu da, Jisasgo yali bomai sę aiyaba elaluaibawe? Menio,” augwaligo te po wai

Dwagi Yai Gesi Po Jongo Asęani 9:16

Tama te Farisi bidi hani tomode si bugulama, mebago Jisasde te po wai, “Godigo te bidi tagala palobeo. Agai Sabat sogode bomo yai po wali pabeo.” Tialima meba bidigo te po wai, “Dwai sę ebo bidi mego te tiwai bomai sę me ebo menio. Te bidi dwagi yai bidi dao,” wai.

Dwagi Yai Gesi Po Jongo Asęani 10:41

Tama te we bidi hauwa Jisas bidibo digi asai. Augwaligo te po wai, “Mu tamao, Jongo e bidigo ebo bomo yai sę me deli yai menio. Tiali digi tigidali po Jongo Jisasde wali po mu tama wai,” augwaligo te po wai.

Dwagi Yai Gesi Po Jongo Asęani 11:47

Tama tibaso, te Farisi hani bage me, te pris hani tobolu bage me, augwaligo te kaunsil bage dali sisinama, Jisasde te po wai, “Dago te bidide magi yaibawe? Agai bomai sę hauwa mu ebo dao.

Dwagi Yai Gesi Po Jongo Asęani 12:18

Te tamadi asai we bidi augwaligo Jisasgo te bomai sę yali po odobaso, tama augwali Jisas tiąba pai.

Dwagi Yai Gesi Po Jongo Asęani 16:27

Magi basowe? Aya aga digi dage godolo mu ebo dao. Tama agai dage magi baso godolo mu ebo dawe? Woo, dagego ena mu godolo eyu, tama dagego bomo yai homugo koneama, te ena Aya dali bidama asali, te homu dagego yai. Tama dagego te homu ebaso, Aya agai dage godolo mu eyu, dagego hanalu wabo po wei ponaibao.

Dwagi Yai Gesi Po Jongo Asęani 16:30

Dago nagebolo hanalu wabo po te dago hanalusiąbadi, te po nago polo koneai. Megi da dago koneanio, te nago tigidali nai koneai. Tama tibaso, nage God dali bidilama asai dao po, te pode dago te mu po dao te homu ebao,” Jisas aga wali pabo bidi augwaligo te po wai.