Dwagi Yai Gesi Po Jongo Asęani 19:42 - Godigo dwagi yai po buku

⁴² Do te Sabat sogo dao. Megi da te Juda we bidi augwaligo Pasova bo disąwai bret nai sisi ebo side dao. Te ola be pąde elalubaso, te bidi sigo Jisas tigi teba muai.

Dwagi Yai Gesi Po Jongo Asęani 19:42 Referans Kwoze

Dwagi Yai Gesi Po Jongo Asęani 19:31

Te Jisas ni pedaide elali sogo augwaligo te Pasova bo disąwai nai sisi ebo side dao wai. Te do me te Sabat yabo sogo dao, tama te Pasova olo bidibo si te do gagalaibao, te genuai sogo mu dao. Tama tibaso, Juda bage augwaligo homugo te Sabatde te isai bidigo tigi te ni pedaide me daganalubo hagelabo wai. Tama augwaligo Pailat tuni bidibolo te po olama, tama augwaligo te bidi dabe sągą dili togolama, tama megi augwali polo isimainogo yao. Tama isai digi, augwaligo tigi te ni pedaide sao, te po wai.

Dwagi Yai Gesi Po Jongo Asęani 19:14

Te tebo sogo te bo disąwai nai tuabo si nogi Pasova te nai dodolobo side dao. Tama belo nai tubo te giliga tomo ebode tamao. Tama Pailatgo Juda bagebolo te po wai, “Duga tuni bidi suiyąo,” wai.

Dwagi Yai Gesi Po Jongo Asęani 19:41

Te ami bidi dabe augwaligo Jisas te elali digi tede gi me deli elaluai. Tama te gide isai bidi musiąwai gų page ola be elalualio.

Aisaia 53:9

Te augwaligo aga te haniani dwai kolesaga yali bidi dabe dali me, te mone doado bage hauwa elaluali bidi dabe dali, pubulali. Tiali goli, te aga digi dwai kolesaga deli me isąwai, te agai tibo po me deli me wabeo,” te po wali.

Kolosi 2:12

Magi baso meni. Te dagego duga homu begelama tama ąįba dulali sogo, te sogo dage Krais dali hodobo pubulali tiwai yai. Tama te sogo me te dage te ąįdu ma hodaluali sogo, te dage Krais dali hodobo gų pagede ma hodaluali tiwai yai. Aga te isali we bidi tomode osogo bidama tama Godigo aga tedu ma hodolali, agai sę yabo bomogo. Tama dagego te bomode duga homu bugagia dąų obaso, God agai dage me Krais dali hodobo hodolali tiwai yai.

1 Korin 15:4

Tama augwaligo aga te masigi dedage gų pageba mugi pai. Tama sela sogo wabode Godigo aga ma hodolama, tama aga me bidibao, te Godigo po bukude polobadu asęani po tama usu numainogo yai dao.

Godigo Sęba Tagala Palai Bidigo Po 13:29

Polobadu Godigo po pusa mani bidigo bukude asęani po tiwai augwaligo te sę Jisasgo tigide ela silama, bidi sigo aga ni pedaide daganama, agai tigi selasa pelama, moni masigi dudulawe tomoba mugi pali.

Dwagi Yai Gesi Po Jongo Asęani 19:20

Augwaligo te Jisas ni pedaide elama daganani, te Jerusalem hanu pąde tamao. Tama tibaso, Juda bidi hauwa augwaligo te asęani po nedai te Hibru pogo. Tama Pailatgo te po Hibru pogo asęyu, te Rom pogo asęyu, te Grik pogo asęyu yai, te Jisasgo ni pedaide tama po asęai.

Matyu 12:40

Tama polobadu te tiwai yai te bidi Jona sela sogo giligade me sela sogo hulide te genuai sųgų haliga tomode bidai, tama te tiwai yali gilama naga te Godigo Bidi Mu aga me te sela sogo giligade me sela sogo hulide e tǫ tomode bidaibao, te isai we bidi bidibo madide.

Godigo Nogi Ugwaba Sabo Tęąbi Po Wabo Buku Dabe 22:15

Eno dogoni te wa mu pali, tama eno hamena te pedauwalide agana sai. Naga digi ena tagalama, ama ena mu isainu ebao.