Dwagi Yai Gesi Po Jongo Asęani 16:20 - Godigo dwagi yai po buku

²⁰ Eno mu po dage dali obao, dage genuai gela weyu, tama homu dene eyu, gela mu waibao. Tiali goli, enade konesiąwai we bidi augwali da dwagi yai homu yaibao. Tama dagego homu sęgę yaibao. Tiali goli dagego homu sęgę yali ma begelama, dwagi yai homu mu yaibao.

Dwagi Yai Gesi Po Jongo Asęani 16:20 Referans Kwoze

Jems 1:2

Eno ama dedeo, haniani sęgę dagebolo pedalobaso da, teda dwagi yai homu yao.

Matyu 5:4

Tama te gela udubo we bidi dabe, te augwali homu pemene yaibao. Te Godigo augwali mumanama homu wiegi yai pemene ma ilaibao.

2 Korin 6:10

Da Godigo sę ebo bidi dabe, da te homu sęgę mu hauwa sogo ebo dao, tiali goli te magigo meni, sesemane sogo dago homu pemene wiegi yai ebo dao. Da te magi nai meni yai bidi tiwai bidibo dao, tiali goli tagala, dago te mu wiegi yai nai hauwa we bidi hauwabolo mabo dao. Da te bidigo gedude te magi nai deli me meni yai tiwai ebo dao, tiali goli te meni, dago tigidali nai mu elalubo dao. Tama tebogo te tigidali we bidibolo hania ola mabo dao, da te Godigo sę ebo bidi dabe mu dao.

Dwagi Yai Gesi Po Makgo Asęani 16:10

Te we Maria agai Jisas sulama, tama aga pelama, te Jisas dali wali bilali bidi dabebolo te aga suali po wagi pai. Te bidi dabe augwali homu sęgę elama, tama augwali gela weyu bidaludai.

Jeremaia 31:25

Te bidi me deligo tigi bomo silibaso da, teda eno aga dąų walaibao. Tama te bidi aga haliga sęgę elalubaso, te eno agai haliga usu naibao,” wali.

Jutgo Asęani Pas 1:24

Te God agai bomo elalubaso, agai dage bugagia tonaluyu, dage me tulalugobeo. Tama agai dage tau siyu, tama dage dwai sę me isiąwai, dwagi yai homu pemene mu eyu, tama agai dage aga moni ula elaluyu gegemani ebo madigi teba sela pabo usu yaibao.

Dwagi Yai Gesi Po Lukgo Asęani 24:21

Tiali goli, polobadu dago homu tama yai, te bidigo agai da Israel we bidi te Rom gavman nogode bidali tagalama, agai da tonalumai yaibao. Dago te homu polobadu yai dao. Tiali, menio. Tama gasa po me tama telaluaio, te sę pedelai, tama megi te bidi duba elali, sela sogo bidibao,” te bidi si Jisas dali te po wai.

Godigo Nogi Ugwaba Sabo Tęąbi Po Wabo Buku Dabe 30:11

Nago eno homu sęgę elaluali te sela sąnama, tama nago ena te wiegi yai homu pemene tęąbi po omainu yali. Hasia ena te bidi isaide gela wabo bidi tiwai yali. Tiali goli, nago eno gela wabo hasegelama, tama eno homu pemene wiegi yai mu ilali.

Godigo Nogi Ugwaba Sabo Tęąbi Po Wabo Buku Dabe 30:5

Magi baso meni, agai wado po te pęwadage sogo naga waibao. Tama agai homu wiegi yai daba elama, tama da bugagia wiegi yai ilaibao. Te tigidali sogo da tǫde bidibo sogo te tama tibo dao. Te hulide eno gedu ąį dulali, tiali goli te kigamu da, eno te wiegi yai homu pemene ma yaibao.

Galesia 5:22

Tiali goli Godigo Mobo Bidigo te bidigo homude hodolobo dwagi yai kolesaga e dao: te we bidide dwagi yai homu eyu, godolo mu ebo kolesaga me, te dwagi yai homu ebo kolesaga me, te homu nagame ebo kolesaga me, te wei polo ponosiąbo kolesaga me, te we bidi tigidali tau sabo kolesaga me, te doloba pelama bilibo kolesaga me, te homu kęą pabo kolesaga me,

Polgo Po Pas Rom Dabeba Asęani 5:11

Tama tede naga me egobeo. Menio. Dago Genuai Bidi Jisas Krais agai da te God dali deli homu pedalumainogo ilali, tama agai te yali sęde te megi dago Godibolo wiegi yai homu pemene ebo dao.

Dwagi Yai Gesi Po Lukgo Asęani 24:17

Te Jisasgo augwali sibolo te po wai, “Dage si magi po ola peyu pobawe?” te bidi si dali Jisasgo te po wai. Tama te bidi si dolaluai, tama augwa si homu sęgę mu yai.

Dwagi Yai Gesi Po Lukgo Asęani 23:27

Te hauwa we bidi augwali Jisas wali pai. Tama te wali pabo we dabe hauwago Jisas hagede augwaligo gela weyu, te hobede ebo didigi weyu yai.

Aisaia 61:3

Te Saionde gela udubo we bidi dabeba eno te nagame yai haliga dua eyu, pemene ebo homu me selasa asaibao, te augwa bomo silali bageba tama tiwaibao. Augwali homu dene ebaso, te sia keli augwa toboluba muani. Tiali goli, eno te nai hasegelama, tama dwagi yai au yabo nai augwaliba mueibao. Awe, eno augwaligo tigiba te wiegi yai denami ebo wel mawaibao, tama augwali homu dene ebo tagalama, dwagi yai homu pemene eyu bidaibao. Te augwa bomo ma selama, te Genuai Bidiba pemene ebo balia waibao. Augwa tigidali te doloba pai kolesaga naga ebo sę bomo yaibao. Te gasa bidi dabego sueibao, augwali te Genuai Bidigo digi bulali ni kali tiwai elalubao, tama augwaligo Genuai Bidigo nogi ugwaba saibao.

Kraisgo Geme Dualali Sę Pedelabo Po Jonbolo Ola Mani 18:7

Te aga digi aga nogi ugwaba siyu, tama aga tigi naga tau sabo sę yai dao. Tama dagego agabolo dene dali sęgę dali si hauwa mayu, te yali dwai sę usu nama yao. Tama dagego aga gela hauwa omainogo yao. Magi baso meni. Agai aga homude e tama po wabo dao: ‘Ena te tuni we bidibao, tama ena te tuni bidi bidibo saide dulalubo dao. Ena te bidi isai we bidibo tiwai olo bidibeo. Tama tibaso, te sęgę enabolo pedaluyu, te ena gela me wagobeo. Mu menio,’ agai te homu ebo dao.

Kraisgo Geme Dualali Sę Pedelabo Po Jonbolo Ola Mani 11:10

Tama tǫde we bidi augwaligo te bidi si isalide augwali wiegi yai homu yaibao, tama augwali tęąbi eyu, nai tuyu, tama wiegi yai nai dabe dobu si yaibao. Magi baso meni. Te Godigo po pusali bidi sigo te tǫde bidibo we bidi tigidali dwai dene mawai dao.

Godigo Sęba Tagala Palai Bidigo Po 5:41

Tega sigo te kaunsil be tagalama pali. Tama te kaunsil bagego elali goli, mu ma bugai homu yali. Tama augwaligo te homu yali, ‘Da Jisasgo po wali pobaso, Godigo usu da olama, da te bidigo gedude naga moni hale mu selama, Jisasgo sę tau sali,’ te homu yai.

Dwagi Yai Gesi Po Jongo Asęani 16:33

Eno homugo dage ena dali wadoloyu, tama dwagi yai homu nagame elama bidimainogo eyu, eno e po tamadi tama dage dali wai dao. Dage tǫde bidibadi te tǫde we bidi augwaligo dwai sę dage dali yaibao. Tialima, dagego homu bomo elama, bidao. Eno e tǫde kolesaga aiyaba elaluai dao,” Jisasgo te po aga sę bidi dabe dali wai.

Dwagi Yai Gesi Po Jongo Asęani 16:6

Tialima, dage dali eno te tamadi wali po obaso, tama dagego homu sęgę mu te ebao.

Dwagi Yai Gesi Po Lukgo Asęani 22:62

Tama Pita agai Jisasgo te wali po ma koneagasu, buluba pelama, moni gela mu wai.

Dwagi Yai Gesi Po Lukgo Asęani 22:45

Te Jisasgo aga Godibolo wali po silama, tama hodaluama, tama aga bidi dabe pageba ma pali. Tama augwali godege pibo aga suali. Augwali homu sęgę mu ebaso, tama augwali godege piai.

Dwagi Yai Gesi Po Lukgo Asęani 6:21

Dage megi nasi ebo bage, dage bugai homu iyąo. Dage nosali tabiaibao. Dage megi gela wabo bage, dage bugai homu iyąo. Nosali duga gisugu waibao.

Dwagi Yai Gesi Po Makgo Asęani 14:72

Tama polo te ba kakaruk hwa si sogo wai. Tama Pitago te Jisasgo agabolo wali po te homugo ma kone palali, “Te ba kakaruk po si sogo wasiąbadi, tama nago po sela sogo wagi soyu, nago ena konebeo po waibao,” wai. Tama Pita aga dwai gela mu wai.

Aisaia 66:5

“Dage te wi elama, te Genuai Bidi, eno po dologoba asobo hani dabe, dagego te megi eno dageba pusainu ebo po odao. Dage ena wali asobo bomo yai, tama te duga deli hani dabego te dage godolu mu me isąma, te augwaligo dage tudiba muai. Te augwaligo dageba posobo po weyu, dageba te tiwai po wali, ‘Te Genuai Bidi aga genuai bomo dali asomainu eyu, te dage pemene ilimainao, te tebo dago sueibao.’ Tialima, eno te po obao, te dagego augwali dwai hale mu sabo sueibao, te po wali.

Aisaia 12:1

Tama te sogo dage Israel dabego te balia po waibao. “Genuai Bidi, eno nago nogi ugwabo sobao. Nago ena dali sębę yali, tiali goli nago sębę silalio, tama nago ena wiegi yai sę ilalio. Tama megi da, eno homu bugagia bidibao.

Godigo Nogi Ugwaba Sabo Tęąbi Po Wabo Buku Dabe 97:11

Godigo te doloba pai we bidi dabeba ula mayu, tama augwali homu pemene ilibo dao.

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

1 Tesalonaika 1:6

Tama dagego dago kolesaga dali, te Genuai Bidi Kraisgo kolesaga dali te kolesaga si dagego wali pabo gilama. Polobadu augwaligo da dali, Genuai Bidi Krais dali dene mani gilama, dage me Godigo po sobadi, tama dage me dene salio. Dage dene sali goli, te Godigo Mobo Bidi agai dagego homu dwagi yai mu ilalio.

Dwagi Yai Gesi Po Jongo Asęani 20:20

Jisas agai te po olama, tama agai nogo dali punali badu dali augwalibolo waselai. Tama agai bidi augwaligo Genuai Bidi sulama, tama augwaligo homu dwagi yai mu yai.

Matyu 21:38

Tiali goli te gide sę ebo bidi dabe augwaligo te ogwa asobo sulama, tama augwa hasi po miyu te po wai, ‘Te aga aya isibo si, e bidigo te aga ayago nai tigidali saibao. Asao, te dago aga ela muiąo, tama dago agai sabo gi saibao,’ te gide sę ebo bidi dabe augwaligo te po wai.