Dwagi Yai Gesi Po Jongo Asęani 17:11 - Godigo dwagi yai po buku

¹¹ Tama megi da ena tǫde ma bidigobeo. Tialima, augwali da tǫde me bideibao. Tama ena da nage bidibo madigi asobao. Aya, nage magi dwai sę me isiąwai bidi, nago augwali tonaluao. Nago enabolo nago bomo mawai dao. Tama te bomogo nago augwali tonaluao, augwali me deli homu naga elama, bidimainogo yao. Dadi si deli homu elama bidibo gilama, te tiwai augwali me te emainao.

Dwagi Yai Gesi Po Jongo Asęani 17:11 Referans Kwoze

Matyu 6:9

Tama dagego gedu haluasa po e tama wao, ‘Dago Aya, nage dagalude bidibo bidi, dago homugo nago nogi wiegi yai tedali mu bideibao.

Bugagia Bidibo Kolesagade Po Asęai Buku 18:10

Genuai Bidi te bomai be me deli elalubo tiwai ebao. Te doloba pai kolesaga ebo bidi dabe augwa te beba udula sobaso, tama bugagia bidaibao.

Hibru 9:24

Dago koneao, Krais aga te Tedali Gasagi Yai Be habu tomoba peyu, aga te bidi dabe augwaligo nogogo sę yai be tomoba pelama, tama te Godigo be mu tiwai elama te piksa tiwai naga ebeo. Menio. Aga te dagaluba digi tomoba dolo mu pai. Tama megi aga te God gedude hania bidibao, tama agai da tau sabo sę megi ebo dao.

Efesus 4:4

Tama da Godigo po wali pabo we bidi da tigidali deli tigi tiwai elalubo, tama te Godigo Mobo Bidi me te deli naga bidibo dao. Tama tiwai elalubaso, Genuai Bidi agai da i wali sogo te sogo te po wai, “Te ena ma asobode homu konea paluyu, tama dage ena tonaluao,” te po deli naga dao.

Filipai 2:9

Tama tialide Godigo aga ugwaba mu sela muai, tama agabolo te gasa nogi tigidali aiyaba elalubo genuai nogi mawai.

Dwagi Yai Gesi Po Jongo Asęani 17:25

Aya, nage doloba pai bidi mu dao. Tama tǫde we bidi augwaligo nage konebeo. Tiali goli, eno da nage koneai dao. Tama e bidi dabe augwaligo konebao, te nago ena tagala palama, ena asai dao.

Dwagi Yai Gesi Po Jongo Asęani 13:1

Te olo bidibo si nogi Pasova pedalisiąbadi, deli sogo naga elalubadi, tama Jisasgo koneai, aga e tǫ tagalama, Aya pageba pabo sogo te pąba yagasai. Tama Jisas agai aga te tǫde bidibo we bidi tigidali sogo godolo mu eyu bidai. Megi agai te godolo mu ebo sę tagalobeo. Agai augwali godolo mu ela pidubadi te aga isibo sogoba usu nai dao.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Dwagi Yai Gesi Po Jongo Asęani 16:33

Eno homugo dage ena dali wadoloyu, tama dwagi yai homu nagame elama bidimainogo eyu, eno e po tamadi tama dage dali wai dao. Dage tǫde bidibadi te tǫde we bidi augwaligo dwai sę dage dali yaibao. Tialima, dagego homu bomo elama, bidao. Eno e tǫde kolesaga aiyaba elaluai dao,” Jisasgo te po aga sę bidi dabe dali wai.

Dwagi Yai Gesi Po Jongo Asęani 14:20

Tama te sogo asobo si, dagego koneaibao, ena eno Aya dali bidibo dao, tama dage ena dali bidibo dao, ena dage dali bidibo, te dagego koneaibao,” Jisasgo te po wai.

Jutgo Asęani Pas 1:1

Ena Jut da, ena te Jisas Krais agai sę ebo bidi da, tama ena Jems aga amanu dao. Tama eno e po dage Godigo i wali we bidibolo asęna tolobao. Tama God dago Aya agai dage dali dwagi yai homu eyu, tama godolo mu ebo dao. Tama Jisas Krais me agai dage palibo dao. Augwali sigo dage dali tama tiyu, tama dage bugagia bidibao.

1 Jon 5:19

Dago koneai, te tigidali tǫde bidibo we bidi augwali te Satango dologode bidibo digi, da Godigo wai dabe bidibao.

Jems 4:4

Dage te penani ebo we tiwai dao, te we aga bidi dali bidisiąyu, gasa bidi dali penani ebo tiwai dao. Niwai bidi agai e tǫde ebo kolesaga naga godolo eyu da, teda te bidi aga God dali boi bidi homu ebo dao. Te dagego konebewe? Tama tiyu, niwai bidi agai te tǫde kolesaga ebo bidi dabe dali abagi weyu, te bidigo aga digi te God dali boi bidi gagawai.

Godigo Sęba Tagala Palai Bidigo Po 3:21

Megi agai dagalude tonalu bidibo, Godigo tigidali nai gesi ma ilibo sogo, te sogo asobo tonalubo. Te po polobadu Godigo agai po pusa mabo bidigo dabebolo wai, mu dolo yai bidi dabe. Tama augwaligo te po pusa mani.

Dwagi Yai Gesi Po Jongo Asęani 13:3

Tama Jisasgo koneai, ‘God agai tigidali bomo enabolo mawai dao. God agai ena tǫba tagala palai, te ena God aga pageba ma paibao,’ te me aga koneai.

Aisaia 64:2

Augwali te siade ulalubo sene sospende tomode te posolo ąį punuguna tagalobo tiwai yaibao. Nage te naga genuai bomo dali asobaso, te boi bidi dabego nago nogi konemainao, te nage augwaliba pedalubo sogo te tigidali tǫ kantri we bidi dabe wi elama, noma saibao.

Godigo Nogi Ugwaba Sabo Tęąbi Po Wabo Buku Dabe 79:9

God, nage te da ma sabo God dao. Nago te naga genuai nogi sabode koneama, te da tau sao. Nago da ma siyu, tama dago dwai sęgę tigidali te sela sąyao, tama dago te nago nogi ugwaba saibao.

Kraisgo Geme Dualali Sę Pedelabo Po Jonbolo Ola Mani 4:8

Tama te bidibo ula elalubo hasa me si me si, te augwali deli deligo bogo te a naga olama me badu nogo deli elaluali. Tama gedu hauwago augwali tigi te bulu badu me tomo badu me usu nama mu elaluai. Te bogo dologode me elaluali. Tama ulade dali te hulide dali augwaligo te balia weyu te po wabo, “Genuai Bidi Godigo tigidali bomo elalubao, te aga wiegi yai tedali, wiegi yai tedali, wiegi yai tedali mu dao. Tama polobadu aga bidai, tama megi me aga bidibo, tama nosali aga asaibao.” Tama augwaligo te po wabo toma me tubo menio.

1 Pita 1:5

Tama dagego duga homu tigidali te Krais agaba mubaso, God agai bomogo dage bugagia tonalubao. Tama nosali te tigidali nai silabo bodolu mani sogo pedalobo si, agai te we bidi ma dobola sabo kolesaga polobadu sisi ela muani te sogo waselaibao. Tama tibaso, megi agai dage bugagia tonalubao.

Galesia 3:28

Tama aga homu kolesaga siyu, tama dage Krais agai we bidi bidiyu, tama dage deli hani naga bidaligo da, teda dage haniani tedali tedali bage dao, te homu egio. Polobadu dage meba Juda hani we bidi bidai, meba Juda hani isiąwai bidi bidai. Meba nogi meni yai we bidi bidai, meba genuai nogi elalubo bidi bidai. Dage meba bidi, meba we dao. Tiali goli megi dage te haniani tedali tedali bidali kolesaga mu sila palio. Dage te Krais Jisasde wadolama, tama dage tigidali megi Jisasde we bidi hani deli naga mu bidibo dao.

1 Korin 1:10

Ama dedeo, te dago Genuai Bidi Jisas Krais agai aga nogigo bomo enabolo mobaso, eno homu dene ebadi te nogi bomogo eno e po dagebolo megi obao, dage tigidaligo deli homu naga eyu tama po deli tama wao. Dage si sela pebeda pigimio. Te mu menio. Dage bidibo deli hani tama bidiyu, deli homu kolesaga naga dali, te deli sę yabo homu dali te sę yao.

Polgo Po Pas Rom Dabeba Asęani 12:5

Tama te tiwai me da haniani we bidi hauwa elaluali goli, Kraisde da wadolama tama da tigi deli naga elalubao. Tama bidiyu, tama da tigidali deli deli da tigidali te gasa badu abagi tiwai dao.

Polgo Po Pas Rom Dabeba Asęani 9:17

Tama Mosesgo te bukude asęani Godigo e tiwai po te Isip tǫ tuni bidibolo wali, “Eno bomo tigidali bidibolo ola mawaio wali, te augwaligo eno nogi te tigidali tǫba sela pelama pusugi pomainogo obao. Tede naga eno nage hodolama, tama tuni bidi nigilama, tama eno te nage dali hwįbo dao,” Godigo te wali po asęani.

Dwagi Yai Gesi Po Jongo Asęani 16:28

Polobadu ena Aya dali bidai, tama eno aga taga soyu, ena e tǫba dulai. Tama megi ma eno e tǫ taga peyu, Aya God bidibo digi painogo ebao,” Jisasgo te po aga bidi dabe dali wai.

Dwagi Yai Gesi Po Jongo Asęani 7:33

Tialima, Jisasgo te po wai, “Dwasianu sogo ena dage dali bidaibao. Te silibo si, ena te ena tagala palai bidi pageba ma paibao.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Matyu 5:48

Tiali goli dage, te dage wiegi yai kolesaga dali bugagia doloba pai mu bidiąo, te duga dagalude bidibo Aya aga bugagia doloba pai mu bidibo tiwai gilama yao,” Jisasgo te po wai.

Esekiel 20:44

Dagego te tiwai bugagia koneaibao, eno dagego te dwai kolesaga yali sę pagede wei ponobo sę dolo me ebeo. Menio. Eno ena wiegi yai nogide homu kone palama, te eno dageba wiegi yai sę mu yali. Tama dagego te tiwai bugagia koneaibao, ena digi ena Genuai Bidi da. Ena God Genuai Bidigo, eno te po wai dao,” wali.

Esekiel 20:22

Tiali goli, eno tama tebeo, magi baso meni, te tiwai eyu da, te gasa hani we bidi dabego gedude te eno nogi aiyaba elaluidali homu yali. Te hani dabego eno te Israel dabe Isip tǫ kantride selama, odasa asobo suali, tibaso eno te Israel dabe dolainu yali homu hagela yai.

Esekiel 20:9

Tialima, eno te sę isąwani, magi baso meni, tego eno nogi aiyaba elaluidali weyu yali. Eno te Israel augwaliba te tama bomo yai po dąų walama, te eno augwali eno Isipde selama, odasa asaibao wali. Tama eno te dąų wabo bomai po te gasa hani we bidi gedude dąų wali, te Israel augwali tomode bidali. Eno te dąų wali bomai po wali pisąbaso da, teda ena digi ena nogi te augwaligo gedude aiyaba elalueibao,’ te po wao,” wali.

Jeremaia 14:21

Tialima, nago te naga genuai nogide homu kone palama, te nago naga be homu koneao, te naga wiegi yai king duabo sia sai tiwai elalubao, tama te boi bidi dabego te be dolomainogo sula tagaligio. Tama nago te bomo yai po da dali dąų wali homu kone palama, tama naga te dąų wali bomo yai po boligio.

Jeremaia 14:7

Te we bidi dabego gedu haluasa po weyu, te tiwai wali, “Mu tamao, Genuai Bidi, dago nage tudiba muyu, te nago gedude dwai sę hauwa yali. Tama dena te yali dwai sęgo dena ma po tų ilalio. Tialima, Genuai Bidi, te naga genuai nogide digi homu kone palama, te nago da hobede yao.

Kraisgo Geme Dualali Sę Pedelabo Po Jonbolo Ola Mani 19:12

Tama te gasa nogi te “Mu po naga wabo bidi.” Tama agai gedu te sia bogoli ebo tiwai yali, tama agai tobolude te tuni bidigo mubo wiegi yai madi hauwa muai elaluai. Tama agai tigide po me deli asęai elaluali, te aga nogi dao. Te agaduba deligo naga te nogi page koneani, tama gasa bidi dabe augwaligo te nogi me konebeo.

Kraisgo Geme Dualali Sę Pedelabo Po Jonbolo Ola Mani 15:4

Tama Genuai Bidi, nagaduba deli digi naga nage te magi dwai sę me esiąyu wiegi yai doloba pai mu bidibo dao. Tama tibaso, niwai bidigo nage dali wi egobewe? Tama niwai bidigo nage nogi ugwaba sogobewe? Te tobage bidi menio. Tigidali bidi hani augwali aselama, nage pagede lotu po nage dali wagasaibao. Magi baso menio, nago doloba pai kolesaga te hania bulu ulaba pedalai dao,” augwaligo te tęąbi po wabo eno odali.

Jutgo Asęani Pas 1:24

Te God agai bomo elalubaso, agai dage bugagia tonaluyu, dage me tulalugobeo. Tama agai dage tau siyu, tama dage dwai sę me isiąwai, dwagi yai homu pemene mu eyu, tama agai dage aga moni ula elaluyu gegemani ebo madigi teba sela pabo usu yaibao.

1 Jon 3:12

Da te polobadu bidali bidi Kein bidali tiwai bidamuo. Aga te Satango bidi bidai, tama agai aga ama ela muai. Tama magi baso aga ama ela muaniwe? Agai dwai kolesaga naga yali, tama aga amago yali kolesaga tigidali dwagi yai doloba pai kolesaga yai. Tibaso, aga sębę elama, aga ama ela muai.

Dwagi Yai Gesi Po Jongo Asęani 17:6

“Tǫde bidibo we bidi meba nago sa muyu, tama nago augwali dią sali. Tama nago augwali dią selama, tama nago augwali enabolo mani. Te augwali nago bidi te elaluama, tama nago enabolo mani. Tama augwalibolo eno nago nogi haninai dao. Tama augwaligo nago po bugagia wali pai dao.

Dwagi Yai Gesi Po Jongo Asęani 17:23

Ena e bidi dabe augwali dali bidiyu, tama nage ena dali bidiyu yai, tama tiwai eno homugo augwali me deli homu elama, bidimainao. Tama tiyu, te tǫde we bidi augwaligo koneaibao, nago ena tagala palama, ena asai. Te me augwaligo koneaibao, te nago ena godolo mu ebogia, nago e bidi dabe me godolo mu ebo dao,” Jisasgo te po wai.