Dwagi Yai Gesi Po Jongo Asęani 18:8 - Godigo dwagi yai po buku

⁸ Jisasgo po wei ponoyu, te po wai, “Eno dage dali wai dao, te bidi ena tama dao. Dagego ena naga gegeba wida, e bidi dabe olo pomainao,” Jisasgo te po wai.

Dwagi Yai Gesi Po Jongo Asęani 18:8 Referans Kwoze

1 Pita 5:7

Tama bidiyu, tama God agai dagede homu eyu, tama agai dage bugagia tonalubaso te dagego moni homu ebo sę tigidali aga nogoba muiąo.

Efesus 5:25

Tama bidi dabe deli deli, dagego duga we dabe dali abagi dao homu eyu, godolo mu yao, te Kraisgo aga po wali pabo we bidi godolo mu yaligia tiwai yao. Agai da godolo mu eyu, aga bidabo ula tagalama da tau siyu aga te ni pedaide elama isai dao. Tama agai da dali godolo eyu tau sabo homu tiwai dagego duga we dali tama naga tiao.

2 Korin 12:9

Tiali goli agai te po enabolo wai, “Woo, te eno olo tau sabo wiegi yai kolesaga nagede usu yai elalubao. Magi baso meni, te bomo meni yai bidide eno bomo hania mu pedalobo dao,” Genuai Bidigo te po wai. Tama ena bomo meni yai da te homu sęgę munu me egobeo. Menio. Ena wiegi yai homu pemene mu tede ebo dao, te Kraisgo bomo enade elalumainogo ebao.

1 Korin 10:13

Te dwai sę ilibo usu sabo sę dagebolo pedalobo, augwali tigidali te gasagi yai me egobeo. Menio. Te tigidali we bidibolo pedalobo usu sabo deli tigi poai sę pedalubao. Tama Godigo aga dage dali homugo kęą pai bidi bidiyu tama aga dąų wali po wali peyu, te usu sabo sę ebogo dagego bomo aiyaba elaluainogo ebo gogolama me sula tagalogobeo. Menio. Te dwai sę tomoba kegebo usu sabo sę dageba pedalubaso da, teda Godigo dage sana pabo tų nigilaibao. Te tų e dao: te agai dage dąų walama, tama dage te usu sabo sęde bomo elama dolalubo usu yaibao.

Dwagi Yai Gesi Po Jongo Asęani 16:32

Edao. Te sogo pąde pedalainogo ebao, te polo pedalalio, tama augwaligo dage tigidali deli deli pobeasa bilibaso, tama duga buluba tedela paibao. Tama dagego ena taga peyu, enaduba deli digi bidaibao. Tialima, enaduba me bidigobeo. Aya God ena dali bidaibao.

Dwagi Yai Gesi Po Jongo Asęani 13:36

Te Jisasgo te po augwalibolo olama, tama Saimon Pitago agabolo te po wai, “Genuai Bidi, nage mena paiwe?” Jisasgo Pitabolo po wei ponoyu, te po wai, “Ena pabo bulu nago ena wali megi pogobeo. Tialima, nosali da, nago ena wali asaibao,” wali.

Dwagi Yai Gesi Po Jongo Asęani 13:1

Te olo bidibo si nogi Pasova pedalisiąbadi, deli sogo naga elalubadi, tama Jisasgo koneai, aga e tǫ tagalama, Aya pageba pabo sogo te pąba yagasai. Tama Jisas agai aga te tǫde bidibo we bidi tigidali sogo godolo mu eyu bidai. Megi agai te godolo mu ebo sę tagalobeo. Agai augwali godolo mu ela pidubadi te aga isibo sogoba usu nai dao.

Dwagi Yai Gesi Po Jongo Asęani 10:28

Tama eno augwali bidada peyu, bidada pabo bomo mobao, tama augwali munu me isigobeo, hagagobeo. Menio. Bidi me deligo augwali eno nogode ma dobola sabo usu egobeo.

Matyu 26:56

Tiali goli te sę tigidali enade megi pedalobo te polobadu Godigo po pusali bidi profet dabego bukude asęani po usu nainogo ebao,” Jisasgo te po wai. Tama aga wali pali bidi dabe augwaligo Jisas taga peyu, tama augwali wi pela silai.

Aisaia 53:6

Da tigidali te sipsip besela palama, bilibo tiwai yali, te da deli deligo te dena digi homu wali bilali. Tama tibaso, Genuai Bidigo daba te dene mabo sę yabo usu igi da, te dena yali dwai sęde wei ponainu yali, tiali goli aga te tama me tebeo. Menio. Te dena digi tolabo sęgę te agai aga sę bidiba te sęgę menama, tolomainu yai dao.”

Dwagi Yai Gesi Po Jongo Asęani 18:7

Tama Jisas agai augwali dali ma hanalu wai, “Dagego de gegagasai dawe?” Tama augwaligo te po wai, “Te Nasaret bidi Jisas gegebao,” te po wai.

Dwagi Yai Gesi Po Jongo Asęani 18:9

Tamadi agai te po God dali wai, “Nago ena mani bidi dabe augwali eno me tagalobeo,” wali. Tama Jisas agai te tamadi wali po usu numainogo, agai ‘Augwali olo pomainao’ po megi wali.