Dwagi Yai Gesi Po Jongo Asęani 19:6 - Godigo dwagi yai po buku

⁶ Te tama tialima, te pris tobolu bidi dabe dali, te enesigi bidi dali augwaligo Jisas sulama, tama augwaligo po dagą weyu, te po wai, “Te bidi ni pedaide elao, te bidi ni pedaide elao,” te Juda bage augwaligo te po wai. Tama Pailatgo augwali dali te po wai, “Duga digi aga selama, ni pedaide elao,” te po wai. “Eno agade magi sęgę me subeo,” te Pailatgo Juda bage dali te po wai.

Dwagi Yai Gesi Po Jongo Asęani 19:6 Referans Kwoze

Dwagi Yai Gesi Po Jongo Asęani 18:31

Tama Pailatgo augwalibolo te po wai, “Duga digi Jisas aga selama, tama duga bomo yai po usu gilama, tama duga digi aga po tų ela mao,” te Pailatgo Juda bidi dabe dali te po wai. Tama Juda bagego Pailatbolo te po wai, “Woo, dage Rom gavman bidi dabego te bomo yai po dabolo mawai, te po wai, ‘Dage Juda bagego po tų eyu da, te dwai sę yali bidi dagego elegio. Da Rom dabego naga te dwai sę yali bidi ela mubo sę ebo dao,’ dagego da Juda bagebolo te po wai dao. Tama tibaso, dago e bidi nage pageba sisali, te aga isimainogo yali,” augwaligo te po wai.

Dwagi Yai Gesi Po Jongo Asęani 19:4

Te Pailat te Juda bage bidibo digi buluba ma aselama, te po wai, “Dagego suao, eno Jisas aga buluba odasa asobao, tama dagego konemainogo, eno agade magi dwai sę yali sęgę me subeo,” Pailatgo te po wai.

Godigo Sęba Tagala Palai Bidigo Po 7:52

Polobadu duga wąį dabe augwaligo Godigo dwagi yai po pusa mabo bidi dabe tigidali ela silali. Me deli bidibawe? Mu menio. Polobadu mu Godigo dwagi yai po odasa pabo bidi dabe augwaligo te po wai, ‘Nosali God agai dwagi yai dolo sę ebo bidi asaibao.’ Tialima, duga wąį dabe augwaligo te po odasa pabo bidi dabe ela muani. Megi tama dagego te Godigo dwagi yai dolo sę ebo bidi ela muai.

Godigo Sęba Tagala Palai Bidigo Po 2:23

Tama Godigo polobadu mu koneama tiaibao homu elama, agaduba homugo po polo dąų waluyu homude tiwai, te Jisas augwaligo dagego nogode muaibao. Tama dagego dwai bidi dabego Jisas elemainu ola mobaso, tama augwaligo aga ela muani.

Dwagi Yai Gesi Po Jongo Asęani 19:15

Te augwaligo po dagą weyu, te po wai, “Te bidi sela sąyao, te bidi sela sąyao,” tama po wai, “Te bidi ni pedaide elao,” te po wai. Pailat tuni bidigo augwali Juda bage dali te po wai, “Dagego homugo eno duga tuni bidi ni pedaide elao, te homu ebawe?” Te pris hani tobolu bidi dabe augwaligo po wei ponoyu, te po wai, “Dago tuni bidi me menio, te dago tuni bidi te Sisar deli tama dao,” te bidi dabego tama po wai.

Dwagi Yai Gesi Po Lukgo Asęani 23:4

Tama te tuni bidi Pailat agai te pris tobolu bidi dabe me, te sisinai Juda we bidi me, augwalibolo weyu, te po wai, “E bidi agai dwai sę yali po page eno suali menio.”

Matyu 27:24

Tama megi da Pailatgo koneani, agai po usu ebeo. Menio. Tama wąbi genuai hwįainogo yai. Tama agai augwali ola momainogo agai wę te poude meba selama, tama aga nogo te we bidigo gedude wę telawai. Tama nogo wę teladubadi agai te po wai, “Te e bidi elibo da, te eno sęgę menio. Te duga sę naga dao.”

Matyu 27:22

Pailat agai augwalibolo te po wai, “Eno tama tiyu da, teda e bidi da Jisas, augwaligo Krais nogi ebo bidi, agabolo eno magi sę yagawe?” Tama augwali tigidaligo te po wai, “Aga ni pedaide elao.”

Matyu 26:58

Tama Pita Jisas aga wali pai, tiali goli aga digibulu gana dwasianu bidai. Aga te tuni bidi Kaiafasgo obo tomoba pelama, tama te enesigi bidi dabe dali te be mesalode dulaluai. Agai te magi sę Jisasde pedalobo te agai sula sainogo yali.

Dwagi Yai Gesi Po Jongo Asęani 18:3

Tama tibaso, Judasgo ami bidi hani dali, tama meba pris tuni bidigo enesigi bidi dabe dali, te Farisi bagego enesigi bidi badi, tama selama, augwali te ni sili giba dolo asai. Tama augwaligo lam dali sole dali tolasa asiyu, tama augwaligo hwįabo nai dabe dali sela asai.

Dwagi Yai Gesi Po Jongo Asęani 18:38

Pailatgo Jisas dali te po hanalu wai, “Mu po te magide dawe?” Te Pailatgo Jisas dali te po olama, tama aga te Juda bage bidibo digi buluba ma pelama, tama agai augwali dali te po wai, “Eno Jisas agade magi dwai sę yali sęgę me subeo.