Dwagi Yai Gesi Po Jongo Asęani 19:19 - Godigo dwagi yai po buku

¹⁹ Tama gavman tuni bidi Pailat agai po me deli asęnama, tama augwaligo te Jisas elali ni pedaide muai. Te asęani pode te po wai, ‘Jisas Nasaret bidi te Juda we bidigo tuni bidi dao,’ te po te ni pedaide asęna muai.

Dwagi Yai Gesi Po Jongo Asęani 19:19 Referans Kwoze

Matyu 27:37

Te aga tobolude ugwadu augwaligo aga te po tų ilali po asęai. Augwaligo e tiwai po asęanio: ‘Te e bidi Jisas, te Juda dabego tuni bidi dao.’

Dwagi Yai Gesi Po Lukgo Asęani 23:38

Tama te dwasianu ni namide asęyu, te po wai, “Te bidi te Juda we bidi dabego tuni bidi dao,” tama olama asęai. Tama te dwasianu ni namide augwaligo asęani po te ni pedai ugwadu daide neligo enai.

Dwagi Yai Gesi Po Makgo Asęani 15:26

Tama te ni pedaide ugwadu te augwaligo aga po tų ilali po asęai. Augwaligo e tiwai po asęai dao, “Te Juda dabego tuni bidi dao,” te po asęnama te ni pedaide elaluali.

Dwagi Yai Gesi Po Jongo Asęani 19:14

Te tebo sogo te bo disąwai nai tuabo si nogi Pasova te nai dodolobo side dao. Tama belo nai tubo te giliga tomo ebode tamao. Tama Pailatgo Juda bagebolo te po wai, “Duga tuni bidi suiyąo,” wai.

Godigo Sęba Tagala Palai Bidigo Po 3:6

Pitago agabolo te po wai, “Ena masigi menio. Tialima, eno elalubo nai deli nagebolo mawaibao. Jisas Krais, te Nasaret bidi, agai te bomo elalubaso, eno nagebolo obao, nage bilao.”

Dwagi Yai Gesi Po Jongo Asęani 19:21

Tama te pris tobolu bidi dabe augwaligo Pailatbolo te po wai, “Nago te po tama asęgio, ‘Juda bidigo tuni bidi dao,’ te po wagio. Nago tama po asęąo, ‘Te bidi Jisas agai te po wai, “Ena te Juda we bidigo tuni bidi dao,” ’ te po agai wai dao,” augwaligo te po wai.

Dwagi Yai Gesi Po Jongo Asęani 19:12

Te Pailat agai Jisasgo te po odolama, tama agai Jisas olo tagala palabo tų gegai yai. Tiali goli te Juda bage augwaligo bomo elama po dagą weyu, te po wai, “Niwai bidi aga digi ‘Ena tuni bidi da’ weyu da, te bidi agai te Rom gavman tuni bidi Sisar dali boi bidi dao. Tama e bidi Jisas agai te tobage po wai dao. Tama tibaso, nago te bidi Jisas olo tagala palu da, te nage te Rom gavman tuni bidi Sisargo abagi menio, boi bidi tiwai bidaibao,” Juda bagego Pailat dali te po wai.

Dwagi Yai Gesi Po Jongo Asęani 19:3

Tama augwaligo Jisas dali tibo posobo po weyu, “Siade dao, Juda we bidigo tuni bidi da” olama, tama augwaligo nogo sawaligo aga nabo gede elali. Augwaligo aga dolobo sę yainogo, te tiwai te ami bidi hauwago aga elidu geai.

Dwagi Yai Gesi Po Jongo Asęani 18:33

Te bidi Pailat aga te gavman be tomoba ma pai. Tama agai Jisas i weyu, asao wai, tama agabolo hanalu wai, “Nage te Juda we bidigo tuni bidi dawe?” Jisas dali Pailatgo te po wai.

Dwagi Yai Gesi Po Jongo Asęani 1:49

Natanielgo Jisasgo po wei begelai, “Po ola mabo bidio, nage Godigo Ogwa dao, nage Israel we bidigo tuni bidi dao.”

Godigo Sęba Tagala Palai Bidigo Po 26:9

Te bidi Pol agai po me weyu, te po wai, “Polobadu ena digi bomo elama, umabo dwai dwai kolesaga elama, te Nasaret bidi Jisasgo nogi aiyaba elalubo sę yai dao.

Matyu 2:23

Tama te tǫba sabolama, tama aga te hanu me nogi Nasaret te hanuba bidigi pai. Tama te sę yaligo da te Godigo po pusali profet dabego wali po usu nubao, “Tama augwaligo aga te Nasaret hanu te bulu bidi dao, te po waibao,” te po wali.

Dwagi Yai Gesi Po Lukgo Asęani 18:37

Tama augwaligo agabolo wali, “Te Nasaret bulu bidi nogi Jisas ela sobao,” wali.