Dwagi Yai Gesi Po Jongo Asęani 16:32 - Godigo dwagi yai po buku

³² Edao. Te sogo pąde pedalainogo ebao, te polo pedalalio, tama augwaligo dage tigidali deli deli pobeasa bilibaso, tama duga buluba tedela paibao. Tama dagego ena taga peyu, enaduba deli digi bidaibao. Tialima, enaduba me bidigobeo. Aya God ena dali bidaibao.

Dwagi Yai Gesi Po Jongo Asęani 16:32 Referans Kwoze

Sekaraia 13:7

Te Tigidali Bomo Elalubo Genuai Bidigo te tiwai po wali, “Bainat hwą, nage hodaluama, tama eno tonalubo sę ebo bidi dali hwįao, te bidi ena pąde bidibo bidi yali goli. Aga ela mubaso da, teda te sipsip dabe wi tedela sąwaibao. Te tama tiwai naga eno te ena we bidi dabe dali boi hwįaibao.

Matyu 26:31

Te augwali te Oliv bulu duba sabolama, tama Jisasgo augwalibolo te po wai, “Megi e sogo hulide dage da, te dage tigidali te enaba duga homu tigidali mubo sę tagalama tuloluaibao. Magi baso meni. Te Godigo polobadu wali po augwaligo te bukude asęani, te po tama wai, ‘Eno te sipsip tonalubo bidi elibaso, tama te sipsip hani dabe augwali tedali tedela wi paibao.’ Te asęani po elalubao.

Dwagi Yai Gesi Po Jongo Asęani 8:29

Agai ena tagala palobaso, ena asai, agai ena dali bidibao. Agai ena tagalama, enaduba bidibo menio. Magi basowe? Eno ebo sę te God agai godolo yabo sę naga ebo dao,” Jisasgo te po wai.

Dwagi Yai Gesi Po Jongo Asęani 8:16

Tialima, eno bidi me osola sugi sogo da, teda eno dolo mu naga te bidi osola sugi da. Magi basowe? Enaduba naga te sę ebo menio. Ena tagala palali bidi ena Ayago ena dali te sę ebo dao.

Dwagi Yai Gesi Po Makgo Asęani 14:27

Te Jisasgo augwalibolo te po wai, “Te dage tigidaligo ena taga peyu, tama wi paibao. Magi baso meni. Te Godigo po bukude elalubo po me deli tiwai dao, te Godigo wali po e dao, ‘Eno te kibu sipsip tonaluali bidi elibaso, tama te sipsip dabe wi tedela paibao,’ te po wai dao.

Matyu 26:56

Tiali goli te sę tigidali enade megi pedalobo te polobadu Godigo po pusali bidi profet dabego bukude asęani po usu nainogo ebao,” Jisasgo te po wai. Tama aga wali pali bidi dabe augwaligo Jisas taga peyu, tama augwali wi pela silai.

Dwagi Yai Gesi Po Jongo Asęani 20:10

Tama te bidi augwali sigo te sę tigidali sulama, tama augwali si augwa si beba ma pai.

Dwagi Yai Gesi Po Jongo Asęani 16:25

Te Jisasgo te po wai, “Te eno te po begelama, dage dali wai dao. Nosali eno po begelama, dage dali ma wagobeo. Te meni. Eno po hanilama, Ayade po dage dali waibao.

Dwagi Yai Gesi Po Jongo Asęani 16:2

“Augwaligo dage te Juda dabego bomo yai po ola mabo bede mu sela sąwaibao, te dagede habu selebao. Tama te sę naga egobeo. Nosali sogo pedalobode, tama te dage ela mubo bage augwaligo homugo Godigo sę augwaligo bugagia ebao, te homu yaibao. Tama te homu eyu, tama dage dali tiwai sę yaibao.

Dwagi Yai Gesi Po Jongo Asęani 4:23

Tialima, te sogo pedaliyu da, megi tama pedalalio, tama tigidali bidigo lotu po mu wabo bidi dabe da augwali lotu po augwa mobo bidigo waibao, augwa dolo ebo kolesagago me lotu po waibao. Tama Aya Godigo te tobage bidi gegebo dao, agabolo lotu po omainogo.

Dwagi Yai Gesi Po Jongo Asęani 4:21

Jisasgo te webolo te po wai, “Nago eno po mu po dao olama, konealuao. Me sogo deli pedaliyu, tama dagego te Ayabolo lotu po te bulu dude wagobeo. Tama dagego Jerusalem tede me lotu po wagobeo.

Dwagi Yai Gesi Po Jongo Asęani 12:23

Tama Jisasgo augwali dali po wei ponoyu, te po wai, “Te Godigo Bidi Mu aga moni nogi dali, moni bomo dali, te si sabo sogo mu pedalai dao, megi.

Dwagi Yai Gesi Po Jongo Asęani 5:28

Dagego noma selama, tama homu hauwa egimio. Nosali me sogo pedalobo side da, gų pagede bidali bidi augwaligo te Godigo Bidi Mugo wabo po odaibao.

Dwagi Yai Gesi Po Jongo Asęani 5:25

Eno mu po dagebolo obao, te sogo pedalaibao, tama te megi polo pedalalio, tama isai bidi augwaligo Godigo ogwago po odaibao. Tama te po odama wali pabo we bidi dabe da, augwali mu bidaibao.

Dwagi Yai Gesi Po Makgo Asęani 14:50

Tama aga wali pabo bidi dabe tigidali augwaligo aga taga peyu, tama augwali wi pelawai.

Godigo Sęba Tagala Palai Bidigo Po 8:1

Te sogo, Stiven isali sogode, augwaligo Jisas wali pabo we bidi elebo sę gagalali, te Jerusalemde. Te tebo sę genuagi mu yali. Tama Jisas wali pabo we bidi tigidali te Judia tǫ, Samaria tǫ te bulu siba wi tedela pali. Tiali goli, te Jisasgo tagala palai bidi dabe wi pabe.

Dwagi Yai Gesi Po Jongo Asęani 16:31

Jisasgo te bidi augwali dali po wei ponoyu, te po wai, “Megi da, dagego duga homu enaba mu muaniwe?

Dwagi Yai Gesi Po Jongo Asęani 19:27

Tama Jisas agai te sę bidibolo te po wai, “Te naga ida dao.” Tama te sogo te bidigo Maria aga beba odasa pelama, tama Maria aga dali bidai.

Godigo Sęba Tagala Palai Bidigo Po 21:6

Po olama, nosali da tigidaligo “Dage tao,” olama, da te moni geba tomoba pelama, te Jisasgo po wali pabo we bidi augwa beba geasa pali.