Dwagi Yai Gesi Po Jongo Asęani 17:6 - Godigo dwagi yai po buku

⁶ “Tǫde bidibo we bidi meba nago sa muyu, tama nago augwali dią sali. Tama nago augwali dią selama, tama nago augwali enabolo mani. Te augwali nago bidi te elaluama, tama nago enabolo mani. Tama augwalibolo eno nago nogi haninai dao. Tama augwaligo nago po bugagia wali pai dao.

Dwagi Yai Gesi Po Jongo Asęani 17:6 Referans Kwoze

Dwagi Yai Gesi Po Jongo Asęani 17:26

Tama nago nogi eno augwalibolo haninai dao. Tama tiyu, te sę nosali me eno mu ela paibao. Magi basowe? Te nago ena godolo mu ebo homu tiwai augwa hasi te godolo mu ebo homu emainogo eno nago nogi augwalibolo haninai dao. Tama ena me augwali dali bidimainogo, eno nago nogi augwalibolo hanilaibao,” Jisasgo te po Godigo aga bidi dabe tau somainogo wai.

1 Jon 5:20

Dago koneai, Godigo Ogwa aga asai, tama agai homu kolesaga da mawai, dago te God aga God mu dao, te dago konemainogo te kolesaga da mawai. Da aga Ogwa Jisas Krais dali wadolama bidibaso, tama da God dali bidibo dao. Te Krais da, te aga God mu dao, tama agai te bidibo ula sesemane sogo bidada peyu, bidada pabo ula mabo dao.

Dwagi Yai Gesi Po Jongo Asęani 6:37

Eno Ayago enabolo mabo we bidi tigidali augwali ena pageba asaibao, ena wali asomainogo. Ena pageba asobo bidi te aga eno me sela sągobeo, mu menio.

Dwagi Yai Gesi Po Jongo Asęani 17:24

“Aya, eno homugo nago ena mani bidi dabe augwali ena bidibo bulude ena dali da hodobo nosali bidaio, augwaligo eno bomo yai ula dali bomo dali sumainogo yaibao. Polobadu, te tǫ pedalisiąbadi, te sogo nago ena godolo mu eyu, tama nago te bomo yai ula dali te bomo dali enabolo mawai dao.

Dwagi Yai Gesi Po Jongo Asęani 17:2

“Tama nago ena sa muyu, moni bomo mayu yai dao. Ena te tigidali tǫde we bidigo genuai bidi dao weyu, tama nago te bomo enabolo mawai dao. Magi basowe? Te bidada pabo bomo te we bidi nago enabolo mani we bidi augwali eno te bidada pabo bomo mawaibao, te homu eyu, nago enabolo te nogi yai sę mawai dao. Tama te bidada pabo bomo menama, tama augwali bidada peyu, bidada paibao, gamonaibao.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

Dwagi Yai Gesi Po Jongo Asęani 15:19

Tama dage e tǫde bidi mu tigi sogo da, teda tǫde we bidi augwaligo dage dali dwagi yai homu eyu, dage augwaligo hani da wagi da. Tiali goli dage e tǫde bidi menio. Eno dage saiba olama, sa muyu, dage ena bage dao wai dao. Tama dagego e tǫde kolesaga tagalai dao. Tama tibaso, tǫde we bidi augwaligo dage dali boi bidi yabo homu ebo dao.

Kraisgo Geme Dualali Sę Pedelabo Po Jonbolo Ola Mani 3:8

Nago ebo kolesaga tigidali te eno koneai. Eno koneani, nago bomo dwasianu elaluali digi tama nago ola mani po wali peyu, tama nago eno nogi hogwa sabeo, eno nogi geme dualobeo. Suao. Te nago gesabidide te eno tų dala munama elaluai, tama niwai bidigo te tų me paligobeo.

Hibru 3:6

Tiali goli Krais aga da te Godigo Ogwa, tama agai da te Godigo hani augwali tonaluyu tama te tobolu bidi bidibo sę elaluyu, tama agai me te sęde Godide homu kęą pai bidi bidibao. Tama tibaso, agai nogigo te Mosesgo nogi aiyaba elalubo dao. Tama sesemane sogo dago konealubo po dąų weyu tama wi isąyu tama dago wiegi yai homu pemene elama tama Genuai Bidi naga tonaluyu da, teda da me te Godigo hani mu bidaibao, te da agai be tiwai elaluaibao.

Dwagi Yai Gesi Po Jongo Asęani 15:7

Dage ena dali wadolama bidiyu, tama eno wali po dage dali bidiyu da, tiali dagego magi naide hanalu obaso da, tama te eno dagebolo mawaibao. Dagego homu koneani gilama, dagebolo tama pedelaibao.

Godigo Nogi Ugwaba Sabo Tęąbi Po Wabo Buku Dabe 22:22

Nago tama tiwai ebaso da, teda eno te ena hani bidi dabebolo nago yali sę po pusaibao. Augwali te lotu weyu, deliba sisinibo side, tama eno nago nogi te augwali tomode ugwaba saibao.

Ma Dobola Sali 9:16

Tiali goli, eno nage hodolama, te tuni bidi nigiliyu, te eno genuai bomo dagebolo ola mayu, tama te we bidigo eno genuai nogi te tigidali tǫba te po pusugi pomainogo tebao.

Kraisgo Geme Dualali Sę Pedelabo Po Jonbolo Ola Mani 2:13

Nago bidibo bulu eno koneai dao. Te bulude te dwai mobo bidi Satan agai we bidi hauwa tonaluyu te tuni bidi bidibao. Tiali goli, nago eno nogi bomo elama tolaluyu, tama enade homu kęą pai bidi bidibao. Tama nago te enade konealubo po hogwa sabeo. Tama tiyu, polobadu te bidi me nogi Antipas, te eno po te we bidibolo pusali bidi, te bidi dage dali bidai. Tama agai eno po wali mu pai dao. Tama augwaligo dage tomode te bidi ela muai, te Satan bidibo bulude. Tama te sogo me te dagego eno nogi dualobeo.

Hibru 2:12

Te Jisasgo da “ama” wabo pode augwaligo polobadu e po bukude asęai dao, “God, eno nago nogi te eno ama dede augwalibolo pusaibao. Awe, te eno nago nogi ugwaba sabo tęąbi weyu, te genuai po miyu sisinibo madi tomode te po pusaibao.”

Polgo Si Wali Pas Timotiba Asęani - 2TI 1:13

Te doloba pai tau sabo po nago eno pedauwalide odali. Te odali po te usu ni tiwai elaluyu, tama te po bugagia wali pao. Tama tiyu, nago konealubo po Krais Jisasba bomo elama dąų weyu, tama aga dali wadolama, tama God dali, we bidi dali dwagi yai homu eyu godolo mu eyu bidao.

Kolosi 3:16

Krais agai ola mani po te wiegi yai po mu naga dao. Tama te po dagego homude bugagia elalumainao. Duga hasi dagego wiegi yai homu kolesagago Kraisgo po ola mayu tama dua dao, e pode geda mugio, te tobage po weyu duga hasi ola mao. Tama tiyu, tama dagego haniani balia po wao, tama te lotu balia wabo buku nogi Tęąbi Po Buku, te bukude elalubo Godigo nogi ugwaba sabo po me, te Kraisgo nogi ugwaba sabo tęąbi po me, te Godigo Mobo Bidigo mabo haniani tęąbi pogo me duga hasi ola mao. Dagego duga homude Godibolo usu da po weyu tama te balia po wao.

Polgo Po Pas Rom Dabeba Asęani 11:2

Te Godigo hani augwali te agai polobadu koneyu hagea sai, agai te augwali me sela sąwai menio. Dagego te Godigo po pusali profet bidi Elaijago po te Godigo po bukude elalubo te dagego koneani. Elaijago gedu haluasa po olama, tama te Israel dabe augwali te Godigo gesabide po tų ela mawai. Agai te wali po e dao,

Godigo Sęba Tagala Palai Bidigo Po 13:48

Tama te Juda hani isąwai we bidi augwaligo Polgo wali po odama, augwaligo bugai homu mu yai. Bugai homu mu elama, augwaligo te Genuai Bidigo po ugwaba sai. Tama tigidali we bidi Godigo sesemane bida bida pabo kolesaga somai hagede polobadu sa muai we bidi, tama augwaligo megi Godigo po odama, te po mu po dao homu elama, te poba augwa homu tigidali muani.

Dwagi Yai Gesi Po Jongo Asęani 18:9

Tamadi agai te po God dali wai, “Nago ena mani bidi dabe augwali eno me tagalobeo,” wali. Tama Jisas agai te tamadi wali po usu numainogo, agai ‘Augwali olo pomainao’ po megi wali.

Dwagi Yai Gesi Po Jongo Asęani 17:16

Ena da e tǫde bidi menio. Te tiwai augwali me e tǫde bidi menio.

Dwagi Yai Gesi Po Jongo Asęani 17:14

Nago po eno augwalibolo mawai dao. Tama tǫde we bidigo augwali dali boi bidi gagawai dao. Ena da e tǫde bidi menio. Te tiwai augwali me e tǫde bidi menio. Tama tibaso, tǫde we bidigo augwali dali boi bidi gagawai dao.

Dwagi Yai Gesi Po Jongo Asęani 15:3

Tama eno dage meda meni yai bidi dabe ilai dao. Eno dagebolo polobadu wali pogo te dage meda meni yai bidi dabe ilai dao.

Dwagi Yai Gesi Po Jongo Asęani 12:28

Aya, naga nogi genuai emainao, eno homugo tama te ebo dao,” Jisasgo te po wai. Te po olama, tama dagaludu po me deli duali, “Eno ena nogi genuai yai dao. Tama eno nogi genuai ma ilaibao,” dagaludu po asiyu, te po Jisas dali wai.

Dwagi Yai Gesi Po Jongo Asęani 6:39

Tama te ena tagala palai bidi agai homugo tama tiwai, agai enabolo mani we bidi eno me deli hagalamuo. Menio. Agai homugo eno augwali te tǫ dali dagalu dali sia sabo sogo augwali tigidali eno ma hodolaibao.

Dwagi Yai Gesi Po Jongo Asęani 1:18

Menio. Bidi me deligo God munu me gedugo subeo. Mu menio. Tialima, te Godigo ogwa deli aga aya pąde bidibo, agai Godigo page dabolo ola mawai dao.

Bugagia Bidibo Kolesagade Po Asęai Buku 23:23

Nago te mu kolesaga sainu bomo eyu, tama te wiegi yai homu, me te tobage wiegi yai kolesaga dabe sabo bomo yao. Nago te wiegi yai kolesaga tagalabo homu me igio.

Bugagia Bidibo Kolesagade Po Asęai Buku 2:10

Te nago wiegi yai homu hauwa selama, tama naga te koneani kolesagade te wiegi yai homu bugagia yaibao.

Godigo Nogi Ugwaba Sabo Tęąbi Po Wabo Buku Dabe 119:11

Eno nago po eno homude munama, tama eno konealuai. Magi baso meni, eno nage dali dwai sę idali weyu tibao.

1 Pita 1:1

Ena da Pita da, te Jisas Kraisgo tagala palai bidi me deli dao. Tama te dage haniani gasa tedali bulude bidibo we bidibolo eno e pas asęna tolobao. Dage meba te moni tǫ nogi Pontus tede bidibao, meba te moni tǫ Galesiade me, meba te moni tǫ Kapadosiade me bidibo, meba te moni tǫ Esiade me bidibao, meba te moni tǫ nogi Bitiniade me, dage te tǫde bidalubo, tede osogo bidibo we bidi tiwai bidibao.

Dwagi Yai Gesi Po Jongo Asęani 8:51

Mu po eno dagebolo obao, eno po wali pabo bidi dabe augwali munu me isigobeo,” Jisasgo te po wai.

Dwagi Yai Gesi Po Jongo Asęani 8:52

Te Juda bage augwaligo Jisasbolo te po wai, “Megi da dago mu konebao, nagede dwai haubo mobo bidi bidibao. Abraham isai dao. Godigo nosali yabo sę po ola mani profet bidi dabe me augwali isai dao. Te genuai nogi elalubo bage augwali isai digi, nago te po wai, ‘Eno po wali pabo bidi dabe augwali munu me isigobeo.’

Dwagi Yai Gesi Po Jongo Asęani 17:7

Megi da augwaligo konebo, tigidali nai nago enabolo mani nai te nage pagedu te nai asai.

Dwagi Yai Gesi Po Jongo Asęani 17:12

Tama ena augwali dali bidibo sogo da, nago nogi elalubo bomogo eno augwali bugagia tonaluali, nago te enabolo mani bomo. Eno augwali bugagia tonaluyu, tama augwali me hagabeo. Hagawali te bidi deli digi hagawai dao. Te nago polobadu bukude asęyu wali, te po nai gilama walomainogo, te dolabo bidi deli naga tamadi hagawalio,” wali.

Kraisgo Geme Dualali Sę Pedelabo Po Jonbolo Ola Mani 3:10

Nago eno po wali peyu, tama sęgę nageba pedalobode te nage bomo elama dolaluai. Tama tibaso, nage eno bugagia tonaluyu, tama te usu sabo sę te tigidali we bidibolo te tigidali tǫde pedalainogo eyu, te sę nagebolo pedalidali weyu eno nage paliaibao.