Dwagi Yai Gesi Po Jongo Asęani 15:25 - Godigo dwagi yai po buku

²⁵ Tama polobadu God agai po obaso, te bidi mego te po bukude asęani, augwaligo bomo yai po bukude. Tama augwaligo megi ebo boi bidi homu ebo sęde, augwaligo te po wali peyu, te po usu nuyu nai gilama walobao. Te polobadu asęani po e dao, ‘Augwaligo olo dali ena dali boi bidi yabo homu yai dao,’ te po wali,” Jisasgo te po wai.

Dwagi Yai Gesi Po Jongo Asęani 15:25 Referans Kwoze

Godigo Nogi Ugwaba Sabo Tęąbi Po Wabo Buku Dabe 109:3

Augwaligo po dwai mu enade wali, tiali goli augwaligo po te odolali walio. Te po page menio.

Godigo Nogi Ugwaba Sabo Tęąbi Po Wabo Buku Dabe 69:4

Te enaba odolali boi bidi ebo bidi dabe, augwali te hauwa umabo mu dao, te eno tobolu nisigo namba te augwalide usu isąwai. Te boi bidi dabego enaba dwai sę yainu yali, tama augwaligo te ebo kolesaga pagede tibo po wali. Te bidi dabego bomo mu elama, te ena ela muabo homu yali. Eno te augwaligo nai doado bage me deli te eno wi me sabe, tiali goli augwaligo te po hauwa enaba kisilama wali. Tama tialima, eno ena doado bage digi te augwaliba mawai.

Godigo Nogi Ugwaba Sabo Tęąbi Po Wabo Buku Dabe 35:19

Te bidi mebago ena dali odolali boi bidi ebao. Tiyu, augwaligo ena aiyaba elalu, te kęnę wabo te nago sula me tagaligio. Augwaligo odolali ena dali dwai homu ebao, tama tiyu, nago eno sęgęde te wiegi yai pemene emainu sula me tagaligio.

Dwagi Yai Gesi Po Lukgo Asęani 24:44

Te Jisasgo augwalibolo te po wai, “Polobadu ena dage dali bidibadi, tama eno dagebolo wai dao, tigidali po te polobadu bidi Moses bidibo side asęani, te polobadu Godigo po pusa mani bidi dabego asęani bukude me, te buku nogi Sam tede me asęani po me, te enade asęani po tigidali nai igilama mu walaibao wai,” Jisasgo te po wai.

2 Korin 11:7

Dagego koneani, eno te Godigo wiegi yai gesi po dagebolo ola mani sogo, tede eno masigi me sabeo. Te kolesagade ena digi ena aiyaba elaluama te dage ugwaba siyu yai. Magi yaliwe? Dagego homu eno te yali kolesagade te ena sęgę sali, agawe?

Kraisgo Geme Dualali Sę Pedelabo Po Jonbolo Ola Mani 21:6

Agai enabolo te po ma wali, “Te sę tigidali pedela silalio! Ena da, ena digi te hasia bidaluali bidi dao, ena te nosali mu sogo bidalueibao wali bidi mu dao, te ena tigidali nai page bidi, tama eno ebo sę tigidali ela silibo dao. Tama niwai bidi aga te ąį nogone ebaso da, teda eno te bidibo ula sabo ąį te wę ulude selama tama agabolo olo mawaibao.

Kraisgo Geme Dualali Sę Pedelabo Po Jonbolo Ola Mani 22:17

Te Godigo Mobo Bidi dali, te Kibu Sipsip Waigo we dali sigo te po obao, “Nage asao.” Tama e po odali we bidi tigidali augwaligo me te po wao, “Nage asao.” Tama te wę nogone ebo bidi, aga asomainao. Wę tuainogo ebo bidi, aga aselama, te bidabo ula mabo wę tuagasao, te Godigo agabolo olo mu mawaibao.

2 Tesalonaika 3:8

Tama da dage dali bidibadi dago dagego nogode tubo nai olo me sabe. Menio. Dago abeleyu naga yai. Dago sę bomo elama, tama siade me hulide me te sę dene hauwa mu eyu, tama dago dagebolo naga sęgę maidali weyu tiwai dao, dage habuge idali weyu.

Galesia 2:21

Tama da te Godigo gedude doloba pai we bidi pedalomainogo eyu, te bomai po bugagia wali pabo usu egi sogo da, teda da tau siyu Jisas aga olo naga isali, dago te homu egi da. Tialima agai te tiwai ebeo. God agai da dali olo mu tau sabo kolesaga eyu, Jisas tagala palali. Tama eno agai te sę yali tudi badu mugobeo,” eno te po me Pitabolo wai, te Antiok hanude.

Polgo Po Pas Rom Dabeba Asęani 3:24

Tiali goli Godigo da olo mu tau siyu mabo kolesaga yalio. Tama Krais Jisasgo yali sęgo da ma abelama, tama Godigo da doloba pai we bidi nogi poai. Dago te me abelebeo. Godigo olo mu dabolo te Krais Jisasgo yali sęde te doloba pai we bidi nogi poai.

Polgo Po Pas Rom Dabeba Asęani 3:19

Tama dago koneani, te tigidali bomai pogo ebo sę agai te da te bomai po dologode bidibo Juda bidi dabe dali te sę ebo dao. Godigo bomai pogo te da Juda bagebolo me te dena yali dwai sę ola mabo dao. Tama tialigo da, bidi me deli agai “Te ena doloba pai bidi dao,” te po wabo usu egobeo. Te Godigo bomai po te pogo sę si elalubao. Te bomai pogo dago ebo dwai sę dabolo ola mabo dao, tama dago wei ponobo po menio. Tama me, da tigidali bidi te da tigidali gasa haniani tǫde bidibo we bidi dago te Godigo gedude dwai sę yali elaluai, te Godigo da tigidali dali po tų yaibao. Dago te me konemainogo, te bomai po elalubo dao.

Dwagi Yai Gesi Po Jongo Asęani 10:34

Jisasgo te po augwali dali wai, “Dagego bomo yai po asęani bukude te God agai wali po me deli elalubao, e dao, ‘Eno te po wai, “Dage da God dabe dao,” ’ te bukude te asęani po elalubao.

Godigo Nogi Ugwaba Sabo Tęąbi Po Wabo Buku Dabe 7:4

tama eno ena abagi dali geagano bilibo sę eyu, tama eno te ena boi bidi dolobo sę olo eyu ebaso da,

Dwagi Yai Gesi Po Jongo Asęani 19:36

Te sę tama pedalai, tama Godigo bukude wali po usu numainogo yai. Te bukude asęani po tama wai, “Augwaligo agai dili me deli togogobeo,” te po asęani.

Matyu 10:8

Dagego te gasi we bidi dabe augwali usu iligi pao, tama isai bidi dabe ma hodoliyu, tama oiyabe gasi sai bidi dabe wiegi yai meda isiąwai ma iliyu, tama dwai haubo mobo sela sąyu yao. Tama dage te sę yabo bomo te dagego olo sali, tama monego abelai menio. Tama tibaso, dagego te we bidi te bomogo olo tau sao, tama dagego augwalide mone sigio.

Dwagi Yai Gesi Po Jongo Asęani 13:18

Te agai po me weyu, te po wai, “Dage tigidali dali eno te po wabeo. Ena digi te ena sa muai bidi dabe, te eno konealubao. Tialima, te Godigo po bukude polobadu wali po te nai egilama, mu pedalaibao. Te polobadu asęani po te dao, ‘Ena dali nai tuali bidi te bidi agai megi ena dali boi bidi yaibao.’