Dwagi Yai Gesi Po Jongo Asęani 19:4 - Godigo dwagi yai po buku

⁴ Te Pailat te Juda bage bidibo digi buluba ma aselama, te po wai, “Dagego suao, eno Jisas aga buluba odasa asobao, tama dagego konemainogo, eno agade magi dwai sę yali sęgę me subeo,” Pailatgo te po wai.

Dwagi Yai Gesi Po Jongo Asęani 19:4 Referans Kwoze

Dwagi Yai Gesi Po Jongo Asęani 19:6

Te tama tialima, te pris tobolu bidi dabe dali, te enesigi bidi dali augwaligo Jisas sulama, tama augwaligo po dagą weyu, te po wai, “Te bidi ni pedaide elao, te bidi ni pedaide elao,” te Juda bage augwaligo te po wai. Tama Pailatgo augwali dali te po wai, “Duga digi aga selama, ni pedaide elao,” te po wai. “Eno agade magi sęgę me subeo,” te Pailatgo Juda bage dali te po wai.

Dwagi Yai Gesi Po Jongo Asęani 18:38

Pailatgo Jisas dali te po hanalu wai, “Mu po te magide dawe?” Te Pailatgo Jisas dali te po olama, tama aga te Juda bage bidibo digi buluba ma pelama, tama agai augwali dali te po wai, “Eno Jisas agade magi dwai sę yali sęgę me subeo.

Dwagi Yai Gesi Po Lukgo Asęani 23:4

Tama te tuni bidi Pailat agai te pris tobolu bidi dabe me, te sisinai Juda we bidi me, augwalibolo weyu, te po wai, “E bidi agai dwai sę yali po page eno suali menio.”

Dwagi Yai Gesi Po Lukgo Asęani 23:47

Te enesigi bidi dabego tuni bidigo te sę suai, tama agai Godigo nogi ugwaba siyu, agai te po wai, “Mu tamao, te bidi Jisas doloba pai bidi mu dao,” te bidigo te po wai.

1 Jon 3:5

Dagego koneai, Krais asali agai te tǫde we bidigo dwai kolesaga ebo sela sąwainogo asai, tama dwai sę ebo kolesaga agade me bidibo menio.

1 Pita 3:18

Magi baso meni. Te Krais aga digi agai dago yali dwai sę sęgę sela sąmainogo aga deli sogo naga isali. Tama aga te doloba pai bidi mu bidai goli, tama agai da doloba pisiąwai bage te God pageba sesimainogo agai da tobade dene sali. Bidi dabe augwaligo aga tigi isilali. Me ma Godigo Mobo Bidigo Krais bidimainogo ma hodolali.

1 Pita 2:22

Tama tiyu, agai magi dwai sę munu me ebe, te tibo kolesaga eyu tibo po me deli digi wabeo.

1 Pita 1:19

Te meni. Te Kraisgo kanemego agai dage abelama, tama ma dobola selama, tama megi dage olo mu bidibao. Tama aga kaneme te dila pai nai mu dao. Krais aga te wiegi yai kibu sipsip wai tiwai bidali, te sipsip wai aga tigi dwai naigo doloyu husugu yai digi te menio, te Godibolo te ofa mabo sipsip usu dao.

2 Korin 5:21

Te bidi Krais agai dwai sę me isąwai, tiali goli da tobade Godigo dago dwai sę yali sęgę tigidali agaba sisinama, tama aga te dwai sęgę sai bidi tiwai mu pedalai. Agai tama tiali te da Kraisde wadolomainogo yali, tama agai bomogo da te Godigo gedude doloba pai we bidi pedalomainogo yai dao.

Dwagi Yai Gesi Po Lukgo Asęani 23:41

Augwaligo da si elali da, te augwaligo doloba pai kolesaga yalio. Da sigo sęgę sali da, te usu tama da si yali sęde tialio. Tiali goli, e bidi Jisas da, agai magi dwai sę deli ebeo,” Jisas dali elali bidi mego te po wai.

Matyu 27:54

Tama te enesigi bidi dabego tobolu bidi aga ami bidi dabe aga dali te Jisas tonaluali bage, augwaligo te tǫ mali ebo me te sę dabe pedalobo sulama, tama augwali moni wi mu yalio. Augwaligo te po wai, “Mu tamao, te bidi aga te Godigo Ogwa mu dao,” te po wai.

Matyu 27:24

Tama megi da Pailatgo koneani, agai po usu ebeo. Menio. Tama wąbi genuai hwįainogo yai. Tama agai augwali ola momainogo agai wę te poude meba selama, tama aga nogo te we bidigo gedude wę telawai. Tama nogo wę teladubadi agai te po wai, “Te e bidi elibo da, te eno sęgę menio. Te duga sę naga dao.”

Matyu 27:19

Tama me, te bidi Pailat aga te po tų odobo bidi jas dugabo siade aga dualalubadi, tama aga wego po agabolo toliyu te po wai, “Nago magi sę me deli te doloba pai bidi dali me elamuo. Te eno hulide nade aga sulama, tama eno genuai homu elalubao.” Te po wai.

Matyu 27:4

Tama agai augwalibolo te po wai, “Eno dwai sę elama, sęgę salio. Eno te magi dwai sę me isąwai bidi te boi bidi dabego nogoba manigo, tama aga isaibao,” wali. Tiali goli augwaligo te po wai, “Te dago sę menio. Te naga sę tali dao.”

Hibru 7:26

Da we bidi te magi kolesagade sǫą pobaso, te tobage polalubo pris bidi agai da tau sabo usu mu dao. Godigo gedude aga te wiegi yai mu, tama magi dwai sę delinu te agade me elalubeo. Aga te wiegi yai mu yai. Aga te sęgę dwasianu sai bidi te tiwai me ebeo. Menio. Aga te dwai sę ebo we bidi dali bidibo menio, aga gasagi yai tedali mu dao. Godigo aga ugwaba mu selama, tama agai te dagalu me aiyaba elaluama, tama ugwadu mu bidibo dao.

Dwagi Yai Gesi Po Jongo Asęani 18:33

Te bidi Pailat aga te gavman be tomoba ma pai. Tama agai Jisas i weyu, asao wai, tama agabolo hanalu wai, “Nage te Juda we bidigo tuni bidi dawe?” Jisas dali Pailatgo te po wai.