Dwagi Yai Gesi Po Jongo Asęani 18:1 - Godigo dwagi yai po buku

¹ Te Jisasgo te po olama, tama Jisas aga bidi dabe dali augwaligo te bulu tagalama, tama peyu, Kidron ąį odogo nogogi pai. Te ni oliv sili, te ąį u badu elaluai. Tama Jisas aga wali pabo bidi dabe dali augwali te oliv ni sili bulu tomoba pai.

Dwagi Yai Gesi Po Jongo Asęani 18:1 Referans Kwoze

Dwagi Yai Gesi Po Makgo Asęani 14:32

Te augwali peyu, tama te gi me deliba sabolali, te gi bulu nogi Getsemani. Tama Jisasgo aga wali pabo bidi dabe augwalibolo te po wai, “Dage ede bidaluiąo. Ena God dali po wagi painu homu ebao.”

Matyu 26:36

Tialima, Jisas augwali dali gasa badu te augwaligo nogi yali te Getsemani teba pai. Tama aga wali pabo bidi dabebolo te po wai, “Dage ede dualama bidaluao, tama ena u badu pelama, gedu haluasa po wagi pobao,” te po wai.

2 Samuel 15:23

Te Devit aga hani dali augwa te Jerusalem taga pabo sogo, te tigidali we bidi gela umabo sę elama, mu dwai homu dene ebo gela wai. Tama king te aga hani dali te wę Kidron nogelama, tama te bulu kemi tǫ wa pai bulu pedaiba poloba pelawali.

Dwagi Yai Gesi Po Jongo Asęani 18:26

Tama te pris hani tuni bidigo sę ebo bidi me deli tede bidai, te Pitago hwągo olo togwali bidi aga deli hani bidi dao. Tama te bidi agai te po wai, “Eno homu eno nage suali, te nage te bidi Jisas dali te ni sili gide bidibo eno suali. Te mu dawe?” te po hanalu wai.

Dwagi Yai Gesi Po Jongo Asęani 14:31

Tialima, eno homugo tǫde we bidi augwaligo eno ena Aya godolo mu ebo, augwaligo sulama, konemainogo, tama eno Ayago wabo po gilama, eno te sę ebo dao. Tialima, dage hodaluama, da pebelainao,” Jisasgo aga wali pabo bidi dabe dali te po wai.

Jeremaia 31:40

Tama te tǫ bogo me saut badu, te bulu odogode te gų page me elalu, te keli sąbo pesage me elaluali, te taun dąį yali tomode elalueibao. Te giliga pedalubo badu, te tigidali tǫ pedai te odogo bulu te ąį Kidron sesegeba usu nigi paibao, te me te taun tomode elalueibao. Te dąį pabo te Hos Dabego Sunumi te not badu usu naibao. Tama te taun tomode tǫ tigidali te gasagi yai tedali tǫ dao, te ena Genuai Bidigo tǫ elalueibao. Te boi bidi dabe aselama, te taun dolama, te aluama, te doado bage me sagasogobeo. Menio. Te taun te sesemane sogo bugagia elalueibao,” Genuai Bidigo te po wali.

Tuni Bidi Dabego Po Elalubo Buku Si 30:14

Te augwali sese tama sisinagasobo si, teda augwaligo te tibo god dabego alta te Jerusalemde elaluali alta dabe hųgia sągi pali. Tama me ma augwaligo te we bidigo te wiegi yai denami hano holobo te alta me augwaligo sela sągi pali. Tama augwali te alta dabe sese tama selama, augwaligo te Kidron wę odogo malu buluba sągi pali.

Tuni Bidi Dabego Po Elalubo Buku Si 15:16

Asago aga aua mosi Maka aga kingo ida sęde namba elaluali sela sąyani. Magi baso meni. Makago te tibo god we Asera piksa noma me deli nigai dao. Asago pode augwaligo te damua pai dwai piksa noma togolama, tama miminama, tama augwaligo sela pelama augwaligo te wę Kidrongo odogo malu buluba isi ulugi pali.

Te Israel me Juda Hani Sigo Tuni Bidigo Po Elalubo Buku Si 23:12

Tama te kingo be ugwadu te pedu badu rum habu me deli nigai, te habu badu augwaligo e tama nogi wabo da, te King Ahasgo Be Habu Badu da wabo da. Polobadu te Juda hanigo king bidi dabe augwaligo te me badu alta sai te rum habu badu te be pedu doloba pai pedude te alta sai nigali. Tama te king Manasego te alta sai te sisinibo pesage si elalubo madigi te Genuai Bidigo te be obo bologobea sali tomode elaluali. Tialima, te king Josaiago te tigidali alta sai hųgia sąnama, tama te miminama mu, dwasianunu mu ilali. Tama nosali augwali te alta mimina sąyani, te pobele bage selama, tama augwaligo te Kidron wę elalubo odogo buluba sągi pali.

Te Israel me Juda Hani Sigo Tuni Bidigo Po Elalubo Buku Si 23:6

Tama agai te augwaligo te tibo god we Asera noma nigilama, te Genuai Bidigo tempel bede munaluali piksa noma me sela sąyani, tama augwaligo te Jerusalem bulu tagalama, tama te bulu me odogo te wę Kidron elalubo odogoba selasa pai. Tama te augwaligo siaba ulali. Tama te nosali augwaligo te sisi selama, tama augwaligo haluama, te pauda mu dolo nigali. Tama tilama, augwaligo te pauda selasa pelama, te taun Jerusalem bulude te olo we bidi dabe isali te pubulali gų pageba sąsą biligi pali. Magi baso meni, te Aseraba lotu po wabo nai te dwai dwai nai mu da, te ola momainogo tama tiali.

Te Israel me Juda Hani Sigo Tuni Bidigo Po Elalubo Buku Deli 15:13

Tama agai te aga idago auwa mosi agai sela sąyani, Maka, tama agai sę me te ma sula tagalobe, te aga namba yali me, te kingo ida da homu meni. Magi baso meni, te we Maka agai te tibo god we Asera noma me deli nigibo sę yai. Tama te bidi Asago te po wali, “Tama dagego te dwai kugumini yai piksa noma nigali togolama, tama dagego selasa pelama, te Kidron wę odogo maluba sia ulugi pao,” wali.

Tigidali Nai Gagalama Nigali Side 3:23

Tama tibaso, Yawe Godigo te bidi te Iden gide sela sąnama, tama aga tagala palama, te Godigo aga nigali tǫde sę emainogo yai dao.

Dwagi Yai Gesi Po Makgo Asęani 14:26

Tama augwaligo te Godigo nogi ugwaba sabo tęąbi po me deli olama, tama augwali te be tagaluyu, tama Jerusalem hanu bulu badu pelama, tama te Oliv bulu duba pelawai.

Matyu 26:30

Jisasgo te po silibo si, tama augwaligo Godigo nogi ugwaba sabo tęąbi po ola silama, tama augwali te bedu buluba solama, tama augwali te Oliv bulu duba pai.

Tigidali Nai Gagalama Nigali Side 2:15

Tialima, Yawe Godigo te bidi selama, tama aga te Iden giba muani, te aga sę eyu tonalumainogo yai.

Te Israel me Juda Hani Sigo Tuni Bidigo Po Elalubo Buku Deli 2:37

“Te nago te wę Kidron bolama, tama te hanu Jerusalem dali dąį elalubo taga pali da, teda polo tama eno te nage ela muaibao. Tama nage te naga digi yali dwai sęde isaibao,” wali.

Te Israel me Juda Hani Sigo Tuni Bidigo Po Elalubo Buku Si 23:4

Nosali te king Josaiago agai tobolu pris bidi Hilkia dali, te aga dologode sę ebo pris bidi dabe dali sali, tama me badu pris bidi dabe te augwali te Genuai Bidigo tempel be tų tonalubo pris bidi dabe me, tama agai augwalibolo te po wali, “Dage te Genuai Bidigo te be tomoba pelama, tama te tigidali te tibo god Bal me, me te god we Asera me, me te dagalu hǫ dabe, te tobage tibo god dabeba lotu po wabo doado bage dabe tigidali selama, buluba sela sąyao,” wali. Tama tilama, te kingo augwalibolo te po wali, “Te doado bage dabe tigidali selama, tama te buluba tolasa pelama, tama te wę Kidron wę bulu odogoba pelama, te doado bage tigidali sia ulao,” wali. Tigidali doado bage siago dela pela silibo si, tama te augwaligo te keli naga sela pelama, tama te taun Betel buluba pao wai.

Tuni Bidi Dabego Po Elalubo Buku Si 29:16

Tama tilama, te pris dabe augwali Genuai Bidigo tempel be tomoba pali, tama augwaligo Godigo gedude meda yai nai dabe sese sela sąyani. Augwaligo te nai dabe te genuai sisinibo pesage te Genuai Bidigo be gesabidi baduba sesali. Tama Livai dabego te nai dabe tolasa Jerusalem bulu badu pelama, te Kidron Odogo Malu buluba sągi pali. Tama nosali te pris dabego te be Genuai Bidigo gedude wiegi yai ma ilali.

Nehemia 2:15

Tama da te Kidron odogoba dulama, tama eno te obo bugagia osa yali. Tama nosali da tede ma begelama, tama da te asali sunumiba ma sabolagasali. Tama da te buluba soali, te sunumiba da ma pedalubo sogo da, te Odogo Pesage Sunumi dao, tialima da te taun tomoba ma pelawali.

Godigo Sęba Tagala Palai Bidigo Po 21:11

Tama aga da pageba aselama, agai Polgo kugulu selama, tama Agabus aga digi nogo dabe sągą dabe kęnama, agai dabolo te po ola mani, “Dagego odao, e po Godigo Dwagi Yai Mobo Bidigo enabolo mawai po eno dagebolo obao,” wali. “E kugulu page bidi te Jerusalemde te Juda bidi dabego e ebo tiwai nogo sągą kęnama, kalabus yaibao,” wali. “Tama augwaligo aga tama tilama, te Juda hani isąwai bidibolo mawaibao, aga tigide augwaligo dwai kolesaga emainu yaibao,” Agabus agai homugo koneama, te po dabolo wali.

Pris Sę Ebo Bomai Po 2:6

Te dagego te plaua dwasianu dwasianu miminama teba wel gelama, te Genuai Bidiba ofa yao,” te po wai.

Dwagi Yai Gesi Po Makgo Asęani 14:42

Dage hodaluama, tama da pinao. Suiąo, te boi bidigo nogoba ena mawainogo ebo bidi te augwali aga dali asai dao,” Jisasgo te po wai.