Dwagi Yai Gesi Po Jongo Asęani 18:12 - Godigo dwagi yai po buku

¹² Te ami bidi hani dali, te augwa polalubo bidi dali, tama te Juda dabego enesigi bidi dabe dali, augwaligo Jisas nogo tulama, tama augwaligo bonogo agai nogo si tudi badu munama, kęai.

Dwagi Yai Gesi Po Jongo Asęani 18:12 Referans Kwoze

Dwagi Yai Gesi Po Jongo Asęani 18:3

Tama tibaso, Judasgo ami bidi hani dali, tama meba pris tuni bidigo enesigi bidi dabe dali, te Farisi bagego enesigi bidi badi, tama selama, augwali te ni sili giba dolo asai. Tama augwaligo lam dali sole dali tolasa asiyu, tama augwaligo hwįabo nai dabe dali sela asai.

Matyu 26:57

Te bomai po page koneai bidi dabe dali, te Juda dabe tobolu bidi dabe dali, augwali te bidi Kaiafasgo beba sisinama bidaluai. Te Kaiafas aga te pris bage tuni bidi mu dao. Tama te Jisas nogo tulama dąų wali bidi dabe augwaligo aga te Kaiafasgo beba odasa palio.

Godigo Sęba Tagala Palai Bidigo Po 21:37

Te ami bidi dabe augwaligo Pol odasa aselama, augwa bomai be tomoba pai hagede, tų pobasede, Pol agai te tobolu bidi hanalu wali, “Eno nagebolo po me deli hanalubo usu egowe?” Tama te ami tobolu bidigo hanalu wali, “Nage Grik po wabo dawe?” wali.

Godigo Sęba Tagala Palai Bidigo Po 21:31

Tama augwaligo Pol ela mubo sę yali. Tama ebadi, bidi me deli pelama, te Rom gavman enesigi bidi tonalubo tobolu bidi pageba aselama, te po wai, “Te Jerusalem we bidi tigidali augwaligo moni po dagą obao, augwali pąde hwįabo maga yali.”

Dwagi Yai Gesi Po Lukgo Asęani 22:54

Te Jisasgo aga po ola silibo si da, augwaligo aga nogo pageabi elama, sela pai. Augwaligo Jisas odasa peyu, te Godibolo te polalubo tuni pris bidigo beba pai. Tama Pita me augwali wali pai. Tiali goli, aga digibulu gana bidai.

Dwagi Yai Gesi Po Makgo Asęani 15:1

Te kigamu mu te genuai pris dabe dali, te tobolu bidi dabe me, te bomai po page koneai bidi dabe me, te tigidali kaunsil dabe badi, te augwaligo po me deli miani. Tama augwaligo Jisas te bonogo nogo si dunama, tama augwaligo aga selama, tama aga te Rom gavman polalubo tuni bidi Pailat agabolo mawai dao.

Dwagi Yai Gesi Po Makgo Asęani 14:53

Tama augwaligo Jisas te tobolu bidi prisgo beba odasa pai. Tama tigidali genuai pris me te Juda dabego tobolu bidi dabe me te augwa bomai po page koneai bidi dabe, te augwali aselama, te beba sisinagasali.

Matyu 27:2

Augwaligo aga te aligabo bonogo kęnama, tama augwaligo aga selama, te polalubo genuai gavman bidi Pontius Pailat bidibolo magi pai.

Te Israel Tobolu Bidi Dabe 16:21

Tialima, te Filistia dabego aga pageabi elama, tama agai gedu si guda sąwani. Tama augwaligo aga te Gasaba sela pelama, tama augwaligo aga te brasgo nigai sengo gebelali. Tama augwaligo aga te sia me wit te nai sę ebo be te kalabus be tomode agaga pabo sę emainu ilali.

Tigidali Nai Gagalama Nigali Side 22:9

Augwali si te Godigo po wali pesageba sabolama, tama Abrahamgo te alta sai masigigo nigilama, tama sia ugwadu daide dodolama muani. Tama agai aga ogwa Aisak te bonogo nogo sągą duanio. Tama agai aga te alta te isi daiba muai.

Godigo Sęba Tagala Palai Bidigo Po 23:10

Te hani bidi sibi si augwa te po mibode moni sębę mu yali. Te ami tobolu bidi agai homugo tama tiali, ‘Te po miani bidi dabego Pol nogo sągą uga keke, edaba keke elama, agai tigi polo tologa pabode ela muabo maga dao,’ homu yali. Tama te homu elama, agai te enesigi bidi dabebolo te po wali, “Dage me badu te po mibo tomoba pao,” wali. “Tama augwaligo Pol nogo keke baso da, teda dagego aga nogo keka selama, dago aga te bomai be tomoba sela paibao,” wali.

Godigo Nogi Ugwaba Sabo Tęąbi Po Wabo Buku Dabe 118:27

Genuai Bidi naga aga te God mu dao. Agai da bugagia tonalubao. Te ni nologo dabe tulama, tama peyu, te alta sai bagua sigi pao.

Tigidali Nai Gagalama Nigali Side 40:3

tama agai augwali si te ami bidi dabe tonalubo bidigo be teba muani. Augwali si te Josep augwaligo kalabusiba muani madi te kalabus beba naga muai.

Matyu 27:27

Tama megi da, te ami bidi dabego Jisas te gavman tuni bidigo be tomoba odasa pali, tama augwali tigidali aga pageba sisinagasai.

Godigo Sęba Tagala Palai Bidigo Po 10:1

Te bidi me deli Sisaria be nanide bidali, agai nogi Kornilius. Te bidi aga te Rom ami enesigi bidi dabe tonalubo genuai bidi mu, te 100 ami bidi agai tonalubo da. Augwali te Itali tǫdu asai.