Dwagi Yai Gesi Po Jongo Asęani 19:1 - Godigo dwagi yai po buku

¹ Te gavman tuni bidi Pailat agai po olama, tama te ami bidi dabe augwaligo Jisas selama, tama aga tudide elali, te kibu waligo nigai dila pai bįgo.

Dwagi Yai Gesi Po Jongo Asęani 19:1 Referans Kwoze

Aisaia 53:5

Te dago yali dwai sęgęde naga aga dolali. Te augwaligo aga dodagia mu elama, te aga tigi tologola pali, agai te tolali sęgęde aga da usu ma ilama pedelali, te da bugagia mu bidibo dao.

Matyu 20:19

Tama augwaligo aga te Juda hani isąwai bidi dabe augwaliba mawaibao, te bagego agabolo te dwai usubo sę eyu, te posobo po weyu, tama aga bigo eliyu elama, tama aga ni pedaiba daganama, te neligo enama isaibao. Tama bidama, te sela wali sogode te aga ma hodaluaibao.” Jisasgo te po agade tiaibao olama te po wai.

Aisaia 50:6

Ena te bidi dabego keloago tudide elama, eno penane nisi gudumainu yalio. Te augwaligo enaba dwai posobo po weyu, eno gesabidiba pesą sąyu yali, eno ena gesabidi te augwaliba dualubeo.

Dwagi Yai Gesi Po Lukgo Asęani 23:16

“Tama tibaso da, eno e bidi bįgo naga elama, olo tagala palaibao,” te po wai.

Dwagi Yai Gesi Po Lukgo Asęani 18:33

Augwaligo kibu wali bigo ena tudi badu elaibao. Tama augwaligo ena ela muaibao. Tiali goli, giliga sela sogo elama, ena ma hodaluaibao, bidaibao,” Jisasgo te po wali.

Dwagi Yai Gesi Po Lukgo Asęani 23:23

Tiali goli, augwaligo bomo mu yai, augwaligo moni i bomonama mu wai. Te Pailatgo Jisas elamuo po augwalibolo omainogo, te augwaligo i wabo elabo pogo Pailatgo po aiyaba elaluai.

Matyu 23:34

Tama tibaso, eno te Godigo po pusabo bidi meba badi, tama te wiegi yai homu konea palobo bidi me, te Godigo po ola mabo bidi augwali dageba tagala palaibao. Tama te bidi dabe meba dagego ela muyu, tama meba te ni pedaide eliyu, tama meba dagego bomo yai po ola mabo be tomode bigo eleyu, dene mawaibao. Tama dagego augwali te hanu me delide ela gudulama, tama gasa hanu meba dagego augwali pobasa pabo sę yaibao.

Godigo Nogi Ugwaba Sabo Tęąbi Po Wabo Buku Dabe 129:3

“Augwaligo ena dodolagia mu elama, tama elali bįgo ena tigiwali tudi badu togwali. Augwaligo te bobobage keni hauwa te gide wę gamia tiwai pedalumainu ilali.

1 Pita 2:24

Tama aga digi agai dago yali dwai sę sęgę aga tigigo selama, tama te niba dąų wagi pai. Tama tiyu, agai homugo dago te dwai sę ebo kolesaga tagalaibao, te isai bidigo dwai sę ebo tagalali gilama. Tama dago te dwai sę ebo tagalama, tama dago doloba pai kolesaga naga eyu bidaibao, te me aga homu dao. Tama augwaligo aga tigi doloyu dene mawai, tama tebogo da tau selama dwagi yai ilali.

Hibru 11:36

Tama te Godide konealubo po dąų wali we bidi meba te boi bidi dabe augwaligo te dwai posobo po sęgę siyu, tama augwali dodolama te dwai bįgo subigila elali, tama sengo augwali kęnama, tama augwali kalabusiba muyu yai dao.

2 Korin 11:24

E tiwai yai. Te a naga sogo Juda dabe augwaligo ena te dwai kibu waligo nigai bigo elali, te nedali te bidi sese deli olama, nogo si olama, nogo me badu a naga me si me si, te 39 tama sogo dąį egi pai. A naga sogo te tiwai ena elali.