Dwagi Yai Gesi Po Jongo Asęani 16:25 - Godigo dwagi yai po buku

²⁵ Te Jisasgo te po wai, “Te eno te po begelama, dage dali wai dao. Nosali eno po begelama, dage dali ma wagobeo. Te meni. Eno po hanilama, Ayade po dage dali waibao.

Dwagi Yai Gesi Po Jongo Asęani 16:25 Referans Kwoze

Dwagi Yai Gesi Po Jongo Asęani 16:12

“Te eno po hauwa dagebolo maiabo me elalubo. Tialima, te po dagego megi sogobeo, te sęgę yai po mu dao.

Dwagi Yai Gesi Po Jongo Asęani 10:6

Jisasgo te po begelama, augwali dali wai. Tialima, augwaligo Jisasgo te wali po page augwaligo konebeo.

Dwagi Yai Gesi Po Makgo Asęani 4:13

Tama Jisasgo augwalibolo te po hanalu wai, “Dagego te eno po digi po begelama wali po page me konebe dawe? Tama tiyu da, teda dagego mena tama te begelama wabo po page tigidali koneaibawe?

Godigo Nogi Ugwaba Sabo Tęąbi Po Wabo Buku Dabe 78:2

Eno dageba te po dabe pusainu ebao. Eno te haniani sę dabe te polobadu geme dualaluali sę me te megi e sogoba usu nagasu, te po pusaibao, tama eno te po dabego page dagebolo pusaibao.

Godigo Nogi Ugwaba Sabo Tęąbi Po Wabo Buku Dabe 49:4

Eno po digi po begelama, hasia meba pusaibao. Tama eno dwagi yai tęąbi gita dali elama, tama dagebolo te po begelama wali po page pusaibao.

2 Korin 4:2

Menio. Dago te geme dualama hale ebo kolesaga te tudiba muanio. Te tibo po wabo kolesagade da me bilibeo. Tama dago Godigo po me hasegelegobeo. Menio. Dago mu po hanilama mu pusubo da, tama tigidali bidi deli deli augwa homugo dago pusubo po mu po dao konemainogo ebo dao, tama augwa dago ebo sę God gedude konemainogo ebo dao.

Dwagi Yai Gesi Po Jongo Asęani 16:2

“Augwaligo dage te Juda dabego bomo yai po ola mabo bede mu sela sąwaibao, te dagede habu selebao. Tama te sę naga egobeo. Nosali sogo pedalobode, tama te dage ela mubo bage augwaligo homugo Godigo sę augwaligo bugagia ebao, te homu yaibao. Tama te homu eyu, tama dage dali tiwai sę yaibao.

Bugagia Bidibo Kolesagade Po Asęai Buku 1:6

E bukude elalubo pogo te da tau sobaso, te po digi po begelama wali po, me te po piksa ola mabo po, me te wiegi yai po me te kolesaga koneai bidi dabego geme dualama wabo po page te dago koneaibao.

Esekiel 20:49

Genuai Bidigo po ola simanobo si da, tialima eno te tama po wei ponani, “Hobede ya, God Genuai Bidio, eno te po augwalibolo pusubo si, magi yaibawe? Tigidali we bidigo eno te tobage begelama pusubo po odobo hagela ebo dao.” Ena Esekiel eno te po wali.

Dwagi Yai Gesi Po Makgo Asęani 4:34

Agai te po te we bidi augwalibolo hanilama me pusubeo. Menio. Agai te po begelama naga pusali. Tama aga te wali pabo bidi dabe naga aga dali bidibadi, agai te po page tigidali hanilama augwali dali pusuyu yai dao.

Dwagi Yai Gesi Po Makgo Asęani 8:32

Agai te po augwalibolo hania haninama wai. Tama tibaso, Pitago Jisas te sesege badu odasa solama, tama aga dali te tobage po wagio po wali.

Dwagi Yai Gesi Po Jongo Asęani 10:24

Jisas te moni be mabode bilibadi, tama Juda bage aselama, Jisas bagulama, te po wai, “Nisu naga sogo nago dago homu si pedemainogo ebawe?” Juda bagego Jisas dali te po wai. “Nage Godigo sa muyu asaiba wali bidi da, te Krais bidi da wida, nago po hanilama, da dali wao,” augwaligo te po wai.

Dwagi Yai Gesi Po Jongo Asęani 16:32

Edao. Te sogo pąde pedalainogo ebao, te polo pedalalio, tama augwaligo dage tigidali deli deli pobeasa bilibaso, tama duga buluba tedela paibao. Tama dagego ena taga peyu, enaduba deli digi bidaibao. Tialima, enaduba me bidigobeo. Aya God ena dali bidaibao.